شوفي يا اموون، اولا، انا متجوزة من شهر و اسبوع بالظبط، و كنت باقول اني نزلت شغلي بعد جوازي باسبوعين. اما موضوع الدلع و الترفيه و الكلام ده، مش تمام. معلش انتي جديدة هنا معانا و مش عارفاني و لا عارفة قصة حياتي اللي حتلاقيها في الاجزاء الاقدم من الملف، و خلاصتها يا ستي اني لا مرفهة و لا حاجة و عندي 33 سنة، يعني مش شابة صغيرة لسه متخرجة و متدلعة و يا دوب بتدخل المطبخ تقلي بيضة و تعمل شاي بلبن. اتحملت مسئولية في بيت والدي بس فيه فرق كبير بين انك تكوني في بيت والدك 33 سنة و انك تكوني في بيتك لمدة شهر و اسبوع و مع شخص انتي بتكوني مسئولة عنه و عن البيت و عن تصريف و تدبير كل حاجة، يعني بتفرق شوية و بتبقى نقلة تخض حبتين. انا بقى لسه في مرحلة الخضة دي :)
شوفي يا اموون، اولا، انا متجوزة من شهر و اسبوع بالظبط، و كنت باقول اني نزلت شغلي بعد جوازي...
انا ضربات قلبى عمالة تزيد كل ما اقره حاجة من الكلام المكتوب وقفلته بسرعه بسرعه فبل ما ارتكب جناية فى البيت حرااااااااااااااااام عليكم حراااااااااااااااااااااام عليكم والله الكلام دة هو اللى حينكد عليكم عيشتكم
2 ـ عندما يسافر زوجك لمدة قصيرة اكتبي له بطاقات صغيرة أخفيها بين ملابسه واكتبي له بعض العبارات التي تعبر عن حبك له أو أبيات من الشعر.
(( زى مثلا: اياك تبقع الهدوم انا بيطلع عينى فى الغسيل ))
3 ـ أثناء وجودكما وسط مجموعة من الأقارب أو في السوق اهمسي في أذن زوجك عبارة رقيقة مثل ( أنا سعيدة لأنك زوجي ).
((زى مثلا: شهل شوية انت معندكش دم عايزين نروح العيال بتفئر ))
4 ـ ضعي بطاقات التهنئة لمناسبة من المناسبات كالعيد في كل مكان يصل إليه في البيت كالحمام وغرفة النوم.
(( طبعا تحطيهم فى بيت امه لانه حيكون بايت هناك))
5 ـ بعد أن ينام الزوج تسللي في الليل وأذهبي إلى دورة المياه ومعك قلم روج وقلم كحل.. واكتبي على المرآة عبارات تعبرين فيها عن حبك لزوجك وبطريقة جميلة احضري ورد مجفف وضعيه في كوب المضمضة وعلى يمينه ويساره شمعتان.
(( بعد أن ينام الزوج تسللي في الليل وأذهبي إلى دورة المياه وانتى بتدعى عليه ومعاك الممسحة علشان تمسحى مطرح ما استحمى وبل الارض وبهدل الدنيا))
7 ـ قبل أن يرجع من العمل بخري دولاب الملابس الخاص به وعطريه.. حتى إذا فتح الدولاب قال ( الله يخلي زوجتي ولا يحرمني منها )
قبل أن يرجع من العمل بخري دولاب الملابس الخاص به وعطريه(( علشان ريحة العرق اللى حيهل بيها ))
17 ـ وقت غيابك عن المنزل.. ضعي على السرير القميص الذي ستلبسينه واكتبي بورقة معطرة (الله يصبرني على حرقة الشوق) (العمر بدونك لا شيء).
وقت غيابك عن المنزل.. ضعي على السرير ورقة مكتوب فيها انا طفشت من اشكالكم متدوروش عليا
14 ـ تزوجا من جديد..
ابتعدا عن بعضكما شيئاً من الوقت أسبوع مثلا (يكون كلام عادي ولامساس).. ثم لتكن فترة الملكة فترة تنشيط المحبة وأفضل أن تكون في فندق من باب التغير
ابتعدا عن بعضكما شيئاً من الوقت ((سنة مثلا))
حرااااااام كفااااااااية حرااااااااام كفااااااااية
تصدقى بالله ...لا اله الاالله امشوا من وشى الساعة دى
سلامو عليكم لحد ما اعصابى تهدى :hahaha: