هايا :

شطورة يا نودي يا سكر محدش يفتح حاجة حد وبعدين انا خايفة على مرارتكم مش اكتر انا كمان قاطعة الجوافة من البيت ويم ما اجيبها على الخلاط عدل مبستحملش اخليها في الثلاجة عندي سؤال لو حد عنده فكرة يا بنات عايزة اجيب مبخرة عربي وبخور عربي اللي هو في محلات العود اللي موجودة في المولات عشان ريحته عجباني جدا بس محرجة ادخل أسأل حد عنده فكرة عن أسماء البخور ده وأسعاره والمبخرة تستعمل إزاي

شطورة يا نودي يا سكر محدش يفتح حاجة حد وبعدين انا خايفة على مرارتكم مش اكتر انا كمان قاطعة...

Noody30 :

السلام عليكم و رحمة الله و بركاته صباح الفل على الكل كليلة >>>> زي جميعا جمعاء بتاعتك يا فطوووم يا رب تكونوا كلكم كويسين و بخير معلش جيت متأخرة عشان كان عندي شغل كتير الصبح، و حاولت اقرا اللي فاتني بس انتوا ما شاء الله ماشيين بسرعة 6 صفحات في اليوم المهم، لفت انتباهي بس نقطة في كلام امينة، يا اموون انتي بتقولي اننا بنخزي العين و عشان الحسد و دايما بنشتكي و مش بنقول غير الجزء الوحش، مع ان كلنا في كلامنا قلنا ان فيه الحلو و فيه الوحش، لكن لو تلاحظي النقاط اللي اتكلمنا فيها كلنا و اتفقنا عليها انا و ام ابيها و سندريلا قريبة اوي من بعض و هي ان الراجل الشرقي او المصري بعد الجواز فعلا بيميل انه يرمي الحمل كله على مراته و مش بيهتم انه يسأل حتى ازاي هي شالته لوحدها، المهم انها شالته و خلاص. يعني احنا يا بنتي مكدبناش و لا صورنا الرجالة على انهم بعبع او الجواز على انه متحف الشمع في فيلم رعب!!! احنا بنشتكي من حاجة مكناش متخيلين انها حتحصل لنا، كنا رومانسيين زي حالاتك كده و فاكرينها ورد ورد، لكن بجد الحياة على ارض الواقع حاجة تانية. اما بقى اللي جوزها عنده قدر من الرومانسية بيستمر بعد الجواز فدي ربنا وفقها في واحد بين كل عشرين راجل مثلا. كل واحدة بتحكي عن تجربتها و مش معنى كده انها بتكدب او بتشتكي او بتخزي العين. و على فكرة، انا مثلا متجوزة زوجي عن حب و بعد كفاح و حرب مستعرة، و مع ذلك كل يوم باكتشف جديد معرفتوش قبل كده، مقصدش حاجة وحشة لكن حاجة مش متلائمة مع طبيعتي مثلا، و هو اكيد بيكتشف فيا نفس الحاجات، بس دلوقت دخلت في مرحلة محاولة التأقلم و تطبيع العلاقات، من دلوقت من البداية عشان الاختلافات في الطباع دي متستفحلش بعدين و تعمل مشاكل. و مش معنى كده اني مش سعيدة معاه او كرهته عشان اختلاف طباعنا ده، لا طبعا. انتي مش متخيلة الوضع لانك لسه بره مؤسسة الزواج لكن لما تدخليها حتعرفي و تفهمي بنتكلم عن ايه، لاني انا و كل واحدة متجوزة هنا كنا بنتكلم زيك بالظبط و كنا بنتريأ على دون لما كانت بتلمح لنا من قريب و بعيد و بهزار و بجد عن طبيعة المرحلة اللي احنا داخلين عليها مرة تانية باعيد، الحياة الزوجية مش كلها ضلمة و لا كلها نور، لكن يمكن اللي متجوزين جديد و لسه بيستكشفوا طباع اجوازهم بياخدوا فترة شوية في التأقلم عن اللي بقالهم فترة و خلاص ظبطوا نفسهم على العيوب و المزايا و ايه يعدي و ايه ميعديش دوشتك و وجعت دماغك بس حبيت اوضح لك الالتباس عشان متحكميش علينا غلط و تحطينا في البلاك ليست :)

السلام عليكم و رحمة الله و بركاته صباح الفل على الكل كليلة >>>> زي جميعا جمعاء...

semsem2005 :

مش عارفة ابدا بمين اولا سلامة عمورة يا رواء وفعلا لاايك حلو عن الجواز امول يا صباح الفل يا عروستنا اخبارك ايه فى التنظيم والترتيب وجسمك عامل ايه دلوقت هايا فكرتك بجد تحفة وان شاء الله احاول انفذها بس السنة الجاية عشان هو مسافر دلوقت امينة عايزة اقولك على حاجة انا فعلا مقتنعة بيها ان ربنا بيدى كل واحد على قدر استطاعته بمعنى انا ممكن اتحمل جوزى واتاقلم معاه لكن لو واحدة تانيى ممكن تقولى انتى ازاى قادرة تتحملى دهوانا كمان نفس الشىء ممكن اقول لواحدة تانية لا جوزك صعب قوى وى عايشة ومتاقلمة معاه فهمتينى كمان فيه كلمة انا سمعتها من عبلة الكحلاوى وفعلا نفذتها وحسيت ان انا استريحت كتير بتقولك عاملى جوزك معاملة الفضل لا معاملة العدل يعنى بتبقيش كل حاجة اشمعنى هو ما بعملش كدة وانا اللى لازم اعمل انا بصراحة الموضوع دة ريحنى وكمان انتى بتاخدى ثواب كبير عشان بتحافظى على بيت مسلم ارجو ان اكون ماطولتش عليكوا

مش عارفة ابدا بمين اولا سلامة عمورة يا رواء وفعلا لاايك حلو عن الجواز امول يا صباح الفل يا...

هايا :

اللنك ده يا جماعة محدش يدخلة لو سمحتم دة مخصوص لامينة بس http://forum.hawaaworld.com/showthread.php?t=549301 انا حذرت اهو عشان محدش يقول انا محذرتش

اللنك ده يا جماعة محدش يدخلة لو سمحتم دة مخصوص لامينة بس...