والله احترنا انتم عارفين الزواج وتجهيزاته بعدين وش يضمنها اذا راعته في هالنقطه انه يكمل الباقي من بيت ومصرف واخاف يشوفها ناقصه ومهرها بسيط فيلعب بذيله وغير كذا ماتضمن روحات او جيات او تمشيات وغير كذا الرجال الان مختلفين عيونهم واسعه من كثر مايشفون البنات الي مايتغطون والي في التلفزيون يبون نفس الاسلوب واللستايل والمكياج والعطور ماعاد فيه رجال مثل قبل الواحد بيعذرب في زوجته من اول ساعه عند اهله هذا غير الام والاخت وقولوا وش لازم تشرط عليه لا تنسون انها موظفه اخاف تتمشكل معه علشان وظيفتها او يطلبها تنقل او راتبها او قرض علشانه او مصرف البيت !!

عذرا العريس اخته كبيره على زمن جدتي وجدتك وغير كذا ناس طبعهم قروي يعني اكيد مافي شهر عسل الا عزايم بين هالاهل ويومين في الشرقيه وبس فهمتم يعني مافي للمراه اي حقوق حتى الشقه والاثاث ماادري هل بيسمح لها تشتري وتنقي ولا بيبلشها بجلسه عربي وفرش الله المستعان

وماالفرق ببن المطلقة وغيرها يا اختي الكريمة ؟؟؟
المطلقة لها حق مثل غيرها ولايجوز ان ننقص مهرها لسبب الطلاق فالطلاق لاينقص من حق المرأة ومكانتها في الاسلام ، لذلك علينا نحن النساء ان لانستسلم لتلك النظرة المجتمعية المجحفة التي تجعل من المرأة مجرد سلعة قيمتها بقيمة مهرها
ولنتذكر أن الافضل هو العمل بقول النبي صلى الله عليه وسلم قال: أعظم النساء بركة أيسرهن مئونة. )

الله يوفقها ويسهل عليها.
احنا المهر من 30الى 35
الشروط
بيت شرعي .لايجبرها على ترك الوظيفه.ولايتدخل براتبها او ياخذ منه شي
اللي بتعطيه من رضا نفسها كان بها ؛ماتبي هي حره
وتتفائل يا اختي يمكن هالرجال وجه سعد عليها
الله يوفقهم ويجمع بينهم في خير

من 15-25 وبركة