في البداية اقول شخباركم ان شاء الله تمام
اليوم بوريكم تطبيقي لمظبي اختنا اخت القمر الصراحة كلمة روووعة شوي فيه
واللي جوعاااانه وعندها قدر الضغط تسويه بدووون تردد لانه طبق سريع ولذيييذ مرررة
المهم كثرت السوالف (حريم)انا بكتب الطريقة للي ماشاف موضوع اخت القمر
نبدأ بسم الله وعلى بركة الله
اول شي نجيب الدجاجةونغسلها وننظفهازييين بعدين نقصها بالنص من جهه وحدة بس ونحط عليها ملح وكمون وكركم ونفركها عدل من داخل ومن برا
بعدين نجيب بصل ونقطعه شرايح عريضةونصفه دورين بقدر الضغط
ونحط الدجاجةفوق الشرايح ونكتمها بالقدر على نار هادية (اخت القمر تقول خلوها 12 دقيقة بس)انا خليتها ربع ساعة عشان اتأكد ان الدجاجة استوت
ومثل ماقالت اخت القمر نحط البصل والدجاج بدون اي شي لازيت ولاموية
بعدماتستوي بتشوفون الموية اللي طلعت من البصل والدجاج
بهذا الوقت نكون منقعين الرز بمويه مغلية
بعدين نغلي مويه فيها دارسين وورق غار وهيل حب علشان نسلق الرز نص سلقة
بعد ماتغلي الموية نكب الرز فيها ونخليه لحد مايستوي نص استواء
بعدين نشخل الرز ونحطه على الدجاج بالقدر ونحط عليه شوي صفار الزعفران ونكتمه 7_10 دقايق على نار هادية جدا
بعد كذا نجيب صحن نحط فيه شوي زيت ونحطه بوسط القدر ونسقط فيه فحمة ونكتمه بسرعة ونخليه لحد مايوقف الدخان
في الوقت هذا انا سويت شوي بصل مع فلفل حااار
اول شي حمست البصل مع زيت زيتون وملح وكمون
وبس ذاب البصل شوي حطيت عليه فلفل اخضر حااااروحمستهم شوي وبس
وهذا بعد ماأستوى البصل والفلفل
وهنا بعد مانتهت الطبخه كلها وغرفتها
وهنا الرز مع الحبيب الفلفل
وهذي سفرتنا المستعجلة لان عيالي من جو من المدرسة وهم يقولون حرام عليك ياماما دوختينا بالريحة تجنن متى يجي بابا عشان نتغدى واول مادخل ابوهم شالوا الاكل وراحوا يركضوون بدون حتى مايكملون باقي السفرة
وهذا الصحن لعيون توتة مثل ماوعدتها اني بنزل صحن بأسمها
وعشان مايزعلون شجونة ولموية هذا لهم
واخيرا بالعافية على قلوبكم واتمنى تطبيقي يكون اعجبكم والله الله بالردود واذا ماعجبكم ردو أجبروا بخاطري عشان ايديني اللي تكسرت وانا احاول اانزل الموضوع بصورة جيدة
كأني اشم الريحه جناااان
وانا مالي صحن مثلهم؟؟؟؟ خخخخ
يعطيك العافيه يالغلا
00000000
لااله الا انت سبحانك اني كنت من الظالمين
اللهم اني اسالك العفو والعافيه فالدنيا والاخره
لاحول ولا قوة الا بالله لامنجى منه الا اليه