ماكنت متوقعه بيوم من الأيام اكتب واشكي في عالم حواء كنت متفرجه فقط واليوم انضم لهذا العالم الي شاركت عضواته بدعائي ومشاعري في مشاكلهم بالبدايه بكلمكم عني انسانه ماعرف اشكي همي او افضفض لاي شخص لكن وصلت لمرحله اخاف ان افقد اعصابي واشتركت لترويح والتخفيف على نفسي حنونه وحساسه جدا جدا خجوله وملتزمه بتعاليم ديني مرة الايام في حياتي عاديه كانت اغلب احلامي واجملها الأستقلال في منزل لي من الطفوله وهذا الحلم يكبر معي احب الاستقلاليه كنت كل مااشوف عروس اتخيل نفسي مكانها احب الاطفال وشوفتهم واتمنى اكون ام ❤️كبرت وتخرجت من الجامعه كنت دايما احس اني بتزوج اول ماتخرج ماكنت قلقه كثير كانت عندي ثقه عظيمه ومرت السنوات توظفت وكنت صاحبة ابتسامه معروفه بمجال عملي متفانيه في العمل الجميع يلجأ لي اذا واجهته مشكله وخصوصا مجال عملي خدمة عملاء نواجه مشاكل متعدده مصدر ثقه كانت حكمتي وتعقلي اكبر من عمري لدرجة مراهقتي ماعشتها عشتها كانسانه كبيره في السن مو طفله ومرت ست سنوات في عملي وانا نفس ماعرفت به لكن بدا هاجس القلق والخوف على نفسي من العنووسه زي مايسمونها مجتمعي بدو العالم المحيطين فيني يتغيرون مايتكلمون عن حياتهم او ازواجهم او اولادهم عندي خوفا من اني احسدهم الي تنخطب تخبي عني على الرغم من اني اول من يحتفل ويفرح للي حولي وكان سماعي لهالاخبار تضايقني لاني عارفه انهم ماقالوها لي علشان ماحسدهم ومن هنا عرفت وش معنى الحسد والغيره الابتسامه الي عرفت فيها صارت ماضي ماحب اجلس مع صديقاتي والي بعمري واكبر لاني اعرف كل سالفه وسالفه بيقولون ماتصلحلك انتي باقي ماتزوجتي كان هالموقف يبيلي اني اصبحت انسانه امنعهم ياخذون راحتهم بالسوالف ابتعدت عن الجلوس وكرهت السوالف واهلي تغيروا علي وصارت طلباتي ثقيله عليهم بالرغم انها من حسابي وراتبي وصار اي شخص يقدملي شي يعتبرها صدقه واي طلب مني اسمع منهم كذي وضعها ولها عين تتشرط وبعد ماكنت منبع لسعاده والتفاؤل صرت محبطه ومكتئبه ابتعد عن العالم علشان ماتضايق من كلامهم
وابتعد عن تجمعات خواتي وكلام اعمامي ونظرات الكبيرات في السن واسئلة الخدم حتى ليش ماتزوجتي سؤال متعب لي جدا جدا ماعرف اجاوب كنت اقول ماابغى كنت اقول ماجاء النصيب كنت اقول مو لازم واكتشفت اني مااضحك غير على نفسي بهالكلام ماحد مقتنع بكلامي سؤال جوابه ياخذ من صدورنا احلام ويحطم امال ويكسر انفس سؤال جوابه نأمن فيه لكن للأسف ماحد يتذكره جوابي القدر قدري ماجا للحين قدري اني اشوف الكل يفرح وينجب ويأسس اسره وانا اشاركهم في الهدايا والدعوات وفي نظراتهم خوف مني اتمنى افرح لمناسباتهم زي ماكنت للجميع لكن تخوفهم مني هو السبب في تحطمي والسبب في تركي لهذا المجتمع و دايما يقولون ليش البنت الي تكبر وماتتزوج تنعزل وتكره الناس ليش سؤال جوابه عندكم يامجتمعي العزيز
خايفه على نفسك حصني نفسك و وخلينا نشاركم فرحتكم لاتحرموناااا 😔
وتحسسونا ان احنا من كوكب ثاني
هي فضفضه كتبتها وشاركوني رايكم وسمعوني نصايحكم £)كلام مخربط بس فضفضة سنوات وجدت لنفسها فرصه للخروج فخرجت الحروف متدافعه من دون ترتيب
صوتي تعب @soty_taab
عضوة جديدة
يلزم عليك تسجيل الدخول أولًا لكتابة تعليق.
ازههار
•
سيبيك من ذا كله واعرفي الناس مابيدهم شي اتركيك منهم وادعي بكل ثقه ان ربي يرزقك بزوج صالح خليك من كلامهم وشفقتهم ونظراتهم مجتمعاتنا كذا مهما صار ماتتغير لاتقولي انا كبيره بعمري وانا وانا انصحك نصيحه لاتفكرين بنظرات اللناس وكلامهم انسي وابدي من اليوم ترجعي انسانه جديده ابتسمي لاتياسي قومي الليل صلي الصلاوات بوقتها استغفري ادعي بسجودك بزوج يغنيك عن هالناس حصني نفسك ابدي من اليوم خليك قويا لاتياسي مهما كان واعرفي انو كل ماضاقت فرجت والله ربي مايخيبك نصيحه مني لك واخذيها مني
سجي ضحي
•
تحرري من الاشياء الداخليه في نفسك ؟وهذي طريقة جيدة قرءتها من دكتور
بقولها لك وهي اي فكره سئية تجيك عطيها وقتها لا تقاوميها تحرري منها وهي انك وانتي بمكان هادئ ترحبي بالشعور تماما لا ترفضين الشعور ولا تزعلين منه ولا تقاومينه رحبي فيه وخليه الشعور كموقف محزن صار لك وهو مازال مخزن بدخلك سواء اقوال احد او افعال احد وممكن فكره انتي حاطتها غير موجودة اصلا خلي شعورك اتجاة امر ما يعبر لا تردي ممكن تبكين وممكن تدمعي فقط وممكن مايجيك اي احساس نهائي خلي الفكره السلبيه تاخذ راحته ثم بعدها قولي هل اتحرر من هاالامر او الفكره السلبيه ؟الاجابة نعم وثم اسئلي نفسك متي اتخلص منها واتحرر؟الاجابه الان او الحين ثم قولي امامي خيارين الاول ااتمسك بها الشعور ولا اتغير واجلس كما أنا ,ام الثاني اترك هالشعور واتغير واحقق هدفي وكل مارجعك شعور سواء نفسه او اخر سويها
حتي تبتعد عن الافكار السلبيه في حياتك المخزنه بداخلك
بقولها لك وهي اي فكره سئية تجيك عطيها وقتها لا تقاوميها تحرري منها وهي انك وانتي بمكان هادئ ترحبي بالشعور تماما لا ترفضين الشعور ولا تزعلين منه ولا تقاومينه رحبي فيه وخليه الشعور كموقف محزن صار لك وهو مازال مخزن بدخلك سواء اقوال احد او افعال احد وممكن فكره انتي حاطتها غير موجودة اصلا خلي شعورك اتجاة امر ما يعبر لا تردي ممكن تبكين وممكن تدمعي فقط وممكن مايجيك اي احساس نهائي خلي الفكره السلبيه تاخذ راحته ثم بعدها قولي هل اتحرر من هاالامر او الفكره السلبيه ؟الاجابة نعم وثم اسئلي نفسك متي اتخلص منها واتحرر؟الاجابه الان او الحين ثم قولي امامي خيارين الاول ااتمسك بها الشعور ولا اتغير واجلس كما أنا ,ام الثاني اترك هالشعور واتغير واحقق هدفي وكل مارجعك شعور سواء نفسه او اخر سويها
حتي تبتعد عن الافكار السلبيه في حياتك المخزنه بداخلك
صوتي تعب
•
ازههار :
سيبيك من ذا كله واعرفي الناس مابيدهم شي اتركيك منهم وادعي بكل ثقه ان ربي يرزقك بزوج صالح خليك من كلامهم وشفقتهم ونظراتهم مجتمعاتنا كذا مهما صار ماتتغير لاتقولي انا كبيره بعمري وانا وانا انصحك نصيحه لاتفكرين بنظرات اللناس وكلامهم انسي وابدي من اليوم ترجعي انسانه جديده ابتسمي لاتياسي قومي الليل صلي الصلاوات بوقتها استغفري ادعي بسجودك بزوج يغنيك عن هالناس حصني نفسك ابدي من اليوم خليك قويا لاتياسي مهما كان واعرفي انو كل ماضاقت فرجت والله ربي مايخيبك نصيحه مني لك واخذيها منيسيبيك من ذا كله واعرفي الناس مابيدهم شي اتركيك منهم وادعي بكل ثقه ان ربي يرزقك بزوج صالح خليك من...
كلام جميل جدا جوزيتي خيرا
صوتي تعب
•
الله يفرج همك ويرزقك ماتتمنين .الله يفرج همك ويرزقك ماتتمنين .
آمين عزيزتي وياك والجميع يارب
الصفحة الأخيرة