المطبخ الأفضل مفتوح ؟؟؟؟؟؟؟؟

عليكم السلام والرحمة

:32:

هلا والله وغلا

حيا الله من جانا ، جيتك غالية علينا يا أم مسلم

أطلعي على هالموضوع لأختنا / ماوية

المطبخ المفتوح الاتجاه الجديد للمصممين

من وجهة نظري المتواضعة

إذا عندك خادمة في البيت ،فالأفضل لك وضع مطبخ رئيسي ومطبخ تحضيري صغير

للإستخدام الخفيف ، بصراحة يعطي ديكور حلو للبيت

لكن أنصحك المطبخ الرئيسي يكون مجاور للمطبخ التحضيري ، وبينهم باااااب

أما

البوفيه

ممكن يكون فيه كونتر صغير في الدور العلوي يخدم جميع الغرف

يكون فيه ثلاجة صغيرة ، وسخان كهربائي ، ومغسلة صغيرة

وسلامتك يالغالية

أتمنى أكون أفدتك

:)

ام مسلم ..

يا هلا ويا مرحبا ..

شوفي حبيبتي المطبخ المفتوح عصري اكثر طبعا ..

لكن اذا كان عندك شغاله الغي الفكره احسن لك ..

لانها بتصير محومه كبدك وفي وجهك 24 ساعه ..

وقدامها مكشوف كل شي .. حتى ما تقدرين تصدين انتي وزوجك شوي ..

اما اذا ماعندك شغاله فهذا على الاقل اهون ..

لكن المشكله ان صوت المطبخ بيكون مسموع في البيت كله خصوصا اذا كان

رخام او سراميك .. يعني لو انكسر كأس بيفزع البيت كله !!

او اذا جيتي تغسلين الصحون او حتى البيالات .. يصير صوتها مزعج للي في لبيت كلهم ..

غير ريحة الاكل الي تعلق في البيت .. يعني تصير ريحته زفر دائما ..

لان بيوتنا فيها المحمروالمشمر .. وانتي خابره اكلنا ودسامته ..

حتى لو استخدمتي الهوايه وشافطت الدهون .. صدقيني تظل فيه ريحه ..

اما في المناسبات بيصير ما فيه خصوصيه لمطبخك لان اي احد يقدر يكشفه ..

وانتي تعرفين في العزايم المطبخ كيف يكون شكله !!!

انا نصيحتي لك اعملي مطبخ مغلق .. واعملي لك اوفيس اصغير ..

او اذا ما فيه مساحه .. اعملي كاونتر صغير وحطي فيه فرن على جنب ..

واستخدميه للقهوه والشاهي .. او لاعداد وجبات خفيفه ..

وخليه في الجلسه الي تجتمع فيها اسرتك ...

والله يوفق في اختيارك ..

:13::13::13:

سلام


الغاليه همسه

جزاك الله خيراً ويكفيني ترحيبك يا الغاليه

وبوركت على الرابط وأسفه ما أنتبهت لوجود هذا الموضوع مسبقاً ولكن كان بودي فقط أخذ رأي المجربات

وجزاك الله خيراً

مفعوصه

جزاك الله خيراً رأيك هو اللي محيرني انا أبي بيتي ( عصري ) وهالشغاله اللي الواحد ماعاد يقدر يستغني عنهم
لاحول ولاقوة الا بالله

مشكورات ألف على ارآئكم

والله انا اللي صممت بيتي اللي قاعدة ابنيه
وكنت مصممة مطبخ مفتوح لأن شكله اغراني وعجبني في البداية
لكن يوم جا وقت الجد وبدوا يبنوا استخرت الخيرة وهونت
لنفس الاسباب اللي قالتها مفعوصة بالضبببببببببببببببببط
وسلامتك

هلا وغلا بأم مسلم ... منورتنا ووجودك يشرفنا ...

بالنسبة لإستفسارك ... لا أزيد على رأي البنات ما شاء الله عليهم ...

لكن هو مجرد رأي بسيط يمكن يفيد ...

إذا حابة تعملين تصميم المطبخ المفتوح فأقترح عليك إن ما يكون مفتوح بالكامل
ممكن عمل كاونتر بعرض المطبخ يفصل بين المنطقتين
مثل هذا بالضبط ...




، ويتم تركيب شتر عليه



في حال أردت إعطائه نوع من الخصوصية ...


مع تمنياتي لك بتصميم موفق ...
ويا هلا فيك مرة ثانية ...