هاقوللكم حاجة عن تجربة قبل ما امشي

زيت الزيتون وعسل النحل تدهني بهم الوجه كل واحد لوحده طبعا بيخلوا البشرة هايلة مع تغذية سليمة وكريم ليلي اى نوع مرطب صدقوني تحفة وطبعا مية الورد في غسل الوجه جميلة

اعتقد يا رانيا من اللى فهمتوا من كلام البنات
ان اول تأثير بيبن ان البشرة نضره ومش مجهدة
اومال انا هاجربه ليه :(
يعنى لو مالقتيش الفرق ده فى بشرتك يبقى الكريم فاشل ومالوش لازمة

فطومة
طبعا انا متاكده من فايدة زيت الزيتون والعسل
بس الكلام ده يا ماما عايز واحدة فاضية ورايقةةةةةةةةةةةةة
يعنى انا لو عملت كده فكرك واسترخيت على الكنبة قصاد التلفزيون
تفتكرى بنتى حبيبتى هاتسيبنى كده

ده انا بخاف احط روج فى البيت منها يا بنتى
كل حاجة ... ايه ده ماما ؟
ولازم تشوف بايدها واحتمال تدوق ولازم لازم اى حاجة اعملها لنفسي اعملها زيها
لانها لسه مش مقتنعة لحد دلوقتى ان فيه حاجات للكبار و حاجات للصغيرين
هى عندها انا وهى زى بعض فى كل حاجة
حتى باباها لما يجى يكلمنى فى اى موضوع بتغير وتشاورله فيما معناه بصلى انا وكلمنى انا سيبك من ماما

كمان لازم الوحد يحطهم وهو صاحى عشان يغسل وشه بعد كده
لكن الكريم الواحد يحطه ويتقلب ينام على السرير مفيش مشكلة
(كسل بعيد عنك)

انا هموت خلاص
جوجو هتموتني

النهاردة اصعب يوم في حياتي عدا عليا
قاعدين بنلعب مع بعض في توكة في شعري قد الصباع كده عمالة تشيلها وتحطها كلبس كده
بعدين في لحظة في ثانية كانت حطاها في بقها
ونفسها قطع وبرقت وازرقت وبقيت اصوت واحاول اطلعها من زورها حاسة بيها في حلقها ومش مالكة اطلعها
وجوزي بقى يصرخ ونقلبها ونضرب على ضهرها ودي قاطعة لغاية مابلعتها
انا بقى بعدها اترميت على الأرض وبقيت اعيط بهيستريا
الله لايوريكم فعلا الموقف دا ويحفظلكم اولادكم
نزلت بيها على المستشفى عملوا اشعة ولقوها عدت المعدة وقالولي المفروض تنزل في البراز بس لازم تلاحظيها
لو مانزلتش في خلال 3 ايام نرجع نعمل اشعة تانية نشوفها فين
الدكتور قال لي الحمد لله انها بلعتها كان زمان البنت راحت مني
انا والله كنت هموت وبقينا نجري وبطني وجع هيموتني
انا ماكانش هاممني حاجة غير بنتي
والله والله والله العيل غالي فعلا
يارب يحفظ اولادنا
انا مش عارفة هو اللي بيحصل لي عادي ولا انا فيا حاجة مش طبيعية
لما رجعت البيت اخدت حبوب التثبيت

ازيكم يبنات عاملين ايه
هيام مبروك على السواقه
ام ابيها الف سلامه على اخوكى ربنا يقومه بالسلامه ان شاء الله
توتا فيه طمى مغربى وصابون مغربى فى كل الصيدليات انتاج شركة اصالةللاعشاب الطبيعيه
لولو الف سلامه على جودى والحمد لله انها عدت على خير انا برضه ابنى قبل كده بلع عشرة قروش معدن وفعلا نزلت منه مع الحمام فا انتى لحظيها وربنا ان شاء الله يطمنك عليها