,, المطر وش هو المطر ..!!
.
المطر وش هو المطـر؟
غيـر دمـع وإنتثـر
أغرقتنـا هالسـحـاب
مـن فعايـل هالبشـر
.
ناس تتركنـا صحيـح
مالقـت فينـا مديـح
وناس تلعب بالقلـوب
والعـذر أكبـر قهـر
.
وناس تبكي بالجنـون
وناس تهوى ثم تخون
وناس تتعب ثم تموت
آه من ويـن الصبـر
.
وناس ماتظلـم أحـد
ونـاس ماتغلـط أبـد
وناس تتجاوز حـدود
وللنهـايـة يـاأمـر
.
آه ياعمـري الصغيـر
وين انا ووين المصير
وكل منـا فـي بـلاد
وفي مقامي احتضـر
.
هذي قصتهـا تحـب
وهذي قصتها عجـب
وهذي ميته في الجراح
غرّها صغـر العمـر
.
وهذا يمشي بكبريـاء
عاجبه فـن الريـاء
عاجبـه انـه وسيـم
ومافي قوله أي كسـر
.
وهذا يتعـب بالنهـار
وهذا حس بإنهيـار
لإنه يشـوف الغبـاء
عاطـفـة للمقـتـدر
.
وهذا ياعينـي عليـه
كـل زينـه ترتجيـه
وكل لحظة في حياتـه
يقتويـهـا بالصـبـر
.
والصبر وش هو الصبر
إحتساب مـن العمـر
وماقويتـه يالحليـم
لإن قلبـي منفـطـر
.
الشاعر ./ فهد المهوس
ولكم جنائنُ ورد
2
545
يلزم عليك تسجيل الدخول أولًا لكتابة تعليق.
الصفحة الأخيرة
وين انا ووين المصير
وكل منـا فـي بـلاد
وفي مقامي احتضـر
جميلة جداً القصيدة ..
بالصفاء والعذوبه .. كــوني ’’