كوبونات الراقية تسجيل الدخول

شيرى 44
شيرى 44 •
صباح الخير عليكم..
منمونه .. معلش يا قمر ما تزعليش علقه تفوت ولا حد يموت و انتى اصبرى شويه وكل ده حيعدى وبالراحه ومن غير ما تضايقى نفسك يا جميل .
لؤلؤه .. حمد لله على سلامتك وفطستينى من الضحك .. يلا عايزين مداماتنا العزيزات يردوا على الميل ده
لولو ...ازيك يا جميل وازى جودى دلوقتى ؟ يارب تكونوا بخير من غير مغامرات جديده
ام موره .. انتى فين ؟ منوره يا جميل
رواء صباح الفل
كات وروشانا ورونا وام ابيها وسمسه انتوا بتغطسوا فين وهبه عبد العظيم انتى فين يا هببببه .. يا ترى حد يعرف اخبار عن ام يوسف وام باسل ؟
بست بست بست ... دندونه دندونتى حبيبتى الف مبروووووووك على الفراخ اخيرا اشتريتى فراخ الحمد لله .. قررتى الانتحار خلاص ! كل ده عشان ما تروحيش لل ... ماشى ماشى انا حقول على كل حاجه.. بس تعالى عايزه اسالك سؤال جد انتى وكل البنات .. هى اوضه السفره يبأه كتير عليها 21 الف ؟ !! انتى عارفه انا مليش فى المواضيع دى وواحده قريبتى بتجهز ودبت خناقه للسما عشان اوضه السفره دى قلت لها ماله المطبخ !!! ما تكلوا فى المطبخ !! او انزلوا كلوا عند البواب عادى يعنى لقمة هنيه تكفى ميه .. المهم ... دلوقتى الخطوبه كلها حتتفشكل عشان اوضه السفره شفتوا الدماغ .. انا بقول مش كتير وناس تانيه بتقول لأ كتير عشان مفيهاش نيش هى سفره ل 8 وبوفيه وفوقه نيش صغيره خالص مش قطعه مستقله .. يبأه كتير كده عليها ولا لأ ؟ مستنيه ردك قبل ما الخطوبه ما تبوظ حد لاقى حاجه اليومين دول
don
don •
رواء الاسلام رواء الاسلام :
ازيكم كلكم لدون ذكر اسماء علشان ما انساش حد دندون حبيبة قلبي الحديث و باختصار معناه ان انت اذا تملكي شيء ممكن توصيه بيه فما ينفعش تنامي ليلتين من غير ما تكتبي وصية يعني باختصار كدة روحي اكتبي لك وصية اذا عندك حاجة ممكن توصي بيها
ازيكم كلكم لدون ذكر اسماء علشان ما انساش حد دندون حبيبة قلبي الحديث و باختصار معناه ان انت اذا...
الله ينوووووووووووووووووووووووووووور يا رواء :42:
ايوة كدة مش تقوليلى :42: ماهو الحديث سهل اهو امال اية الغباء ده جه منين؟؟؟؟
طب يا بنات انا بوصيكم على المطبخ :hahaha:
spanishflower
spanishflower •
السلام عليكم
ازيكم يا بنات
رواء جميل التفسير جازاكي الله خيرا انا برضه مفهمتوش في الاول و اتكسفت اسال
منمن
اخيرا ظهرتي يا ستي و لا يهمك و كبريييييييييي جدااا و ان شاء الله تعدي علي خير و اكيد جوزك رد فعله من خوفه عليكي و هو مسافر

سمكه سمكه سمكه
انتي فين يا بنتييييييييييييييييييييييييي
منوره و الله

شيري انا اعتقد انها غاليه بس انا معرفش اسعار الايام دي
بس يعني بصراحه لو العريس و اهله كويسين يبقي حرام شرعا فشكله الجوازه علشان ماديات
سلام يا قمرات
شيرى 44
شيرى 44 •
رانيا ازيك يا قمر وازى بطابيطك ؟ شوفى يا ستى انا لو مكانها ولا تفرق لا سفره و لا صالون عنهم ما جالهم حد يزورهم .. لو انا عايزة الشخص يبأه ولا تفرق الماديات والشكليات لكن لما بتكون جوازه صالونات والأهل داخلين ومتحكمين فيها بيبأه كل واحد عايز يمشى الى على مزاجه هو وكلمته ما تنزلتش الأرض ابداااا :) وربنا يهدى النفوس
don
don •
don don :
الله ينوووووووووووووووووووووووووووور يا رواء :42: ايوة كدة مش تقوليلى :42: ماهو الحديث سهل اهو امال اية الغباء ده جه منين؟؟؟؟ طب يا بنات انا بوصيكم على المطبخ :hahaha:
الله ينوووووووووووووووووووووووووووور يا رواء :42: ايوة كدة مش تقوليلى :42: ماهو الحديث سهل اهو...
عارفة يابت يامنمن انا لو منك كنت عملت اية؟؟؟فى حموتها كدة كنت اخدت الحاقدين دول وعزمتهم يركبوا معايا العربيه علشان يشوفوا سواقتى ويادوب اول طلعه وتروحى مورياهم الآخرة
( قضاء وقدر )

بت يا بست انتى ياشيرى ايوة السعر بتاع السفرة دة موجود حاليا وفية اكتر من كدة لكن فية اقل برضه وحقولك فين العيب ؟؟؟ان فية امخاخ بعيد عنك لحد دلوقتى بتعمل حساب اللى حييجى يبارك ويشوف العفش وازى يقولوا دى جايبة ترابيزة ونيش بس ؟؟؟؟؟؟؟؟ وبعد الزفة والفرح حتلاقى نفسك وقعتى فى كومة خشب فى البيت ووالله ماليها لزمة ودة كان بالاكتر زمان لكن دلوقتى المفروض الناس تكون اتعلمت بقى
يعنى انا ايام العز سفرتى عبارة عن ترابيزة 10 كراسى ونيش محترم ودلسوار و2 شوفوز ومنكرش ان خشبهم مش موجود دلوقتى لكن بصراحة كل ما اعدى قدامها اكلم نفسى واقول لية كدة ياماما ؟؟ تعملى فيا كدة لية ؟؟؟
لكن رواء حبيبتى ادتنى دلوقتى فكرة جهنمية انى حكتبها فى الوصية لاى واحد بكرهه :hahaha: