المطبخ والديكوباج.......

كل اللي دخلوا ولا فيه وحده جبرة بخاطري وردة على الاقل السلام

ما هقيتها منكم

سلام عليكم يا اختي
الديكوباج شغله سهل جدا و يعطي نتائج جميله جدا والله يوفقك فيه.

على الأبواب و الرخام حلو لكن عله الثلاجه ماله داعي. اهم شي انك تختاري اشكال متناسقه مع بعضها و الوانها تناسب المكان اللي راح تحطينها فيه.

اما بالنسبة للحوائط ممكن انتي تغيرينها بنفسك اما باستخدام الديكوباج و اعتقد هذا راح يكون روعه. او انك باستخدام المعجون الأبيض تسوين اشكال على الحائط و بعدها تصبغينها.

فكرة ثانية للحوائط. ممكن تصبغينها بلون و تتركينها لين ينشف و تحطين فوقه لون ثاني. و قبل ما ينشف ممكن باستخدام اسفنجة غسيل الصحون تشيليها و تحطيها اشوي اشوي على الصبغ راح يظهر لك اللون اللي في الأسفل و بجذي يعطي شكل حلو.

فكره ثانية ودي اطبقها ان شاءالله جربيها و راوينا النتايج على الحائط. اول شي قسمي الحايط عندك نصفين باي طريقه كانت تعجبك. ثم تخططين النصف الأسفل من الحائط باستخدام القلم الرصاص على شكل حجري. يعني احجار متداخله. ثم تضعين اللاصق. بعدها تبدئين بالمعجون. النصف الأسفل كله يمعجبن. و قبل ان يجف تمام نزيل اللاصق.
بعد الجفاف التام نبدأ بسنفرة المعجون ثم نضع طبقه من الورنيش و نتركها لتجف. تختاري الألوان اللي تبين تصبغين فيها و تصبغين باستخدام فرشه صغيره للفواصل و الحجر لون آخر.
اما النصف العلوي تصبغينه بلون يتناسب مع الألوان اللي اخترتيها للحجر. ثم باستخدام اوراق الاستنسل توزعين اشكال متناثره على الحائط و سلامتك.
الرابط التالي راح يوضح الصوره باستخدام المعجون و اشلون تقسمين الحائط
http://forum.hawaaworld.com/showthread.php?t=655949

هذا اللي عندي و اتمنى يكون مفيد لج
اختج طيبة ام الصبيان

جزاك الله خيرا