Noody30 :

السلام عليكم و رحمة الله و بركاته صباح الفل عليكم يا بنات ربنا معاكي يا ام يوسف و يوفقك ان شاء الله و يطلق لسانك بالخير يا بنات بالراحة شوية بس على لؤلؤة، ماشي متفقين ان الروابط دي مش مفروض يتم تبادلها، بس لما ييجي حد يسألنا نقوله وجهة نظرنا بالراحة، واحدة واحدة عليها و محدش يزعل مني بس بجد انا حسيت انها اتحرجت من الموقف و كان ممكن الموضوع يتاخد بطريقة أهدى شوية من كده دلوقت بقى انا فيه حاجة تعباني و عاوزة آخد رأيكم فيها. انا بقالي فترة لما باسمع كلاكس عربية يكون صوته عالي زيادة بأحس بدوخة شديدة و زي ما يكون حاجة ضربت صدري جامد يعني زي ما يكون فيه ضربة زيادة او ضربة أقل. امبارح حصلت نفس الحكاية و اتكررت لدرجة اني حسيت اني فاقدة التوازن تماما و النهاردة الصبح من غير ما اسمع كلاكسات فضلت الدوخة و كنت حأقع على سلم المحطة و انا طالعة مكنتش عارفة أحدد الدرجات او أوزن رجلي عليها. انا مش باشتكي بحاجة من وداني و مش عارفة أروح لدكتور أنف و أذن و حنجرة و الا أي تخصص لان اخويا قا ل لي ممكن يكون في التهاب في الاذن الوسطى و انتي مش حاسة. انا مش عارفة ده السبب و اللا ممكن يكون السبب الضغط العصبي و العقلي اللي عندي في الشغل من فترة، انا بقالي ما يقرب من شهر و انا في حالة استنزاف عقلي بشع في الشغل لدرجة اني حاسة ان بجد عقلي مطحون تماما و مش عارفة لو رحت لدكتور حتى حاشتكي من ايه اصلا!! حأقوله باسمع الكلاكسات بأدوخ!!! ايه رأيكم؟؟ محدش هنا في المضيفة دكتور يفتينا أي تخصص ياخد الحالة الهلاوس دي؟؟ على فكرة الطيور نزلت الاسواق تاني و المزارع خلاص حتفتح، و اشتريت فراخ امبارح طازة الكيلو ب 8 جنيه. كمان كرتونة البيض عندنا في طنطا ب 12 جنيه و نصف، مش عارفة هي غالية اوي كده ليه عندك يا دون ياللا اروح أكمل طحن في الشغل و حاحاول ابص عليكم تاني بعدين

السلام عليكم و رحمة الله و بركاته صباح الفل عليكم يا بنات ربنا معاكي يا ام يوسف و يوفقك ان...

don :

اية يا نووووووودى انتى حتخوفينى ولا اية ؟؟؟؟؟؟؟دة انا كنت لسة حزغرط علشان الفراخ تقومى قبل ما ازغرط ترعبينى ؟؟؟؟؟؟؟؟ انا اهو الدكتور بتاعك .. س .: هل جتلك يا بنتى الاعراض دى بعد ما كلتى الفراخ من المزرعه ؟؟؟؟:( ج : س : هل انتى متاكدة انها صوت كلاكسات العربيات يا بنتى ولا فراخ بتكاكى ؟؟؟ ج : اوعى تقولى اةةةةةةة يا نوووووووودى لحسن انا اللى حتجيلى الاعراض وساعتها حروح مستشفى الامراض الفراخية:30:

اية يا نووووووودى انتى حتخوفينى ولا اية ؟؟؟؟؟؟؟دة انا كنت لسة حزغرط علشان الفراخ تقومى قبل ما...