وعليكم السلام، ،،
• اعاملها ماراح اشدد عليها ولا اظلمها ولاميوعة عشان مايقل احترامها لي لانه في النهاية هي عاملة عندها شغل تسويه وبس .
•ماخليها تختلط قدر الإمكان لأنهم يفرون راسها على معزبتها.
• اي اطلعها عادي بس مو اي مكان ، يعني ممكن اقدر اطلعها المنتزهات كورنيش مجمعات إذا أنا مشغولة شوي بس اذا بنتغدا برا او عشا مكان راقي ماله داعي ايبها وحتى المجمع ماله داعي كل مرة يعني ماله داعي تخبرونها ، وإذا تروحين بيت الاهل اي عادي تيبينها.
• يعني انا في بعض الاشياء اقدر امشيها واسامحها بس انبها زي مثلا ي فلانة هذي الدلة غسليها عدل فيها بقيا شاي ي فلانة ماتغسلين المساحة في السينغ المطبخ لازم في الحمام ، تقدرين أسهل لك تسوين جدول لها اول جم شهر بعدين تعرف شغلها . إذا بتخلينها تتطبخ تأكدي كن وراها صكت الغاز او ردت الأغراض وكذا .

ان شاءالله
الله يقدرني

معاملة بين الحزم و اللين والله يسخر لنا و لكم

تنزل الصبح قبل الساعة ٧ تنظف المطبخ وتسوي القهوة العربية والشاهي وتحطهن في الغرفة الي نجلس فيها وناكل فيها ..
وبعدين تنظف الدور الأرضي وتغسل الحمامات وتنظف الحوش وإذا خلصت..تطلع للدور الثاني وتنظفه ..
وإذا خلصت من شغلها تروح لغرفتها ترتاح او تنام الين الظهر الساعة وحدة وربع تنزل تغسل المواعين
الغداء انا اسويه
مااضغط عليها
الله يطعمنا من خيرهن ويكفينا شرهن

طيب والطلعات
انا اول كنت اخليهم يختلطون مع عاملات اقاربنا واحس هذا الي خربهم
فالان خلاص عاملتي الجديده ماراح اخليها تختلط
بس وين اطلعها
زوجي يقول اي مكان نروح له في اقاربنا نطلعها معنا
وبس احس صعبه اؤديها مطعم معي انا روحي وعيالي وزوجي يقول عادي حرام عليك وين تبينها تروح اجل