فطومه .. صباح الفل عليكى يا قمر
لولو تسلمى ..و وافينا بآخر الأنباء عن التوكه.
منى .. حبيبتى انا حطاها عشان تضحكى يا قمر .. الحمد لله انها جت سليمه وروقى وكل حاجه بتعدى ما تقلقيش وربنا معاكى ويحميكى انتى وبنتك يارب .
لؤلؤه .. خلى بالك بأه هو اعتبر دى الأولى :) وان شاء الله تاخدى الأجازة وتكون جميله
وصباح الخير لكل البنات رونا وروشانا ورانيا وكلللللل الباقيين

وجالى الدعاء ده فى الايميل حلو اوى :
قل هو الله أحد
بفضلها يا رب لاتكلنى إلى احد ,ولا تحوجني إلى احد , واغننى يا رب عن كل احد
يا من إليه المستند وعليه المعتمد, عالياً على العلا فوق العلا فرد صمد
متره في ملكه ليس له شريك ولا ولد, ورزق ميسر يجرى على طول المدد
يا سيدي خذ بيدي من الضلال إلى الرشد, ونجنى من كل ضيق ونكد
يا اله الفضل بحق الله الصمد, يا من لم يلد ولم يولد
ولم يكن له كفواً أحد

رانيا سبانيش

هو انا من الناس اللي زعلانة منهم؟ اوعي احسن اموت نفسي واروح انتحر بس هه

لؤلؤة

هو انا الحقيقة هاقول طبعا لماما ان شاء الله امال مين هيدفع الفاتورة، بس مش دلوقت لما البيه يخف خالص علشان ما يقعدش يتمسكن زى كل مرة ويقول انا تعبان انا هاموت نفسي والحركات دي

هو كان قاعد مع اخويا الأصغر منه وطبعا الظروف هى اللي جبرتنا عليه مش بمزاجنا يعني ودي مش حجة انا قعدت قبله لوحدي عشر سنين ولا عمر شكوى واحدة طلعت علي ولا حملت ماما هم اى حاجة

وساعتها انا ما كانش لي اخت كبيرة في مصر تسأل عليا زى ما انا باعمل معاه

بالنسبة للعقاب فطبعا انا عارفة في الأول ما فيش موبايل ما فيش فلوس ولا هدايا ولا لبس بس بعد كده هيضحك على ماما بكلمتين وتروح هى على طول جايباله حاجات ولا كأن حاجة حصلت قلب الأم بقى انا دلوقت مجربة وحاسة

منى

هدي اعصابك ان شاء الله سليمة

السلام عليكم
ينقع واحده مصريه تدخل معاكم بعد الصفحة 153 تقبلوها؟
هو انا دلوقتى صعب اقرا كل اللى فات و اتعرف عليكم تفتكرو ايه الحل؟

اهلا اهلا يا مشمشة ازيك

مش محتاجة يا بنتي انا هابدأ واعرفك بنفسي، انا اسمي فاطمة وباشتغل مترجمة وعندي بنت اسمها ياسمين الحمد لله