عندما يطهى الطعام بشرارة الطاهي و حرارة النار وقرون الفلفل المشتعلة
عندما تمتزج انواع التوابل الطبيعة مع بعضها مكونة جمال اللون والطعم والرائحة
يتبادر الى الاذهان ، طعام فريد من نوعه ، نجده فقط في ( المطبخ الهندي )
( مَساءكم / صَباحكم ) وررد
بين يدينكم سفرة هندية .. امدها لكم بكل تواضع !
الشوربة
Khatt Daal Soup
المقادير:
كوب عدس برتقالي مغسول ومنقوع
ثلاثه كوب مويه , نص ملعقة صغيره كركم
شوية فلفل احمر بودره , فصين ثوم , شوية زنجبيل مبشور
ملعقة زيت , ملعقه صغيره خردل حب , ملح , نص ملعقه صغيره كمون حب
الطريقه:
_ في قدر نحط العدس والمويه والثوم والزنجبيل والكركم والفلفل البودره ونخليها لين يستوي العدس بعدين الملح
_ في مقلاه نحط الزيت وحبوب الخردل والكمون ونحمصها شوي ونرشها عالشوربه وعند التقديم نرشها بالبقدونس او الكزبره
Chapatti
المقادير:
كوب ونص دقيق , ثلاث ملاعق صغيره زيت , ربع ملعقه صغيره ملح ,نص كوب مويه دافيه
الطريقه:
نخلط المقادير مع بعض لين تصير عجينه لينه , نقسمها ست كور ونفردها وتخبز على طول ..
Raite
المقادير:
علبتين زبادي , شوية نعناع , نص كوب بقدونس
فص ثوم وقطعة زنجبيل صغيره
ملعقه صغيره كمون وملح
الطريقه:
* في الخلاط (النعناع والبقدونس والثوم والزنجبيل والكمون والملح)
بعد ماتفرم نضيف الزبادي ونخلطها شوي, اذا حبيتوا تخففونها ضيفوا لبن ..
Ginger & GarlicChicken
المقادير:
صدور , التتبيله ( ملعقه كبيره ليمون , ملعقه كبيره ثوم وزنجبيل مهروس , بيضتين
اربع ملاعق صغيره نشا ، ملعقه صغيره ملح ورشة فلفل احمر بودره ) , بقسماط
الطريقه:
ندق الصدور ونقطعها طوال ونتبلها بالتتبيله ,ونخليها بالثلاجه ليله كامله,نطلعها ونغطيها بالبقسماط وتقلى..
Pakora
المقادير:
بالخلاط : ( ملعقتين كبار بصل اخضر " الجزء الاخضر" , فصين ثوم , ملعقة كبيره بقدونس , ملعقتين كبار كزبره خضرا مفرومه
نص ملعقه صغيره بيكربونات الصوديوم ، جبنة تشيدر كرافت وسط مبشوره ، بيضه , بطاطس وسط مسلوقه ربع ساعه ومبشوره
ملعقه صغيره كركم وملح ,ربع ملعقه صغيره فلفل اسود)
- كوب مويه ,كوب ونص دقيق الحمص ,كوب دقيق
الطريقه:
- نضيف اللي بالخلاط على دقيق الحمص والدقيق ونضيف المويه ونعجنها لحد ماتصير ثقيلة ( زي ثقل البانكيك )
- نصب بمقدار ملعقة كبيرة من العجين في الزيت ونقلبها لحد ماتتحمر ..
Samosa
مقادير العجينة:
كوب ونص دقيق , ملعقتين زيت ,
ملعقة كبيره عصير ليمون , ملعقه صغيره ملح , مويه على حسب العجينه
مقادير الحشوه :
حبة بصل مشوحه مع 3 فصوص ثوم مع حبة بطاطس مقطعه مكعبات صغار ومقليه + جزر مبشور+ ملعقه
صغيره كاري , نص ملعقه صغيره كمون وبقدونس وكزبره وملح وفلفل اسود ونحمسهم مع بعض..
الطريقه :
- نخلط مقادير العجينة ونضيف المويه شوي شوي لين ماتصير معانا عجينه متماسكه لينه ,
نعجنها شوي ونغلفها بكيس نايلون ونتركها شوي ع جنب
- بعد ماترتاح العجينة لمدة بسيطة نقسمها الى كور صغيرة ( بحيث كل كورة نسوي منها سمبوستين )
ونفرد كل كورة بسمك رفيييع ثم نقص الدائرة نصفين ..النصف الواحد على شكل حرف D
نلف كل نصف بشكل قمع وتغلق من فوق وتقلى ..
Spicy Tandoori Cauliflwer
المقادير:
زهره وسط , تتبيلة التندوري: ( كوب زبادي , ربع م ص بابريكا
ملعقتين ك زنجبيل وثوم مهروس , ملعقتين ك بهار تندوري مسالا , ملح , ملعقتين زيت )
ربع ملعقة صغيرة كركم , حبتين بصل وسط مقطعه شرايح , ملعقة صغيرة كزبره بودره
نص ملعقة صغيره قارام مسالا ، رشة فلفل احمر
الطريقه:
- نسلق الزهره 3 دقايق ونطلعها في مويه بارده , بعد ماتبرد نجففها ونحط عليها خليط التندوري وندخلها الفرن
- ونحمرها من فوق بس , نحمس البصل مع البهارات لين يذوب ونحطها حول الزهره..
دجاج كاري
Curry Chicken
المقادير:
صدور مقطعه مكعبات , زيت زيتون ,حبتين بصل مقطعه مكعبات,ملعقه كبيره ثوم وزنجبيل مهروس
حبة فلفل اخضر حار ملح ,ملعقه صغيره من الكركم والكمون والكزبره ,ملعقه كبيره كاري , ملعقتين صلصه
كوب كريمه ، ربع كوب مويه ,كزبره خضرا للزينه
الطريقه:
- نحمس البصل والصدور مع الزيت زيتون واذا تغير لون الدجاج نضيف الثوم والزنجبيل والفلفل الحار ونخلط
- نضيف البهار والصلصه والمويه والكريمه ونخليه على نار هاديه لمدة ساعه ويزين بالكزبره ..
Vegetable Jalfrezi
المقادير:
نص زهره كبيره , حبة جزر
ربع ملعقه صغيره كركم , ملعقة زيت
نص بصل مقطع مربعات كبيره
ملعقه صغيره زنجبيل ,ملعقتين صغار ثوم مهروس
حبة طماط مفروم, ملعقه صغيره صلصه
ملعقه كبيره كزبره حب , ملعقه صغيره قارام مسالا , ملح
نص فلفل اخضر بارد مقطع مكعبات, نص كوب بازيلاء مثلج
حبة طماط مقطع مكعبات كبار
شوية عصير ليمون
الطريقه:
تسلق الزهره والجزر في مويه وملح وكركم مدة 3 دقايق ونطلعها ونحطها في مويه
بارده , في قدر نحط الزيت والبصل والزنجبيل والثوم, بعد مايذوب البصل شوي نحط
الطماط المفروم والصلصه واتركها دقايق,نضيف الفلفل البارد والبازيلاء والزهره والجزر
ومع اضافة كل خضره نحرك عشان تختلط النكهات, احمس الكزبره الحب لما يتغير
لونها شوي بس بعدين اطحنها واضيفها عالخضره ونحط القارام مسالا ورشة ملح واخر
شي قبل التقديم نحط الطماط المقطع وعصير الليمون..
Yogurt Biryani
المقادير:
دجاجه مقطعه 8 قطع ومنزوعة الجلد
علبتين زبادي , حبتين بصل وسط مقطعه شرايح , رز مغسول ومنقوع , حبة بطاطس
كبيره مقطعه مكعبات, ثلاث ملاعق زيت , ملعقتين زبده, ملعقه كبيره زنجبيل وثوم
مهروس , حبة فلفل اخضر حار مقطع , عود قرفه , ورقتين غار , 4 هيل حب
4 مسمار ، 6 حبات فلفل اسود, ملعقه صغيره كمون حب , ملعقه صغيره كمون
بودره , ملعقه صغيره كزبره بودره , ربع ملعقه صغيره كركم ، فلفل احمر بودره
ربع كوب نعناع ، وربع كوب بقدونس , كاجو وزبيب
الطريقه :
نحمس الكاجو والزبيب لين يتغير لون الكاجو بعدين نشيله ونحطه على جمب , في نفس الزيت نحمس
كل البهارات الحب ثم نضيف البصل والثوم والزنجبيل والدجاج والبطاطس ونخليهم لين يتغير لون الدجاج
نحط الزبادي والكزبره والنعناع وكل البهارات البودره ونغطيه لين يستوي , نسلق الرز (نص استواء)
بنفس البهارات الحب اللي في الدجاج مع ملح وزيت , بعد مانصفي الرز نحط نصه في قاع القدر
ونحط خلطة الدجاج فوقه ونغطيها بباقي الرز ونرشه بزعفران مذوب في مويه وشوية
لون صبغة احمر , وكم قطعة زبده ونغلفه بقصدير ونتركه لين يستوي الرز, يزيّن
بالكاجو والزبيب والبصل المقلي..
Chicken Tikka Biryani
المقادير :
صدور دجاج مقطعه مكعبات كبار متبل بتتبيلة التكا *( اللي سبق استخدمناها بالسلطه )
نغطيها ونخليها في الثلاجة لمدة ليلة كاملة
- مقادير خليط المسالا : ( زيت , نص ملعقه كبيره كمون حب ,ثوم وزنجبيل مهروس, ملعقه كبيره كركم ,
ملعقه صغيره قارام مسالا باودرحبة بصل مفروم ,حبة طماطه كبيره مقطع صغار , رشة ملح )
الطريقه :
- نشوي الصدور اللي تبلناها بتتبيلة التكا في الفرن لمدة ساعه على حراره وسط بعدين نطلعها ونخليها على جنب
- يسلق الرز مع قارام مسالا حب وزيت وشوية ملح (نص استواء) ويترك على جنب
- لعمل خليط المسالا .. نحمس الزيت مع الكمون الحب شوي ونحط البصل والثوم والزنجبيل
واذا ذبل البصل نحط الطماط والبهار وصدور التكا المشوية ونخليهم لين يذوب الطماط ويصير متجانس ونطفي عنه
في قدر نحط نص الرز وفوقه خليط المسالا وفوقه باقي الرز ونرشه بالزعفران وكم قطعة زبده ,
نغطي القدر بقصدير ونخليه لين يستوي الرز .. وعند التقديم نضع الكزبره الخضراء والبصل المقلي..
Suji Halwa
المقادير:
نص كوب سكر ,نص كوب سميد ,ثلاث ملاعق كبار زبده ذايبه , ملعقه كبيره كاجو محمص مجروش, ملعقه كبيره زبيب
كوب مويه , شوية زعفران , ربع ملعقه صغيره هيل مطحون
الطريقه:
نحمص الكاجو والزبيب والسميد ونقلب مدة عشر دقايق ,نحط السكر ونقلب ونحط المويه ونخليها لين تثقل
نجرش السكر مع الزعفران ونضيفه ونخلط ,وآخر شي نضيف الهيل.. نحطها في قالب ونزينها باللوز..
Jalebi Sweet
المقادير:
نص كوب دقيق , نص ملعقه صغيره خميره ,ملعقه كبيره مويه دافيه ,ملعقه صغيره دقيق الحمص
نص ملعقه صغيره سكر ,نص ملعقه صغيره زيت ,نص كوب مويه دافيه ,زيت قلي
الطريقه:
في وعاء نذوب الخميره مع ملعقة مويه دافيه ونخلطهم شوي ,نضيف عليهم الدقيق ودقيق الحمص والسكر والزيت ونخلطهم
ونضيف نص كوب المويه بالتدريج لماتحصلين على عجينه مطاطيه لينه ,نصبها في علبة مثل (علبة الكاتشب الضغط)
نحمي الزيت على حراره وسط وتسوون العجينه بالشكل اللي تحبون.. وتُقلى