المطلقه والارمله بعد الزواج الثاني

السلام عليكم ورحمة الله وبركاته

كيف الحال إن شاء الله الجميع بالف صحه وعافيه

عندي موضوع ياليت تشاركوني فيه وياليت كل مطلقه او ارمله تزوجة مره ثاني تشارك وتفيد الاخوات

الموضوع هو كيف هي حياة المطلقه او الارمله في زواجها الثاني

لان كثير من المطلقات والارامل يخافون يجربون للمره الثانيه المطلقه تخاف من الطلاق للمره الثانيه والارمله تخاف تتعلق في الزوج الثاني وتفقده وفي وقتها ماراح تتحمل الصدمه

وبعضهم يخاف يجرب للمره الثانيه بسبب خوفها من الزوج الثاني يعني تخاف يساله دايم عن زوجها الاول وطلب منها مقارنه او لو تسوي له شي يقول لها هل كنتي تعملين كذا عند زوجك الاول ومن هال اسئله

وهل كنتي تخافين من شي محدد وبعد الزواج كان الوضع عادي او صار الي كنتي تخافين منه

او ما كنتي تخافين من اي شي وكان الوضوع عندك عادي زواج مثل اي زواج لكن بعد الزواج اتضح لك العكس

وهل كنتي تبين ترتبطين في شخص لم يسبق له الزواج او مطلق او ارمل يعني ماتبين يكون لك شريك
واذا تزوجتي من واحد لم يسبق له الزواج من قبل يعني انتي اول وحده هل فكرت انه يتزوج عليك مره ثانيه وارده عندك وتخافين من هالموضوع ولا لا
لان بعضهم تنكد على نفسها وتخاف من انه يتزوج عليها لانها تقول هو كان ولد توه وانا لا اكيد يبي يرتبط بوحده بنت

ولا كنتي تقولين انا مطلقه او ارمله وما راح اتزوج الا واحد متزوج

ولا كنتي تبين الي فيه الخير وتحسين انك بتعيشين معه في سعاده ومايهم اذا كان مرتبط بغيرك او لا

اخواتي عضوات حواء العزيزات ياليت تردون علي لان عندي موضوع يدور في هالمحور ومش عارف اكتب فيه الكثير وقلت اكيد بحصل الي بيفيدن اكثر في حواء

وغير كذا اكيد فيه الكثير بيستفيدون من هالموضوع لان كثير يخافون يخضون التجربه الثانيه

وكان لي صديقه تزوجة قبل فتره وهي كانت ارمله كانت رافضه فكرت الزواج وبعد شق الانفس وافقة وبعدها قالت ما راح تلبس فستان ابيض لنها مش بنت ومن هالسؤالف وكنت استشير الاخوات في منتدى العروسه في حواء ووالله ان البنات ما قصرو شجعوها كثير

وفي الختام اروج إن طريقتي في الطرح توصل لكم

واشكركم