المطلقه انتهت حياتها؟؟؟؟؟ لازم تموت؟؟؟

انا تمرمطت كثير بزواجي
وزوجي النذل راميني ببيت اهلي
وانا اصلا كرهته ولا اطيق اسمع اسمه
المشكله مو هنا
لي شهر ببيت اهلي وكل شي متلخبط
اهلي تغيروا علي
اول كنت احط الاطفال معهم ساعه اروح الصالون
الحين لي اسبوع اطلبهم ويأجلون
وامي قالتها بوجهي: بعدين مو شي مهم!
صار مو شي مهم
لاني مرتزه ببيتهم
يعني بس المتزوجه تضبط نفسها!!!
والمطلقة المفروض تهمل شكلها!!
مستكثرين علي مشوار ساعه!!
وزمان قبل افتح فمي يقولون ابشري
الشي الثاني
اول اذا بيطلعون يسالوني تجين معنا؟
تبين شي؟ الخ
الحين يطلعون سكيتي
رغم اني ياما عزمتهم من حسابي
مره عاتبتهم: حسافه ليتني طالعه معكم
قالت امي: مانبي دوشه اطفال!!
سبحان الله
اطفالي اللي كانت تمووووت فيهم
الحين صاروا يتذمرون منهم
ما ادري ليه كذا
محسسيني ان حياتي انتهت
بس اجلس اقابل الاطفال واربيهم
صار هذا هدف وجودي الوحيد بالحياه!
وكل مشاويري تتعطل
وخواتي اللي ماتزوجوا مايجلسون بالبيت
من الدوام لعزيمه صديقات لسوق لمطعم
وانا مرتزه بصالتهم
استقبل واودع واتفرج على خرجاتهم بالسناب!!!