Noody30 :

السلام عليكم و رحمة الله و بركاته صباح الخير على كل الجميلات رنرونة، بصراحة انا اول ما جالي الاميل بتاع الست نهلة بعته عالتراش كان على طول، ملقتش مكان تاني ممكن امثالها يتحطوا فيه غيره و الله. بالنسبة للكريم انا جربت بس كريم بوندز بالعسل و الزبادي و كان جميل بس مجربتش كريم الليل و النهار هبة، خير يا بنتي؟؟ انتي بتروحي فين صحيح؟؟ اهلا ريري او نسرين، منورانا انتي و النونو، انا أمل باشتغل مترجمة و مخطوبة الفراشة حبيبتي، مبروك اولا مشروعك الجديد، و بالنسبة للموضوع ابعتي لمشرفة الركن و اسأليها و عرفيها انك لسه جديدة في تنزيل الموضوعات و اذا كان بدر منك اساءة لقوانين الركن تسببت في اغلاق الموضوع ممكن هي تصلح الموضوع و تنبهك تعملي ايه و ترجعه تاني، و ان شاء الله كل خير يا حبيبة قلبي ام يوسف ربنا معاكي و يوفقك في المحاضرة، توكلي على الله و طمنينا عالاخبار ام ابيها، سلامة ياسمين الف سلامة، ربنا يشفيها و يعافيها ام ديموس يا جميلة، الحمد لله انا كويسة، لسه الصداع و الدوخة، بس الحمد لله أحسن شوية كات و هيوم و هبهوبة و منى و دندون و رواء المختفية و ميرو و شيري و سمسم و مسلمة و رووني و كل الناس، باسلم عليكم كتير اوي على فكرة، انا رحت للدكتور امبارح و قال لي ان نتيجة الاجهاد و التوتر و الضغط العصبي ضغط السوائل الداخلية للأذن ارتفع بضغط على الغشاء الداخلي فتمدد فبقيت بتأثر بأي شوت مرتفع جنبي و هو اللي بيسبب الدوخة دي و عدم الاتزان. و الحمد لله اداني ادوية و فيتامين و المفروض ارجعله بعد 3 اسابيع ان شاء الله. دعواتكم ليا بالشفاء و راحة البال

السلام عليكم و رحمة الله و بركاته صباح الخير على كل الجميلات رنرونة، بصراحة انا اول ما جالي...