المطلقـــات بأطفالهم!

السلام عليكم ورحمة الله •• موضوعي للمطلقات باطفالهم اتمنى تفيدوني وما تبخلون علي بنصايحكم لاني فعلا محتاجتها و اتمنى ما تجي وحده تقولي ارجعي لزوجك عشان عيالك من سابع المستحيلات نرجع لبعض
انا مطلقه وعندي طفلين متعلقين بابوهم الكبير عمره 4 سنوات والصغيره سنتين ولدي يقولي ليه تركنا بابا وجينا هنا ويقولي ابي ارجع عند بابا والصغيره بس تشوف صورة ابوها تاشر عليه وبابا بابا وإينه وإينه يعني وينه متعلقين فيه مره
ما اعرف اش ارد على ولدي اذا سالني • انا قلت له خلاص ما راح نرجع لبيتنا قال ليش ما عرفت اش اقول له انا متهاوشه مع ابوه واكرهه كره العما بس يظل ابوهم ما راح اشوه صورته واقوله بابا ما يبغاني او شي من هالكلام يقطع قلبي ولدي يقول ليش فلان وفلان عندهم ابوهم وانا لا ليش هم ابوهم يوصلهم لروضه وانا لا انا بابا ما يحبني اقوله الا يحبك ويحب اختك بس هو عنده شغل ان شاء الله نرجع ما يسكته الا هالكلام بس ما ودي يكون عنده امل بالرجعه عند ابوه ابي افهمه خلاص ماعاد نرجع زي اول بطريقه تناسب سنه وما تحطمه ولا تخليه يحقد على ابوه او يكرهه
الحمدلله انا والله مو مقصره عليه وعلى اخته حنونه عليهم وادلعهم وخوانب واخواتي روحهم بعيالي ومدلعينهم بعد بس يبغون ابوهم هو زارهم مرتين وبالمرتين قبل يطلع بكاء متواصل يبغون معاه وبنتي بذاك اليوم تتفزز بالليل من كثر ما بكت تبغاه
اتمنى من مرت بنفس وضعي تفيدني او من عندها خلفية عن الموضوع