صباح الخير يا بنات ..
حمد لله على السلامه يا فطومه .. يلا قولى لنا عملتى ايه عايزينك تعوضى 10 صفحات كده رغى .
لولو .. كل سنه وانتوا طيبين يا قمر.. يا بنتى انتى مش تغيرى وتعملى حركات .. لأ وختماها تونه ! تونه يا مفتريه بالطماطم .. امال كمان 5 ولا 10 سنين حتعملى ايةةةةة ( انا بهدى النفوس بردوا :) ) وانا من راى دون ... طبعا الفلوس والدهب يتعوضوا باذن الله وخصوصا انك بتستغنى عنهم عشان تعملى حاجه لربنا يبأه اكيد ربنا حيعوضك عنهم خير وجوزك يجيب لك حاجه احسن ان شاء الله ..بس المهمممممم صحتك .. اتأكدى الأول من الدكتور وبعدين قررى .
ميرو .. صباح الفل عليكى .. اخبار الشقه ايه ؟ كله تمام ولا لسه ؟
دندونه دندونتى .. اظهر وبان.. من فريق الأحد للخميس ينادى القاعده .. حوووول ... مفيش اخبار جديده والعمليه 494 بااااظت ... :) والدنيا ربيع .
وباقى البنات كلها صباح الخير عليكم .

ميرسي يا شيري على سؤالك يا قمر
لا يا حبيبتي لسه انا من المشردين ادعولي الشقة تخلص على خير علشان نتلم في بيتنا بقى لان جوزي شكله استحلاها ومامتك مش مخليه عايز حاجة ولا حتى مراته وبنته يلا ربنا يدي كل واحد على قد نيته

فطومة الحمد الله على السلامة يلا بقى احكيلنا عملتي ايه بما انك من اوائل اللي صيفوا في المضيفة يلا قوليلنا رحتي فين واخبار الجو ايه وكده يعني

السلام عليكم جميعا

لولو
ازيك عاملة ايه دلوقتى
مش هاقولك حاجة اطتر من كلام دون كفت ووفت جزاها الله خير بلا شبكة بلا دهب هايعملونا ايه دول يوم الحساب ولا هايضيفوا لحسانتنا ولا ينقصوا من سيئاتنا
بس اهمممممممممم حاجة حالتك الصحية وخصوصا بعد اللى حصلك اليومين اللى فاتوا
طبعا الكلمة الاخيرة فى الموضوع ده للدكتور بتاعك وربنا يعمل اللى فيه الخير بس احتياطى لو وافق قوليله يديلك مثبت حمل من دلوقتى احتياطى
بالنسبة لبنتك النقاش فى الموضوع ده لو كنتى فى حالتك العادية لكن فى حالتك دى اكيد لأ ماتخدهاش معاكى طبعا انتى كويس اوى تاخدى بالك من نفسك بس

بالنسبة للاطفال بيعملولهم ايه ماما راحت حجت واعتمرت الحمد لله (عقبالى انا وجوزى يا رب)
وقالتلى الامهات هناك بيربطوا اطفالهم بحزام حوالين وسطهم يعنى ناحية من الحزام فى وسط الام والناحية التانية فى وسط الطفل ده لو الطفل بيتحرك وبيمشى
وتقولى بيقعدوا يقروا قرءان ويصلوا عادى والطفل يجرى هنا وهناك حواليهم لحد اخر طول الحزام ما يسمح
انا اول ماقالتلى اتخضيت قولت ايه ده مش ممكن اربط بنتى بحزام كده
بس لما قعدت افكر كده قولت امال هايعملوا ايه يعنى يسبوا العيال تتوه منهم ولا يقعدوا يجروا وراهم هنا وهناك ولا هايصلوا ولا هايقروا قرءان
بصراحة موضوع متعب ومهلك للام والاب وخاصة لو كان اكتر من طفل
غير ان الاطفال مش هاتسمتع وهاتبقى مضايقة طول الوقت لان مش هو ده الجو بتاعهم

انا بنتى بتضايق لو خرجنا ودخلنا اى محل غير اكل او العاب او حاجات اطفال
امبارح باباها دخل محل رجالى يشتريله حاجة زهقتنا زن وملل عايزة تروح الالعاب
لحد مازهق وقال يلا بينا مش عايز حاجة
ما بالك بقى لو قعدت دى فى مكان من غير كارتون والعاب فترة طويلة هاتضايق وتضايقنا معاها
واعتقد معظم الاطفال مش هايفرقوا عنها كتير كلهم نفس العينة

فا انتى احسن حل توديها عند مامتك لو واخدة عليها شوية ولو عندك اخوات عندهم اطفال او حتى جيران مامتك ابقى خليهم يروحوا يزوروا مامتك كتير عشان تتسلى مع ولادهم الاطفال يحبوا الاطفال معاهم وحواليهم اكتر من الكبار اللى يعرفهوهم

وربنا يكتبلك الخير ان شاء الله

فطومة
حمدلله على السلامة اخبار البحر ايه احكيلنا على مغامرات ياسمين والبحر :)

لولو
نسيت اقولك عيد جواز سعيد بس ليه كده يا بنتىالاحتفال الفظيع الى عملتوه ده
اومال لما تكملوا 10 سنين هاتعملوا ايه كل واحد يروح بلد لوحده يحتفل بيه :)
لأ حاول تعمليله مفاجأة مرة الاسبوع ده وهو راجع من الشغل وشوية ورد كده وكارت فى كلمتين حلوين وشوية حركات واطلبى حتى اكل من برة عشان ماتتعبيش نفسك يوميها