ايه يا فطومة الروح التجارية دى
من اولها كده هاننسحب
هو انتى فاكرة اول ما تعرضى حاجة الناس هاتجرى عليها وتنهال عليكى
يا بنتى لازم سياسة النفس الطويل فى التجارة دى والصبر والمحاولة مرة و2 و3 ده اذا كان الموضوع مستهويكى فعلا يبقى تستحملى بقى المصاعب فى الاول لحد ماتتعرفى كويس

وعلى فكرة عشان مانظلمش حد انا شوفت نفس الصور دى فى كذا موضوع لكذا واحدة على فكرة هنا وفى منتدى تانى عروس لو تعرفيه وحتى عجبتنى حاجات وبعت لوحدة منهم بعتتلى الاسعار مرة وكانت مصرية مش فاكرة اسمها
بس ده كله قبل انتى ماتنزلى موضوعك بفترة شهرين تلاتة يمكن

وممكن ده يكون سبب عدم الاقبال على موضوعك لان اكيد كتير شافوا المواضيع والصور دى قبل كده

بس مش معنى كده انك تنسحبى لأ السوق منافسة
حاول تجددى فى موضوعك كل شوية تزودى افكار
مثلا عروض مثلا كل حاجة عليها هدية بسيطة عينة برفوم اى هدية دعائية كده فى الاول بمناسبة الافتتاح
مثلا ممكن تعملى اوفر اللى تشترى واحد التانى تاخده بتخفيض معين

تعملى ديسكونت بمناسبة شهر الصيف
يعنى تعملى دعاية لنفسك ولمنتجاتك

يعنى الافكار كتييير بس فى الاول اعملى حسابك ان يكون الربح حاجة بسيطة لحد ما الناس تعرفك وتتعامل معاكى

والسوق دايما منافسة واى مشروع لازم فى الاول تديله قبل ما يبتدى هو يديكى

على فكرة يا فطومة احتياطى لما تيجى تنزلى صور بعد كده لازم تحطى عليها اسمك حفاظا على حقوقك الفنية وعشان ماحدش ياخدها يحطها باسمه

فطومة افتكرت فكرة كمان

بلاقى كتير بنات هنا حاطين لينكات لعروضهم التجارية تحت اسمهم
عشان فى رد ليهم يعملوا دعاية
ليه انتى ماتعمليش كده

لان مش دايما الناس تخش تدور بالترتيب كده فى قسم العروض

انا شخصيا بالصدفة فى اى موضوع الاقى واحدة رده وفيه لينك لموضوع ليها عروض تحت اسمها ااقوم دايسة عليه عشان ادخل اتفرج

والله يا شوشو انا مش شفت الكاتالوج عند حد تاني حتى الماركة دي فلا غالية في مصر من غير حاجة ولأني مش عرفت اصغرها ولا اضبط السعر الا متأخر ده كان سبب وعموما كفى الله المؤمنين شر القتال يا ستي خلينا في اللي نعرفه انا في الترجمة الحمد لله ما ليش زى وده يكفيني بعد فترة كد لما اروق يمكن ارجع تاني اجرب ما حدش يعرف

لما اروح البيت هاجيب لك نمرة عبلة الكحلاوي ان شاء الله

صباح الخير..
ازيك يا روشانا انا بعت لك انبارح عالخاص... ازيك يا فطومه .. ايه النفس القصير ده يا بنتى مش تعافرى شويه وتخلى عندك صبر .. انا مع راى روشانا انتى لازم تجربى تانى وتعملى فعلا عروض واشكال وحركات وكده .. وبعدين انتى لو عايزة اى حاجه فى موضوع الصور ابعتيهالى وانا اعملها لك .. وكمان ياريت تحطى لينك الموضوع فى توقيعك عشان نشوفه وندخل عليه .. وربنا يوفقك باذن الله