على ذكر الكريمات
هنا بيعملوا حاجة اسمها Öko test
يعني كل المنتجات و الكل و الملابس و الادوات الكهربائية و الادوية و كل حاجة انت ممكن تشتريها بيعملولها اختبارات و بعد كدة يدوها التقييم يعني اما ممتاز او جيد جدا او جيد او مقبول او مش بيتكتب اسم المنتج اصلا وده معناه ان هو سيئ جدا
و من ضمن الحاجات اللي عملولها اختبارات الكريمات
فهل تحبوا اكتب لكم النتيجة بتاعتها كانت ايه؟

ازيك انتى يا نودى .. يارب تكونى بخير وبداتى تستقرى ومبسوطه ( قولى اه ما تشمتيش ابله ظاظا فينا ) اديكى شايفه يا ستى حالتى .. شفتى بدل ما كنت رايحه بكره الضهر كتب كتاب واحده صاحبتى ادينى حروح اعزى وادى حال الدنيا ولا حول ولا قوة الا بالله .
انا كنت عايزة اسالكم على سؤال .. بصوا يا جماعه انا من اول الأسبوع وانا داخيه على اسعار السلع عشان ان شاء الله حاعمل شنطة رمضان .. ودى اول مره اعملها ولسه بسال وبعرف .. حد يعرف احسن مكان الواحد ممكن يشترى منه الحاجه سايبه واسعاره ايه ؟ يعنى الرز والعدس والفول والحاجات دى اجيبها منين ؟؟ يعنى الى جنبها اى حد بيبيع الحاجات دى ياريت تسال لى ... يلا افيدونى افادكم الله .. وكل سنه وانتوا طيبين جميعا.

انا ايه اللي خلاني اقول ليل و نهار دي يا هايا!!!! طيب هي دون مش شايفة و لا سامعة؟؟؟

طيب حاقولك و امري لله

المفروض ان فيه كريم للنهار بيعمل كمرطب للبشرة و واقي من اشعة الشمس الضارة، اما كريم الليل فده لتجديد خلايا البشرة و الحفاظ على نضارتها. بس اقول الصراحة، انا جربت حاجات كتير و مش حاسة بفارق رهيب اوي، يعني هي بتفرق في درجة الترطيب و سرعة الامتصاص

شوفوا فيه ماركات كتير بس اقل حاجة في الاسعار هي نيفيا فيزاج بس برضه تعتبر غالية يعني بين حاجة و اربعين و حاجة و ستين. بصراحة قبل الجواز مكنتش استخسر في الحاجات دي، لكن بعد الجواز و بعد ما شفت مسئولية بيت كاملة يعني ايه، فولا حتى نيفيا فيزاج تستاهل. فيه كريم بقى لكل الاوقات جميل جدا و تمنه معقول (11 جنيه) من جونسون، هو كريم نهاري ثلاثي المفعول بس انا كنت باحطه في كل الاوقات و مرطب و البشرة بتمتصه كويس. فيه كمان بوندز بالعسل و الزبادي حلو جدا و تمنه معقول بس مش فاكرة بكام

بس يا ستي، ياللا نلم الدور قبل ما دون تيجي

كنا بنقول نقلوا رمسيس فين؟؟؟ ايوة ايوة في درج التلاجة اللي عاليمين يا هايا >>>> كده لمينا الدور

مهو يا جماعه اللبنانيات يعنى تقريبا زيينا فى المستوى المادى
واهم شوفوا عاملين ازاى فى روحهم
طبعا الموضوع عاوز ميزانيه حتى لو فى البيت بدون مراكز تجميل او غيره
لكن فيه ناس كتير عندها الميزانيه دى ومش بتفكر تستغلها ابدا او مش فى الخريطه اصلا انها تعمل حاجه لنفسها زى دى وممكن بأقل القليل تعملى ماسكات من التلاجه بتاعتك سواء لشعرك او بشرتك
انا الا الكريمات والمرطبات دى لجسمى فقط وعمرى ما حطيتها لوجهى ابدا
ولو بتعرفى ازاى تبقى جميله ممكن بصوبع روج وقلم كحل تعملى مليون حاجه

طب انا هسالكم سؤال يكسف
بالله عليكم مين فيكم تتقن وضع (فول ماك اب ) لنفسها؟؟؟؟؟؟

شيرى يا قمر احسن مكان تسترى منه حاجات رمضان والشنطة حتكلفك حوالى 85.50 الهوارى احنا كل سنة بنجيب منه هايل بصراحة ولو تحبى ابعتلك احنا حنحط ايه فى الشنطة ان شاء الله انا جاهززة