بالتوفيق يا حلم الامل و يا ريت تنورينا على طول، المضيفة مفتوحة 24 ساعة يا جميل :)

السلام عليكم و رحمه الله و بركاته
صباح الخير يا حلوين
فاطمه ما شاء الله على بنتك ربنا يحفظهالك يا رب و ايوة كدة كل اللى عندة صورة يحطها علشان ألحق أتوحم شويه بس يا فاطمه خلاص كفايه كلنا شفناها شيليها بقه
لولو أيوة انا فى الشهر الرابع و ربنا يعدى الفترة دى على خير
لما بقرأ كلامكم عن الأطفال و إزاى نعودهم يستعملوا البوتى بقول سبحان الله لا اللى عندة أطفال مستريح ولا اللى حامل مستريح ولا اللى مش عندة خالص مستريح فعلا سبحان الله
سمعت عن محل فى العجوزة عندة لبس أطفال حاجات بواقى مكس و ناف ناف و حاجات كدة و اسعارة حلوة بس حد يعرف فين؟ أنا هسأل و لو عرفت هقولكم واللى يعرف يقولنا
نودى و منى و هبهوبه و لولو و ام باسل و ام يوسف و رانيا و كات و لؤلؤة و فاطمه و هبه و رواء و سمسمه و كلكم كلكم صباح الفل عليكم
رانيا حلو اوى الموضوع بتاع ام عزيزان ما شاء الله عليها جزاكى الله خيرا

هلا بالغالية..

مبروك الزواج:icon28:

ماقلت لي اجيب لك هدية<<<<لووووول:hahaha:

باشيونال في الهم فرع في ميدان لبنان؟؟؟

اذا ممكن تعطيني الوصف بالضبط الي بالدقي انا حطلع له من ميدان لبنان..

لما اطلع تكسي ايش اقوول له:3_10_6:

تحملوني يالغاليات:(

الف الف شكر ماقصرتوووو بنات مصر الغالييين ع رددودكم السريعه,,:)

تحياتي لك..

حلم الامل ما تاخدى من الفرع اللى فى شارع لبنان
ليه تروحى الدقى

نودي
فطوم
مسلمة
شيري
منى
الفراشة الطائرة
رانيا سبانش
سمسم
كات
ام يوسف
ام باسل هبة
هبهوبة
لؤلؤة
ازيكم يابنات عاملين ايه؟
اشتركنا في ADSL
بس الفاتورة الجاية هتكون فلة ان شاء الله ربنا يستر


يوميات ام جوجو مع البوتي:
لم يجد جديد الى الآن
لسة بتعملها في البانتيه واجري على الحمام بدون فايدة بعدين بقت واخداها لعبة كل شوية تقولي كوكا ونجري ويطلع دا لعب على الفاضي

يوميات زوجة مفروسة على خطى ام يوسف:

جوزي امبارح قلت له انا محتاجة اجيب حاجات من السوق مهمة قاللي انا اجيبها ياروحي قلتله ياريت بس لازم اجيبها انا...
رحت من غير ماجوجو تحس بيا ونسيت الموبايل انا غبت بس ساعة الا ربع يادوب اجيب غيارات لجوجو وحاجة البيت..
رجعت لقيته مستنيني في الشباك وشايط وايه كمان فتحلي الشباك يسمعني صوت جوجو وهي بتعيط..
قلت له هو في ايه صرخ وقاللي انتي اتأخرتي سيبتيني لوحدي وهي عملت عليا واحتست وحضرتك بره كأني خرجت اتفسح..
قلت وماله فيها ايه ماهي من الصبح تعمل عليا قاللي عليكي ماشي بس انا لأ احنا مااتفقناش على كده
هي ياجماعة فيها اتفاق دي؟
طبعا اتخانقنا وقلتله انت مش متعاون قاللي انا متعاون في اي حاجة الا دي خرجيني من دا
وشوية لقيته جايب المكنسة وبقوللي اوعي رجلك عشان اكنس السجادة
قلتله لا ياخويا الشغالة جاية بكره على ايه؟