نبيلة
ميرو
شيري
منى

صباح الفل عليكم كلكم

والله يا بنات انا سألت ماما طبعا ما قلتش انه اخويا والا هتتجنن وهى بعيد عنه المهم سألتها انا اخذته قالت لي انتي اخذتي التطعيمات كلها بس ممكن الواحد يتعدي في اى وقت حتى لو واخد التطعيم تخيلوا، وعلى فكرة ده كلام ناس كثير بما فيهم الدكتور

المهم انا ان شاء الله هاسيب ياسمين مع باباها واروح لأخويا وربنا الحافظ هاعمل ايه يعني اسيب الولد لوحده كده وفعلا اللي مكتوب مكتوب ولو ربنا قاسم لنا نتعدي يبقى اتعادينا خلاص لأني لسة شايفاه اول امبارح وامبارح ظهر عليه الفيروس

ما علينا

بس فعلا فعلا انا لاحظت لما يبقى الواحد مخطط حاجة ويتكلم فيها قدام حد بتبوظ ايا كان الحد ده تخيلوا يعني فعلا عمري ما رتبت لرحلة وتبوظ وتتعقد بالشكل ده الا المرة دي علشان قلت في الشغل من فترة اني هاسافر والجيران والأقارب عارفين

مش عارفة انا كده تهيؤات ولا ده بيحصل للكل؟

ههههههههههههههههههههههههههههههههههههههههههههههههه

صباح الخير يا ميرو

فاطمة ربنا معاكى بس بليز متلمسيهوش ولا تلمسى هدومه وابقى اغسلى ايدك بصابونة ديتول يا قلبى وربنا يشفيهولك ان شا ءالله
ومعلش كله بايد ربنا يا حبيبتى متهيالى عشان كده الرسول ( ص ) قال ( استعينوا على قضاء حوائجكم بالكتمان ) صدق رسول الله

السلام عليكم
لا شكر على واجب يا بنات ولو لقيت لكم حاجة حلوة تانية عندى راح أبعثها لكم .
أم أبيها 74..قال رسول الله صلى الله عليه وسلم (استعينوا على إنجاح الحوائج بالكتمان ؛ فإن كل ذي نعمة محسود ).
وبالنسبة لأخوكى قولى طبعا بدون ما يسمعك ( الحمد الله الذى عفانا مما أبتلى به كثيرا من خلقه وفضلنا تفضيلا )
أختكم هبهوبة

ايوة والله معاكوا حق يا بنات انا من ساعة ما قلت في الشغل ولقرايبي على موضوع الشقة الجديدة وانا مهرية
معرفش ليه
ماما عيت واخويا دخل المستشفي وشادن طبعا الدور اياه ابو حقن كل 12 ساعة وخناقات علطول مع جوزي ده غير العقبات الفظيعة المريعة في استلام الجديدة وتسليم القديمة وغيره وغيره

محدش بيحس انتي تعبتي اد ايه عقبال ما تجيبي الحاجة يعني هو الشقة دي هبطت عليا من السماء والله ربنا العلم احنا جبناها ازاي ما بين تدبير وتقطير وبيع دهب ده غير الديون وكمان مش خالصه

بس مش مهم كله يهون طول مانا حاسه ان ربنا كرمني بيها على اد ماتعبت او اكتر كمان

الحمد والشكر لله
الحمد والشكر لله
الحمد والشكر لله


انا قصدي بس الناس متبصش لحد وتبقى راضية كل واحد عندو اللي مش عند التاني لو رضينا هنستريح اوي

اهم حاجة نبص الحاجة دي جت ازاي مش الكل يقول اهي جت وخلاص او بصي دي طالعة تصيف او بصي دول جابوا عربيه جديدة يعني هو احنا لاقين الفلوس دي جنب الحيطة ولا مهلوكين وطالعانة عنينا بيها

يلا ربنا كبير وعالم بالحال

السلام عليكم و رحمة الله و بركاته

صباح الخير على كل حبيباتي

وحشتوني جدا جدا جدا و الله بس ربنا يعلم الظروف هي اللي بعداني عنكم. اخباركم ايه جميعا؟؟ معلش معرفتش اقرا اللي فات، و دخلت عالسريع لاني عرفت من منى حبيبتي ان ميرو الجميلة كانت بتنده على هاميس هههههههههههههههه ربنا ما يحرمني منك يا ميرو و لا من كل حبيباتي و أخواتي هنا و يبارك لنا في الصحبة الجميلة دي يا رب

انا قريت عالسريع موضوع مرض أخوكي يا فطوم، ألف سلامة عليه، بس فعلا يا فاطمة التطعيم وحده مش كفاية، انا أخدت الحصبة من الاطفال في المدرسة لما كنت مدرسة و كان عندي 22 سنة مع اني كنت متطعمة و انا صغيرة. وقتها بعدنا أخويا الاصغر مني لانه مأخدهاش و بعدنا مرات اخويا الكبير لانها كانت حامل عشان خفنا عليهم من العدوى، و اخواتي الكبار همه اللي قعدوا بيا لانهم اخدوها و همه الصغيرين، و الدكتور وقتها قال ان ممكن تاخدي المرض حتى لو متطعمة في حالة لو مناعتك ضعيفة او عيانة في نفس الوقت بدور برد مثلا فالاجسام المضادة مش بتبقى عارفة تحارب مين و الا مين، انا وقت الحصبة فعلا كان عندي دور برد و انا اصلا مناعتي خايبة فالدور كان كامن عندي و فجأة ظهرت الاعراض. الدكتور بيحذر كمان ان في التوقيت بتاع النقاهة تاخدي بالك ان ممكن الانسان يلقط اي عدوى تانية. و على فكرة انا مثلا صديقتي كانت واخدة الحصبة البلدي دي و جت زارتني و هي متطمنة انها مش حتتعدي مني، بس بعدها بيومين اخدت الحصبة الالماني!!! بس مش مني كان من المدرسة برضه، يعني الامور دي الانسان مش بيقدر يتحكم فيها طبعا، المهم انك تبعدي البنوتة الصغيرة و تحاولي زي ما منى قالت تغسلي ايديكي بديتول و ربنا يستر، بس عشان الولد الغلبان ده لازم حد يخدمه في مرضه و ليكي الثواب ان شاء الله يا فاطمة. اما الرحلة يا ستي فربنا يعوض عليكي بأحسن منها ان شاء الله، يمكن كان فيها شر و ربنا بعده عنكم بفركشتها، يعني متتضايقيش و قدر الله و ما شاء فعل

انا حأعمل بقى زي حبوبتي دون و اسم عليكم واحدة واحدة و خصوصا

حبيبتي....... و حبيبتي ........ و الغالية ام ......... و ام ......... و ام ........... و ........ و ....... و......

و الف الف مبروك للولو على الحمل و ربنا يتتمه لك بخير يا قمر و تقومي بالسلامة

اترككم في رعاية الله و حفظه و دعواتي لكم جميعا بالصحة و السعادة و الهناء