يخونك بالطقاق اللي يطقه اهم شي مايجيب لك امراض واهم شي نفسيته معاك لاتفكري الا ف نفسك وعيالك

الله يفرج همك ثقي أن الله ماراح ينساك

هذا يعتمد على أهل المطلقة لو بيساندوها و لا بيجلسوا يلوموها و يندموها عالساعة إلي فكرت تطلق فيها

فعلاً عزيزتي زي ماقالوا بعض الاخوات
طلاقك يعتمد على حسب الاهل وموقفهم من الطلاق
فيه اهالي ترفض فكرة الطلاق لو ايش ماكان الزوج المهم انها ماتطلق وتصير عي وعيالها عاله عليهم
وفي اهالي بالعكس راحة بنتهم وعيالها اهم شي عندهم ويكون طلاقها افضل بمرات من استمرارها مع زوجها
وبرضوا حسب خيانة الزوج تفرق اذا هو فعلاً خيانة زنا او مجرد مكالمات وسوالف
وايضاً يعتمد اذا انتِ من النوع الاستقلالي اللي ممكن يعتمد على نفسه ومعك شهادة توظفك وتصرفين من راتبك عشان مايجي يوم وتحسين انك ثقلتي على اهلك بالمصروف
وعيالك لهم دور اذا هم متعلقين فيه ويحبوه او انهم عادي جا او غاب مايسألون عنه
واخيراً وهو الاهم من هذا كله استخييري الله
وطلبيه انه يهيء لك الخير والصالح ولعل الله يكتب لزوج الهداية .

يابنات السالفه مومرتاحه او سعيده عند اهلها 
انا مثلا مافيه اسعد مني عند اهلي وعندنا خدامه وطباخه يعني مااغسل حتى ملابس بنتي واسافر واشري اللي ابي ومااترك مطعم الا ادخله مع اهلي عكس زوجي انا اتكلم عن المسؤولية لاتقولوا للحرمه لومعك وظيفه لو عندك اهل يساندونك
اذا فيه اطفااااال اصبري ثم اصبري حتى لواهلك بيحطونك في قصر يكفي اطفالك مشتتين بين امهم وابوهم لوطفلك مرض او جاء وقت تطعيمته روحي يلا مع السواق اللي جايبينه اهلك لك انزلي اوقفي حاسبي وادخلي على الدكتور لحالك وسكتي طفلك اللي يبكي ومريض وانزلي لصيدليه اسألي عن العلاج وكيف طريقته او يلا دوري كل مااحتجتي اخوك فلان او علان او ابوك الكبير في السن واشحتيهم ولدك تعبان او بأوقات المناسبات كل الاطفال مع ابوهم وانتي مع اطفالك في بيت اهلك والابو بيتزوج وينشغل مع الحرمه او يجي ياخذهم وفرحتهم ناقصه لأنهم مع غريبه مومع امهم واشياااااء كثيره ترى الجو الاسري مهم لهم حتى مستقبلا افضل من يكبرون وامهم وابوهم منفصلين معليش بنات لاتعبون راس الحرمه انه خانك وكرامه بيطيح اللي براسه لو توصلين انك تشيلينه من حساباتك يكفي عيالك وانتي معهم في بيت وتحت عين ابوهم
وصدقيني بعض الرجال حتى لويكلم حريم مجرد نزوة مجرج تسليه من قل الوازع الديني بس تبقين انتي حبه وحياته 
وسعي صدرك وادددددعي له ترى الدعاء يسوي المستحيل
وانا شفت كثير تجارب حواليني والله وحده منهم قريبتي مره ومن كان عمري 16 مااسمع الا بمشاكلها مع زوجها تجي زعلانه لأنه راعي حريم ويسافر لدولة عربيه ومعها طفلين منه قالت امها اصبري دامه يعبي بيتك ومايمد يده ومايقصر عليك ويوديك ويودي عياله اذا احتجتوا مستشفى ويجيبك لنا يااهلك ولاهوراعي حبوب وشراب اصبري عشان بس اطفالك تطلقين بكره تجيهم زوجة اب تبهذلهم والله ماتعيشين مرتاحه وانتي تدرين ان عيالك ماهم مرتاحين وان تركهم عندك من بيوديهم نص الليل اذا تعبوا ويربيهم والله الحرمه ذي غنييييييه وزوجها منتف وجمييييييله واهلها اغنياء وخدم ومع ذلك اصبرت والحين معها عيال وبنات وزوجها ركد وترك الحريم وفعلا قايم في عياله حتى هي جلست فتره سنتين عند اهلها كانوا بناتها معها وعيالها معها بس يوم رجعت لأبوهم تغيرووو للأحسن والحين تجي زياره لاهلها يوم واحد وترجع لبيتها تقول عيالي وبناتي مايرتاحون الا في بيتهم بغرفهم واجهزتهم
اصبري ياقلبي +ادعي