حابة اخذ رايكم في شي
انا ساكنة في بيت اجار قديم جدا يعني عمره فوق ال30 سنة
وهالبيت فيه حوش طولة تقريبا 10 متر وغرفتين ومطبخ وحمام وكلهم على الحوش يعني ما فيه صالة وهذا الرسم يوضح البيت
والصراحة في الشتا ما عندي مشكلة بس في الصيف الي قرب الحين اعاني وايد من الحر لاني اطلع للمطبخ والحمدلله فيه مكيف في المطبخ بس طلعتي للحوش تلوع الجبد لانه عيالي يلحقون وراي 2 ويلعوزوني
فكرت اسوي صالة بس الحين ما بنقدر لانننا قاعدين نعدل في البيت خطوة خطوة ويبي يعني بعد رمضان ان شاء الله
واحنا اكلنا وقعدتنا ورقدتنا كلها في غرفة النوم لانه المجلس يبيله تعديل وهو بعد بنطول على ما نعدله يعني بعد رمضان
المهم في غرفة النوم عندي دريشة صغيرة تطل عالمطبخ طولها متر وعرضها نص متر وان شاء الله المطبخ راح اعدله لانه قديم جدا ومتدهور يعني شقوق وحالته حاله وهو مب سيراميك الطوفة يعني صبغ زيتي وردي انا وزوجي صبغناه
ان شاء الله في شهر 6 راح اضبطه من ناحية السيراميك والكبتات وغيره بس طرى علي شي ابي اسوي باب بدل فتحة الدريشة ويصير على طول ندخل المطبخ من غرفة النوم عادي من ناحيه الريحة ما يهمني اصلا محد يجيني والبخور ما يقصر
فشو رايكم اسوي باب عشان افتك من الحر وترا بعد لما اطلع من الحوش العيال يلعبون بالتراب ويخيسون نفسهم والله تعبت تعبت وودي بحل
وغرفة النوم اذا تقدرين تحطينها بمكان المجلس او تبنين لها مكان ثاني
وبلطو الحوش اذا تقدرون اهم شي
الصراحه الله يعينكم المكان ضيق وصعب تعديله
مالكم الاتغيرون البيت لانه اجار لو ملك كان مايتحسف الواحد بتعديله
والترميم والتصليح بيكلفكم خلو فلوس التصليح لشقه ثانيه مضبطه
وانا مادري عن ضروفكم بس بيكلفكم كثير ومسالة انك تفتحين فتحه على غفة النوم احسها صعبه لانه مطبخ
سديها احسن لك اذا بتخلين الغرفه حقت النوم للنوم وسقفي الحوش وخليه صاله وجلسه لكم احسن
وعيالك بيكبرون ويبيلهم غرفه يعني فكرو لقدام مالكم الا تحطون فلوسكم بتسقيف الحوش ويصير صاله
وخلي غرفة النوم خاصه فيك واغراضك مو للاكل والنوم والجاسه
والله يوسعلكم يارب ويريح بالك ويرزقكم القصر الي يجط كل واحد بغرفه