هههههههههههههههه
موضوع فله بس والله لو احكيلكم قصتي في مطار سنغافوره ونا رايحه لنيوزلند لتنهبلووووووون
هذا ياطويلات العمر رحلتنا كانت من الرياض الى سنغافوره 8ساعات ومن سنغافوره لنيوزلند 11ساعه يعني رددوا ياليل ماطولك زوجي كان جاي قبلي ولحقته انا وعيالي واخوي ياحبيله محرم معي في اولى جامعه المهم اول شي رحنا مطار الملك خالد والعائله الكريمه ابوه وامه واخوانه معي ويوصون على البزران(قد ضاع واحد من عيالي في المطار واهله معي) المهم تاخرت الرحله وهذا ليس بغريب على خطوطنا بس والله اني احبها على فكره عندي خوف من الطيارات بشكل فضيع المهم
ركبنا الطياره كل شي تمام واقلعت وكنا عز درجه اولى انا وعيالي مغير نتسدح ونتبطح حتى الفجر صلوه عيالي جماعه من وسع المكان اقلعنا حول اثنعش ليلاً ووصلنا حوالي ثمان او تسع الصبح
ابو الشباب كان معلمني على كل الخطوات قال اول ماتجون روحوا لمكتب الخطوط السنغافوريه وهم يقصولكم البوردنق على الرحله الثانيه وبعدين تمشووووا في المطار واذا بغيتوا خذوا غرف في فندق
وريحوا عاااااد وش ذاك المطاروووواوووو شئ يهببببببل بس يحسافه ماتهنيت فيه من العزره الي صارتلي اكمل عاد رحنا وعطيناهم التذاكر وقالوا تعالوا بعد ساعتين ونعطيكم البوردنق قمنا انا ووخيي
نتسكع بالمطار ورحنا فندق المطار واخذنا غرفه وقلتله ح يابعدي جب البوردنق حقنا وطااااار اوخيي يابعد حيي فرحان او مره يسافر
مادريت الا يوم جاني قال ماوافقوا يعطونا بوردنق لان نيوزلند رفضت استقبالنا
قمت اوولول على قولت المصريين ياحظنا الاقشر وش نسوي هالحين لافلوس تحمل ولاتذاكر عوده
ونا وعيالي محجوزين في مطار سنغافوره لابله الا بصير خبر عاجل على الجزيره

ياربي رباه وش اسوي


بنات ابو الشباب جاه رجال اكملكم عقب هنيهه

انتظرك بحماس
وينك؟؟؟؟؟؟؟؟
مره مستعجله

هههه بسرعه
احد يجيع رجاجيل في نيوزلاندا اخبر القهاوي في السعوديه الله لايهينس

لاتبطين علينا ونا اختس يازين مواقفك ماتخلص :22: عندكم قهاوي بنيوز لندا؟؟:22:

عاد ياطويلات العمر اكلم على رجلي انصدم بدلي عدلي قلت جاك العلم دبرني ابي ارجع ديرتي
ما عاد ابي ديرتك الله يقلعها
والله حتى الرجعه فضيحه عقب ماودعنا الناس وكلن جانا ثاني يوم معودين فشيله<<<<<<<<
هذا ياطويلات العمر ملحقيتنا المروحه معطيتن زوجي ورقه فيها ضمان مالي واثبات ان زوجي يدرس وحنا مرافقين وقالت تكفيك عن الفيزا ولا نيوزلند تدخل الخليجين الي عندهم تذاكر عوده وتعطيهم فيزه سياحيه لمدة ثلاث شهور
ونا لافيزا ولا تذاكر عوده مصدقين ملحقيتنا وقعدنا فيهااممممممممم
ايه عاد انا هالحين في المطار لاشغل ولا مشغله حتى جاني تبلد وبرود عجيب
والجوال الي معي بطاقة سوا لاني خليت جوالي وخذتها كانت معممه شاحنتها بميه ممداني اكلم الرجال كم مره الا انقطع
ولا عاد يدري وين ارضي وانهبل هو قالي اتصلي على السفاره في سنغافوره يمكن نلقى عندهم حل
واقوم واكلمهم واحكيلهم المشكله قالوا هالحين يجيك مندوب من عندنا ونشوف وش الحل وحنا في حاله
مايعلم فيها الا الله
كلموا اهلي علي يبون يتطمنون طرنا على الرحله الثانيه ولا لا قلت لا تأخرت بس اشحنوا جوالي وبعد اهله اتصلوا اول شي ماعلمتهم بعدين قلتلهم كلن صار يحط رصيد ويحول لي الي ميه والي ميتين
يخافون تنقطع اخبارنا ولا عاد يلقونا <<<<<
المهم جات الساعه تسع في الليل وطارت الرحله الي المفروض نقلع عليها وحنا رايحين لمكتب الخطوط جايين مافيه فايده النيوزلنديين رافضين يقولوا الورقه الي معاهم ماتنفع لازم تذاكر عوده
عشان نفيز لهم من المطار لا والله النشبه
هالحين طارت الرحله وشلون اتصرف حتى لو وافقوا خلاص الرحله طارت
اخوي مسكين من التعب نام ونا ماجاني نووووم بس نجدد في الفندق وماندري وش نسويي
كلمني مندوب السفاره وقال بنقابلك عشان نتفاهم وناخذ جوازتكم ونشوفلكم حل اقوم اخوي مافيه فايده
كنه ميت من التعب والمطار مررره كبير ياربي وش اسوي والبس عباتي ونقابي والقط عيالي الثنين وخالي البنات عند خالهم واروح اقابلهم
قابلونا ورحت للصرافه رابي رحمني اني جبت بطاقة الصراف معي ووالله كنت ناويه اخليها بس سبحان الله اخر لحظه حطيتها في المحفظه سبحان الله
عاد زوجي كان حول لي فلوس وقال ا اشتروا تذاكر هذا الحل
سحبت الفلوس وعطيتها مندوب السفاره الي كان انسان متعاون الى ابعد حد وكان معه سنغافوريه
تشتغل في السفاره طمنا وقال روحي امرحي يابنت الحلال لين الله يفرجها ملمك سفر الليله
اصر علينا وقال ورا ماتطلعون توسعون صدوركم وتتمشون بسنغافوره لين ربك يحلها
عاد انا جازتلى الفكره ماقلتلكم انووووووواع التبلد وقمت اشاور عمري والله مهيب شينه هي خربانه خربانه وفلوسنا راحت على فندق المطار والفنادق برا بنص السعر
يوم قلت لاخوي وينقز من الفرحه مسيكين ماوراه شي يبي يتمشى ويوسع صدره بس والله اني كنت ميته من التعب يومين مانمت ولا اكلت من الهم والساعه تقريباً ثلاث الفجر
وانسدح احاول انام مافيه فايده ويطلع الصباح قلت مابدهاش واقوم عيالي مساكين الي مانام الا ساعه والي ساعتين. ونطلع من الفندق قلنا بنروح نبلع شي من امس ماذقنا اكل ونروح نفطر ويقومون عيالي يتصروعون علي الي يرجع والي خلاص بيطيح واجيبهم عند ذيك الكراسي الكبار واقعدهم ورايحه جايه على الكبينه اكلم اخر شي ردوا علي خبر قالوا خلاص انحلت مشكلتكم وحجزنالكم على رحلت الساعه تسع بالليل ويجي مندوب السفاره قال الا اطلعكم ومشيكم بعد التعب والقلق اطلعوا تمشووا قلت ابداً
اخاف اطلع يحصل شي انا مانيب ناقصه ابسنتر عند بوابة الطياره لين يفتحونها
وأصر علينا الرجال وفيز لنل وطلعنا نزلنا في سوق في سنغافوره قالوا تمشوا فيه ساعه واجيكم
والله اني امشي ونا خلاص احس اني بطيح حر وتعب وجوع حتى جاني خفقان وهبوط بس وش اسوي بخوي الي مشتهي الطلعه
بعد ساعه جا مندوب السفاره ودانا مطعم اكله يهبل قعدت انا وبنتي على طاوله وهوواخوي وعيالي على طاوله وتصدق علينا بهاك الغداء وعينا من الله خير يوم جاء يحاسب وارسل اخوي قلت احلف عليه وحاسب انت لكن اصررررر الا يعزمنا سخره ربي لي انا وعييلي ومشانا شوي في سنغافوره
ورجعنا للمطار ولا ارتاح لين ركبنا طيارتنا والله انه كان نعم الرجل فعلاً رب اخ لك لم تلده امك
حتى عيالي قاموا يبكون يوم ودعوه ماينعطون وجه كخ<<<<<<<
وسلامتكم تعبت من الكتابه