السلام عليكم جميعا
الف مبروك المضيفه الجديده وعقبال اللى بعدها

معلش متاخره علشان كنت مسافرة ورجعت امبارح باليل

الف بوسه للجميع

أم أبيها ازيك وربنا يعينك انا من رأيي أعزمي الاتنين واللي عايز يمشي هو حر انتي ذنبك ايه تكلفي عزومتين وتتعبي نفسك مرتين علشان في اتنين زعلانين من بعض والله ده رأيي يعني انا لو مكانك هعزم الاتنين وأخلي الناس الموجوده تحاول تهدي بينهم لو محصلش خلاص وربنا معاكي ويعدي العزومة دي علي خير وممكن حد فيهم يعتذر لو حصل ده خلاص متعمليش عزومة تانيه للي اعتذر انتي تبقي عملتي اللي عليكي ربنا معاكي ويعينك

كات ازيك حمد لله علي سلامتك

دندونة ميرسي يا حبيبتي على سؤالك وعلى كل اللي سال علي خالو

اما بالنسبة للشقة طبعا الشغل واقف محدش فاضي وده لان بابا هو اللي بيشرف على العمال لان بعلي مش فاضي
فلما قلت للبيه ان الشغل واقف علشان مفيش حد يوقف مع العمال قالي معلش مش هيحصل حاجة لما تتقفلها اسبوعين تلاته لغاية ما الازمة دي تعدي مانتي عارفة انا مشغول ومش فاضي

اموت نفسي ولا استني شوية علشان البنت؟؟؟؟؟؟؟؟؟؟؟؟؟؟؟؟؟؟

دينا الحقيني مرارتي هتتفقع خلاص
الاقيها منين ولا منين؟

الباشا مشغول يعني يقطع نفسه ؛ يعني يسيب شغله ويقف في شقته مع العمال ولا يسيبه ويزور خالي في المستشفى هو انا اتجننت ولا ايه؟

طبعا شغله اهم
يا رب صبرني واشفي خالي يا رب

ام ابيها معلش انا مكنتش عايزة ارد على موضوعك لاني مفقوعة
يا بنتي انتي شارية صحتك 25 فرد ليه هو انتي ناقصة ده غير المشاكل
بطلي بقى الطيبة دي لان مع اهل الزوج مفيش حاجة بيفتكروها فريحي نفسك وكل فترة اعزمي عيلة منهم على قدك تقدري تضايفيهم وتهتمي بيهم ومتبهدليش بيتك ونفسك وترضي الكل

وتقوليلهم معلش البيت عندي صغير وميستحملش العدد ده وخلي تجمعهم عند حد تاني ولو اني اشك ان حد هيرضى


بكده تطلعي نفسك من المشاكل وتدي كل عزومة حقها من غير بهدلة في نفسك وصحتك بنتك اولي لو رقدي يومين محدش هيبص عليها بصة واحدة مش علشان هما وحشين لكن محدش فاضي لحد

معرفش ده رايي يمكن البنات ليهم راي تاني



انا بهدي النفوس زي دينا !!!!!!!!!!!!!!!!!!!!!!!!!!!!!

اهلا اهلا ام باسل وحشتينا اظهر كده وبان عليك الأمان يا قمر

يا أم باسل انا بصراحة مش باحب الست دي ومش بارتاح لها واديكم شايفين عاملة مشاكل من غير حتى ما تيجي والصراحة التانية زوجها سافر وما اقدرش ما اعزمهاش وزوجها مش موجود ربنا يعني

توتا

ما هو ده اللي قلته لهم هاعزمها ولو نزلت لما تشوفها تبقى ركبت نفسها الغلط قالوا لي فلان (زوجها يعني) هيتحرج لأن هيضطر يمشي معاها والا ممكن توقفها على الطلاق

ميرو

يا حبيبتي سلامة خالك الف سلامة ومعلش كل الرجالة كده صدقيني كلهم صبة واحدة زى بعض مع اختلافات شكلية فقط لا غير

بصي اصل عدد 25 ده اخواته فقط يعني كل واحدة متزوجة ومخلفة 2 يعني حوالي اربعة وهم ما شاء الله 6 غير باباه (حمايا) وانا غير اللي مخلفة 4 و 3 وما اقدرش اعزم اخ او اخت وما اعزمش الباقي هيزعلوا

اعمل ايه كله علشان زوجي وانا مش عاوزاهم يفتكروا لي حاجة انا بس عاوزة زوجي يبقى مبسوط وفخور انه عزم اخواته كلهم