المعاقين عقليا

مرحبا انا برد عليك لان هذا تخصصي اللي درسته وبتكلم عن اللي اشوفه او حسيته
قبل ما اجاوب انا دخلت التخصص رغبه بس لما شفت الحالات تعبت شوي بس والله اني صرت احب المعاقين عقليا حب جنووووووووووووووون لانهم رهيبين ووسيعين صدر لابعد درجه
ووالله كانوا يسولفون معنا ساعات احسن من الطفل العادي

بسم الله الرحمن الرحيم
س1:هل لديكم معاق عقليا؟
لا
س2:هل تؤيدين الذهاب به الى الاماكن العامه؟؟
لو عندي اكيد نعم لان له نفس يطلع ويتمشى حتى لو كان من مزدوجي الاعاقه وكان بعربيه بس تشوفي الفرحه بعيونه وهذا يكفيك
س3:عند الذهاب معه الى تلك الاماكن العامه كيف هي نضرة الاخرين اليه والاطفال خصوصا؟
الاطفال عندنا صاروا يعرفون كل شي وبالعكس اشوفهم يتقبلون المعاق وساعات يبون يحكون معه
س4:هل يلتحقون بمدارس المعاقين (مع قلتها ) وبيسر وسهوله؟
بالنسبه للمعاقين عقليا الفئه القابله لتعلم فيه لهم معهد التربيه الفكريه بشرق الرياض وغربها
ومتوفر مواصلات ويقبلون بسهوله بس اذكر قالوا لنا بالتدريب مانقبل مزدوج الاعاقه مثلا معاق عقلي واصم او كفيف
يقبلون اذا كان الازدواج حركي يعني معاق عقليا ومايمشي يقبلونه

ومن اهم شروطهم انه متدرب على الحمام طبعا لانهم حكومي وفيه جمعيه الاطفال المعاقين يقبلون وكمان النهضه
س5:وان التحقوا بالمدارس الى اي حد تكون الاستفاده وما هي المعامله في هذه المارس؟
بالنسبه للحكومي والله المدرسات حبوبات مرررره بس اغلبهم كبار بالسن اكيد انهم خبره بس ماعندهم نشاط البنت اللي توها متخرجه مو الكل البعض

وطبعا الحكومي يدرسون لحد 6 ابتدائي وبعدها ممكن تلتحق بمركز تاهيل

س6:وماذا عن الوظائف هل يجدون وظيفه بسهوله؟
ما ادري بس اتوقع صعب
س7:ما رائيكم في فكرة دمجهم مع العادين؟
مازلنا نحتاااااااااااااااااااااج لوعي الناس للفئه هذي
لان فكره دمج الصم بالمدارس العاديه نجحت بس لاقوا صعوبات للاسف انها مو من الطالبه بل من اهلهم

س8:هل يطلب المعاق او المعاقه عقليا الزواج؟
شوفي اذكر اللي تدربت معهم كانوا يسولفون عن الزواج وكل وحده تقول اذا تزوجت بسوي كذا وكذا

بس هل يطلب ما اعرف
س9:ماهي وجهة نضر المجتمع لهذاالطلب؟
للاسف الناس تشوف ان مالهم حق بالطلب هذا
س10:هل ينجبون اطفال عادين؟

هذي بيد الله سبحانه وتعالى بس سبب رفض الكثير من المختصين لفكره زواجهم خوفهم من انهم ينجبون اطفال معاقين وهو متوووووقع بشكل كبير
س11:هل تتوقعون ان يكون رب لاسره كفء او ام كفء؟
تحمل اسره ما اتوقع لانهم احتياجاتهم اغلبها يتحملها عنهم الخير فاتوقع صعب يتحمل اسره
س12:هل تؤيدون تزويج المعاق عقليا من معاقه حتى لو كانت ليسة اعاقه عقليه(جسديه مثلا)او العكس؟
اذا كانت نسبه الاعاقه العقليه بسيطه ليه لا
س13:مستلزماته الشخصيه من يوفرها له اوهو الذي يوفرها؟
اتوقع لازم احد يوفرها له

س14:هل يتقدم احد لخطبة فتاةمعاقه عقليا وماذايكون؟
ماعندي فكره
س15:ماهي نضرة المجتمع لأبناء المعاق او المعاقه عقليا؟
**الحين مره شكرا على صبركم وطلب اخير ياليت تقولون اي مشكله يواجهونها وانا ماطرحتها في الاسئله او ايشي مضايقهم اوتذكرون مواقف تعرضو لها**

اكبر مشكله هي من الاهل نفسهم
لان الام والاب بيدهم يحسنون من اداء الطفل عندهم بتعاملهم معه واعطائه فرصه لتعلم بوجودهم

مثال مره بالسوبر ماركت ام مع طفل معاق عقليا وكانت اذا بغت شي تقوله ابي هذا عطني واحد ويجيب ويحط بالعربيه وكان مستمتع مره
وعند الكاشير قالت ساعدني نحط الاغراض
ولما جاء وقت الحساب اعطته الفلوس وقالت حاسب ماشاء الله وربي كنت راح ابكي من الفرحه
شي يفرح فاكيد ان طفلها بيكون افضل من طفل ثاني ممكن يكون اكبر منه بس ماله خبرات وتجارب مثل هذا

واخر شي ووووواحب اقول لمن عندها طفل معاق انها تحمد ربها وتشكره وتعرف انه نعمه من الله سبحانه وتعالى وانه ان شاءالله خير لها
وبدل ماتندب حظها
لازم تفتخر بطفلها وتطلعه لناس بفخر حتى لو كان هالطفل مايحررك الاعينه

لان الناس ماراح تحب ولدك او بنتك وهم يشوفونك ما افتخرتي واعتزيتي فيه

فهذا هديه من ربك فحبي عطاء ربي تعيشي مبسوطه
ومهما كان طفلك بنظرك اعاقته شديده فاعرفي ان هناك وحده عندها طفل اشد من طفلك

وموضوعك روووووووعه

بس انا عندي سؤال ولك حريه الجواب ليه اسئلتك هذي؟

انا حتى وان جوابت على اسئلتك فلن اكتب شعور ام عااااشت هذه المشاعر بحلوها ومرها
ماقول للاهل انهم حقا منحه وليسوا محنه
الله سهل لكم طريقا للوصول للجنه فان حافظتوا عليه ورعيتوه فلن يروح تعبك وسهرك هباء فالله سيجزيك خير الجزاء تذكري هذا دائما


متخرجه تربيه خاصه
اعاقه عقليه
دمتي بود

مشكورات اخواتي على الرد :26:
والف شكر ياManooly وبنت الرياض العسل على اجابتكم:26: :26:

بليزززززززززززبنات
ارجو التفاعل وياليت يكون المعاق عقليا الي تتكلمين عنه راشد(فوق سن18سنه)