السلام عليكم جميعا
ايه يا بنات اللى بيحصل ده
كل يوم واحدة تحكيلنا كارثة
لا حول ولا قوة الا بالله
يا نودى تعالى بخريلنا المضيفة وشغليلنا سورة البقرة
منى
الف سلامة عليكى والحمد لله جت سليمة والحمد لله ان بنتك ماكانتش معاكى عشان ماتتخضش

لولو

اخبار بنتك ايه

ربنا يستر علينا وعلى ولادنا يا رب

رونا

صباح الفل عاملة ايه ، الحمد لله على كل حال والله اليوم دعيت يصبر ماما على بلوتها لأنها يا حرام لسة ما تعرفش اللي مستنيها

روشانا

صباح الخير ازيك

لولو

ايوة صحيح ايه اخبار التوكة، تصدقي امبارح ياسمين فجأة لاقيتها بتمضغ حاجة في بقها وشعرها كنت حطة فيه توكة استك وتوكة كلبس صغيرة لاقيتهم مش موجودين طبعا تخيلت بنتك واترعبت ومديت ايدي في بقها لاقيتها فعلا بتمضغ التوكة الأستك فطلعتها مع اعتراضها طبعا اما بقى الكلبس ففضلت ادور عليها خفت تكون فعلا بلعتها لحد ما لاقيتها اتشاهدت وقلت الحمد لله

السلام عليكم يا بنات

الف شكر ليكم على كلامكم الرقيق لى ربنا مايحرمناش من بعض
شيرى يا جميلة اكيد عندك حق وحقيقى مش عاوزة اركبها من اصله مش بس اسوقها وان شاء الله اعصابى تهدى عن كده وكله يعدى
ام ابيها حبيبتى ربنا يكرمك وتتحل مشكلة اخوكى ويقومه ربنا بالسلامة معلش دى المنغصات العادية بتاعة شباب اليومين دول وانتى عارفة انى عندى من نفس العينة وربنا يهديهملنا
رونا ربنا يكرمك يا حبيبتى
روشانا ربنا يخليكى والف حمد وشكر لله ان هنا فعلا مكانتش معايا وربنا ستار والحمد لله

انا بقى شوية وحنزل اكمل رحلة الاصلاحات عند السمكرى وبتاع الدوكو والكهربائى وربنا المعين
نفسى تتصلح قبل ما جوزى يرجع من السفر بكره وربنا يستر ان شاء الله
انا بس نفسىاهدى وانسى لان المشهد عمال يتكرر فى دماغى لدرجة رهيبة لدرجة انى معرفتش انام
يلا الحمد لله مش عارفة فكرت فعلا اخد مهدئ للاعصاب تفتكروا اعمل كده ؟؟

منى
الف حمد وشكر لله على سلامتك ياشيخة والعربية دي اخر حاجة تفكري فيها
روح الأنسان غالية واهم حاجة صدقيني
طبعا استحملي اللي هيقولهولك جوزك وامتصي غضبه
وان شاء الله مش هيحصل لاخناق ولا حاجة

التوكة لسه مانزلتش
منتظرة الفرج كل ماتعمل اجري وافضل امحص وادقق عشان يمكن اشوفها
ولا الهوا
ربنا يستر
احنا محتاجين شوية رقية على التزام

السلام عليكم جميعا

أنا حابه أسأل سؤال
مفيش أخبار عن أم باسل
أرجوووووووووووكم الي تعرف عنها أخبار تبلغني ممكن