كوبونات الراقية تسجيل الدخول

كهرمانة12
كهرمانة12 •
حبيبتي دلي....بصي فيه ناس خصوصا الرجال ممكن يبقي عقلها اكبر من سنها وتبقي ناضجة ومتزنة كدة...كمان حتي شكليا فيه ناس شكلها اكبر او اصغر من سنها
فانت اتاكدي الاول زي من طريقة تفكيره ومن تدينه وشكليا كمان انتوا الاتنين سوا...ويمكن هذا الشخص يتق الله فيكي اكتر من اي شخص اخر...فانت تريثي ولا تقبليه الا اذا كنتي مقتنعة بيه مليون في المائة بس ساعتها لازم تشيلي من دماغك ان هو اصغر سنا الي الابد يعني تعامليه وتحسسيه دائما انه هو الرجل وانت الست وتقنعي نفسيك بكدة كمان
وربنا يوفقك
ماما نونو
ماما نونو •
هبهوبة هبهوبة :
السلام عليكم سلامى للجميع ... دولى أولا شفاكى الله وعافاكى وأنا معاكى ويشفى كل مرضى المسلمين آمين . بصى يا قمر بالنسبة لموضوع الزواج لولا قول الرسول صلى الله عليه وسلم (إذا أتاكم من ترضون خلقه و دينه فزوجوه ، إلا تفعلوا تكن فتنة في الأرض و فساد عريض ). لكنت قلت لك لا تتزوجيه لأنى شخصيا أفضل فارق السن الكبير بين الزوج وزوجته ولكن صدقينى أختى العبرة بالتدين وحسن الخلق ...وسيبك بعد كده من كل الشكليات التى لا طائل من ورائها مثل السن والحالة الإجتماعية والمادية وحتى تناسب الشهادة معاكى لأنه لو متوفر له كل ده وأخلاقه مش كويسة حتحسيه بلا ميزة فأهم حاجة الواحده فينا عايزها واحد يتقى الله فيها ....فأنتى صلى أستخارة وأسئلوووووووووا عليه كوييييييس جدا لأن ده جوااااااز وبعد كده لو أتيسرت الأمور وكان القبول يبقى هوالقسمة والنصيب . أختك هبهوبة
السلام عليكم سلامى للجميع ... دولى أولا شفاكى الله وعافاكى وأنا معاكى ويشفى كل مرضى المسلمين ...
السلام عليكم ........اذيك يادولي .<<<<<<<<<حتي وقتنا هذا معرفتش غيرك:22: >>>>>>>> علي فكره انا كمان دكتورة ومش نص كم لا ربع ويمكن كت لو حبيتي مع اني في اخر سنه:09: ....... بس بلاش اقولك تخصص ايه لحسن ممكن تضحكي عليا:hahaha: خليها بعدين........ هايا ........اهلا:26: بيكي وميرسي علي ردك عليا .....اما بقي ياستي بالنسبه للبيت انا ذي ما قولت انا لسه بدرس واصحابي كلهم لازم يكونو موجودين :eek: والشقه نوعا ما مش كبيره وعزمتهم فيها كتييييييييييييييييييييييير علشان كده عاوزه حاجه جديده وروشه علشان هوا هيكون شبابي مش هعزم العواجيز :22: .......ياريت بقي ياجماعه ترودو بليييييييييييييييييييييييييييز
ماما نونو
ماما نونو •
اما بقي يا دكتوره دلي بالنسبه لموضوعك فهو نسبي للغايه يعني فيه ناس تشوفه عادي جدا وفي ناس تانيه رافضاه انتي بقي شوفي اراء الناس اللي انتي هتعيشي في وسطيهم هل الموضوع عادي ولا هيبقي فيه غمز ولمز وحاجات ملهاش لازمه بس بردوه رايي ان العريس طالما اتقدم وهوا واهله اكيد عارفين الفرق في السن اكيد الموضوع مش ازمه بالنسبالهم......دي حاجه ..... الحاجه التانيه فشل الزواج ونجاحه عمره مايعتمد علي السن او فارق السن لان ممكن يكون راجل طويل عريض وعمره فوق الاربعين وبيتصرف تصرف الشاب الطائش والعكس واكيد انت في حياتك ودراستك قابلتي شباب كتير وعرفتي ان العمليه مش سن وبس فيه عوامل كتير بتحكمها اهمها طبعا الدين والاخلاق والحب والعطف والكرم والعقل وصفات كتيره اما موضوع السن ده هوا موضوع اجتماعي ليس اكتر ولا اقل يعني لو عندكم في العيله عادي اكيد مش هيكون فيه مشكله ......وربنا يتمم بخير اذا كان من نصيبك......... معلش انا بديكي رايي رغم اني معنديش خبره اوي بالحياه بس ده فعلا اللي بشوفه حوالينا .........وسلاااااااااااامي للجميع
ماما نونو
ماما نونو •
هايا صحيح معرفتنيش بنفسك
كهرمانة12
كهرمانة12 •
ولا تزعلي ياماما نونو....بالمناسبة اسمك دة حلو اوي
انا حنان مخلصة كلية السن من سنتين ولسة جايبة بنوتة مغلباني نستني حاجة كدة اسمها النوم من 12 يوم بالظبط..
يارتني اعرف اماكن اساعدك بيها بس والله ماليش في الحاجات دي...فيه اخت غالية هنا اسمها ام ابيها خبيرة في الحاجات دي وعندها ماشاءالله بنوتة قمراية فممكن يكون عندها فكرة يارب تيجي لنا بسرعة وتسعفك ان شاءالله
وعلي فكرة هنا هتتبسطي اوي بجد.......كلنا اخوات وكله بيحب يساعد بعض
واصغر واحدة فينا بقي اسمها don زي السكر لاء هي السكر نفسه حاولي تقري مشاركاتها وانتي تتاكدي علي فكرة اخر حاجة سمعتها منها انها معدتش ال20 ,,,,,,,,,صح يابلة دون؟؟؟؟:42: :42: