القصد انه نظرة الناس تغيرت وصار يهمهم المظاهر وحنا ماننتقد اللي يلبسون الماركات ننتقد انه الكشخه والاناقة مساويه للبس الماركات .. كل واحده تلبس اللي تبي بس مايصير هو معيارنا لتقييم الناس..

وللاسف انتقلت النظرة للمقيمين عندنا..

والمظاهر ماتشمل بس الماركات تشمل حتى العبايات والحواجب واشياء محرمة استحللناها ..

يعني شوفي بعض العاملين في المحلات وبعض عاملات المشاغل اذا شافتك لابسة عباة راس حقرتك واذا جيتي لابسه عباة كتف طارت بك ...

حتى اذكر موقف كنا رايحين للسوق ولما نزلنا من السيارة قال واحد بلهجة استهزاء لكزس وعباة راس!!

واحده اعرفها اذا لبسك مو من دبنهامز معناته مو كشخه ...وماادري ليش دبنهامز بالذات؟؟

اذا انتي تشترين من محل معين او ماركة معينة لانك مقتنعة بجودته الله يقويك شي حلو لكن تروحين تشترين عشان اصير كشخه؟؟

كلامي كثير وماله داعي وعارفه انه فيه ناس بتتهجم علي ..

ياقلبي ودي اقولك مو شرط ان الملتزمات يكونوا مايكشخون على إني دايم اشوفهم مبهذلين الى ان شفت مجموعه من الداعيات ماشاء الله عليهم انيقات ومرتبات عرفت ان فيه منهم ناس تعرف تلبس ماركات او خلينا نقول لبس انيق ومحتشم لأن تجيك ناس من الملتزمات تلاقينها اعوذ بالله مدري كيف شكلها الشعر ملموم اي طريقه الوجه يالله ياكافي اصفر مدري اشهب يعني لامكياج ولو حتى كحل وهذا سنه ابدآ تجيك شهباء واللبس صراحه ماقد شفت ملتزمه في الجامعه عندنا الا ولابسه اسود حشاء تقولون بعزاء يعني الله سبحانه وتعالى يحب يشوف نعمته على عبيده اذا عندي ليش ابخل على نفسي ليش ما البس واتكشخ بحدود امكانياتي وبدون ما اطلع عن التزامي وربي لو اقولكم حتى العطر مايحطونه تخيلوا اذا كلمتيها تقول اذا احد شمني كأني زنيت طيب انتي تقعدين 7ساعات او6بالجامعه يعني اطلق عطر بيكون راح منك ليه ما تتأنق وتلبس ومثل ماقلنا بحدود الشرع والا اللي يجيك منهم يقول ازهد بالدنيا طيب الله قال وخذ نصيبك من الدنيا

انا صراحه ما اشوف ان قيمه الناس باللبس صحيح فيه ناس تفكر كذا لكن صدقيني هذولي حديثين نعمه بالعكس ياما بنات نعمه صدق ولاهو باين عليها من تواضعها وبساطتها وعلى فكره مو دايم البنت اللي تكشخ الناس تقدرها بالعكس
ولا هو دايم بعد ان الملتزمه تكون مهردسه لا ابدآ مو دليل ان الشكل يكون مقياس على المستوى
واسفه اذا طولت

لوليتا900

أختي لوليتا أنا ماريد اتكلم عن الملتزمات... لأنه هذيلا تلقينها الوحدة
جذيه لأنها زاهده بالدنيا يا ربي ترزقنا ونكون زاهديييين فيها هالدنيا
صحيح إن الله جميل يحب الجمال.. لكن اللون الأسود تلبسه لأنه الملون
لفت نظر!! عرفتي

خلينا نتكلم عن بعض المتزوجات اللي يابت عيال .. تلقينها عباتها
أحيان وصخه ولدها لاطع لها كاكاو تحسينه من يومين !! وبنتها
مرجعه على حجابها وهي بمكان عام لاهي عارفه تقط البنت وتروح
تتنظف ولاعارفه شتسوي محتاسه بينها وبين عيالها!! هذي اللي خلاص
تعودت تكون مبهدله! ... أنا هذي ألومها شوي صح اني حطيت لها اعذارها
لكن بعد تنلام

لأنه مثل ما البنت إذا كشخت وتعطرت تلفت النظر ويكون شي مب زين
حتى المبهدله بزود تلفت النظر !!!!

يعني بالأمانه إذا دشيتو مكان وشفتوا وحده مبهدله!! ما تقعدين تطالعينها
وتقولين في بالج!! انزين ليش على الأقل ما كوت عباتها قبل لا تطلع!!
ودي اقولها في بقعه بنقابج!! يا الله ليش ما تمسح خشم ولدها!!

يعني تحسين أشياء بسيطة لو سوتها ما كانت لفتت نظرج!!

كلامك واقعي لكن لابد مما لابدمنه اقصد ان هذه متطلبات العصر الذين نعيش فيه لكن مع الاخذ بعين الاعتبار وجوب المحافظة على هويتنا و عدم الانزلاق وراء مغريات العولمة وتناسي قيمنا وتقاليدنا ... اي ان ما اقصده انني من الفتيات الاتي لاتقتنع الا بلبس الماركات العالمية و مواكبة خطوط الموضة لكن مع الحفاظ على شخصي كفتاة عربية مسلمة و مع هذا لا استحقر الذين لا يتماشون مع اخر الصيحات فجوهر الانسان اهم في اعتقادي ...
وهنالك مااود لفت الانتباه اليه وهو كم المغريات المحاطين بها و خاصة بالنسبة للمتزوجات و لذلك لابد من محاولة مواكبة العصر و التجديد وذلك لان رجالنا للاسف مقتنعين ان من نراهم على الفضائيات هن حوريات الحياة الدنيا و ان جمالهن رباني وانهن هن فقط الضليعات في الشياكة وجذب الرجال ونحن شواكيش هذا بالطبع نظرة بعض الرجال الضعيفي الانفس ولهذا كان لابد من اثبات اننا جميعا بنات حواء و اننا لانختلف الا في جوهرنا..ولابد ان نتذكر بان العين قد تعشق قبل القلب احيانا و الشيطان شاطر...
اسفة على الاطالة وشكرا..

مشكوريين عالردود لكل من رد وانا ودي اذكر اسماءكم واعلق على كل رد بس عصبت لان من شوي رديت على موضوع وكتبت موضوع طويل وتحمسسسسسسسسسسسسسسست وبالنهايه انمسح ....
لكن احب اعلق على حاجه وهي ذكرتها في موضوعي واتمنى اننا مانتطرق نناقشها لان الموضوع راح ينقلب الى اختلاف في الاراء وتمسك بالراي وبما اني كتبت الموضوع احب اذكر هالنقطه اللي تكلمت عنها وبفسر لكم ايش كنت اقصد ونقفل موضوع البنت الملتزمه ولبسها بس ونكمل باقي الموضوع ..من رايي البنت الملتزمه التزام حقيقي لايمكن انها تلبس لها فستان مثلا سالوران او برادا بعشرات الاف حتى لو انها مقتدره لان هالشي مايرضي ربي لكن بتكون لابسه شي مرتب ونظيف اولا واخرا ويمكن عالموضه مثلا في الوانه وموديله بس ماراح تكون نظرة الناس لها مثل اللي بتلبس وبتشتري كماليات بالاف ..اتمنى ان النقطه وصلت ...لكن انا زبدة موضوعي عن نظرة الناس للي تلبس غالي وغريب ونظرتهم للبنت للعاديه بغض النظر عن الالتزام ..