متشكرة لكم اوي ياجماعة علي دعواتكم لي
انا بس متوترة شوية اولا لان جوزي مش معايا....ثانيا كل يوم اروح لدكتور ولحد دلوقتي والله ماعارفة هولد فين ان شاءالله انا فاضلي علي اخر التاسع بامر الله 10 ايام وبتابع مع دكتور في مستشفي تبارك جنب بيتنا وكذا حد ولد فيها وقالوا عليها كويسة
بس بحس ان الدكتور استغلالي وكل مايشوف وشي يقولي اعملي تحاليل واشعة ومخوفني لان ضغطي 140 علي 95 ويقولي المشيمة ابتدت تعجز وفيلم كدة
من كتر الخوف ببقي قاعدة قدامه مبلمة زي التمثال حتي او عاوزة اسال حاجة مبسالش ماما هي اللي بتتكلك لدرجة انه بيقولي مالك يامدام مسهمة ليه!!!!!!!!!!!!!!!!!!!! راعبني ومش عاوزني اسهم
ماما عاوزاني اولد في مستشفي بدران مع دكتور مولد اخواتي وطبعا هيكون فيه فرق في السعر طبعا هتقولولي مش وقت التفكير في الفلوس المهم انتي...بس انا بقول كله ولادة
كمان خايفة ميبقاش عنده امانة ويولدني قيصري بالعافية حسبي الله ونعم الوكيل الواحد مش لاقي دكتور واحد ثقة عنده امانة

وبعدين عاوزة اعرف انا كدة حالتي عادية؟؟؟
معنديش اي بوادر ابدااااااااااا ولا التفاسيح دي اللي الناس بتقول عليها ولا تعنية ولا اي حاجة مجرد تقل في البطن والظهر طبعا وزي مافطومة قالت التقليب بالليل وانا نايمة
دة عادي ولا ايه؟؟؟

عاوزة ابارك لآمولة من كل قلبي انا عارفة انها مش هتقرا الكلام دة بس والله البنت دي انا بحبها جدا جدا كانت بتسال علي وانا مسافرة وتطمن علي للاسف معييش رقم تليفونها ربنا يفرحها يارب يارب ويسعدها
انا بحس انا ابلة دون بتفرح لنا كلنا من قلبها بجد مش كلام يوم فرحي برضو عملتلي لينك لوحدي واحتفلت بي وبرضو وانا مسافرة فوجئت برسالة جميلة منها بتسال علي فيها دة غير كلام ناس كتييييييييييير بتشكر فيها جدا جدا من مواقفها الجدعة
ربنا يحبب فيكي خلقه اكتر واكتر كمان يابلة دون...والله بحبك جدا زي ماما

ازيك يا كهرمانة بنا معك ايوة التقليب والظهر عادي والآلام دي ممكن تتأخر وممكن ما تولديش لحد 15 يوم بعد ميعادك عادي على فكرة

عاوزة اقوللك روحي للدكتور بتاعي والله مش باعملله دعاية لكن هو فعلا هايل وثقة اسمه خالد سويدان وعيادته امام قسم النزهة وهو عملي جدا على فكرة وبيعرف ايه اللي المفروض يتعمل وبيولد في مستشفيات كثير من احسنها سعرا التوفيقية وسان بيتر يعني سان بيتر فعلا نظيفة قوي وسعرها جميل لكن مشكلتها زى ما انتي شايفة لكن هو اللي هيولدك

طبعا لو انتي او زوجك تبع نقابة هيكون السعر ارخص كثييييييييييير

ربنا معك وتقومي بالسلامة

يا بنات ادعوا لنودي والله فكرتني بفرحي ويومها كانت حالتي ازاى ربنا يتمم لها على خير ان شاء الله وبعدين عاوزين نروح لها كده بربطة العصابة ونبارك لها

كهرمانه ربنا معاكي ويقومك بالسلامة يااااااااااارب

أم ابيها عجبتني نروح لها كدا بربطة العصابة هههههههه

اناااااااااااا هروح جرررررررررى على لينك ندنوده حبيبه قلبى

السلام عليكم
كل اخواتى بحبكم جدااا ووحشتونى جدااا
مبروك يا امل وربنا يفرح قلبك ويسعدك يا رب
كهرمانه
عليكى بسوره الزلزله
اقريها على ماء واشربيها الصبح بعد صلاه الفجر وبعد صلاه العشاء وان شاء الله ربنا ييسر ليكى الخير وييسر ليكى وضعك ويجعله من الصالحين باذن الله
الجميع دون اى استثناء
احبكم كلكم فى الله
ام باسل