مش عارفة طبعا اقرأ اى حاجة من اللي قلتوه يا رغايين

بس فهمت كده ان لولو عاوزة تحج ، شوفي يا لولو الحج والزيارة دعوة ولو ربنا كتبهالك يا سلام استخيري وتوكلي على الله علشان الحمل لأن انا والله كان نفسي اعملهات وانا حامل وما عرفتش من زوجي وقلقه رغم اني كنت في الآخر والسعى كان هيفيدني المهم يا بنتي احنا اللي بنجيب الدهب والفلوس وان شاء الله ربنا يعوضك عنهم خير وبعدين في جمعيات شرعية وشركات بتعمل الحج وفاخر وكل حاجة بالتقسيط اسألي كويس

اما عن المصيف بقى فالحقيقة كان منظور من اولها والله المهم سافرنا كلنا انا واهل زوجي نفر نفر وبس عنها وياسمين انصابت باسهال من اول يوم ويوماتي البامبرز يسرب ويبهدلني انا وهى وادوخ بها وابقى مش عارفة اشيلها ازاى

وبعدين اخت زوجي قالت هترجع من السفر فجأة يوم الجمعة الفجر يعني قبل مصيفنا ما يخلص بيومين وطبعا كلنا كده اتشحنا ورجعنا على القاهرة بدري واحنا اصلا رايحين متأخر يومين برضه علشان بابا زوجي رجع من السفر وكده يعني انما الثلاث ايام اللي في النص كانوا في البحر روعة

انا كنت في مطروح ورحنا على الأبيض تحفة زى الساحل الشمالي بالضبط فعلا جميل وبلد روعة والله واهلها ما فيهمش طمع ورايقة والشوارع ما فيهاش اشارات تخيلوا ونظييييييييييفة والا ساعة الأذان تصوروا قبل الشروق المؤذن يفكر الناس تاني بالفجر قد ايه جميلة ادعولي اعرف اروح تاني في روقان من غير مشاكل

اما سوق ليبيا فحدث ولا حرج بقى احسن حاجة هناك طبعا المكياجات والكريمات والشامبوهات والبرفانات ومعجون الأسنان تخيلوا جبت سنسوداين من هناك ب_ 4.5 جنيه بس لأ وايه في كريم بشرة ايطالي باستعمله هنا ب 25 جنيه جبته من هناك ب 14 ، والتوابل بقى وزيت الزيتون كانوا بيلمونا (الستات) من السوق بالعافية

اما ياسمين فانا نزلتها يومين بس علشان الاسهال وطبعا كل مرة يدوب تنبل وتروح نايمة في العوامة زى ما تكون في السرير بالضبط مسخرة خالص

السلام عليكم
شكرا مدام DON لى دعائك لى ...بس المقصود فى الحديث متعلق بصلاة العيد فقط .
أختكم هبهوبة

هبهوبة
سلامة ياسمينة الف سلامة
ياعيني الأولاد لما بيعيوا ببوظوا علينا كل حاجة لأن حتى نفسيتنا بتكون تعبانة
المهم انك عملتي شوبنج

لولو
اعتقد انتى كاتبة هبهوبة بدل فطومة هيا ام ياسمين

ركزى شوية انتى لسه فى الاول امال فى التاسع هاتعملى ايه :)

عايزة اكتر من كدة اية سوربرايز ؟؟؟؟؟؟؟؟؟؟؟؟؟؟؟؟؟؟؟:42: