احد جرب دورات E في
المركز الثقافي اللي في الدائري الجنوبي جنب قاعة ليلتي؟؟

موضوع حلو ...


انا باقول لكم عن تجربتى ..
1- درست دورات الحاسب الآلي .. فى مركز النشاط فى الجامعة كانت الدورة ب 150 ريال .. ادخال بيانات ومعالجة نصوص واختى الحين دخلت معهد ايتانا تبى تاخذها ب 1500 لا ويوم زهقت قالوا ما نرجع لك ولا ريال ..
2- درست لغه انجليزية فى معهد الافق فى السلام .. الكورسات الاولى معلمات سعوديات بس المستوى الخامس امريكية ... بجد استفدت كثير .. " لا ولما صار عندى ظروف صاورا يوصولنى معاهم بسيارة المعهد مع المعلمات "


الحين ابى اخذ دبلوم من نيوهورايزن .. لكن لسا ما جتهم الموافقه على دبلوم السنه للجامعيات .. ادعوا لى تجى الموافقه وادرس ..

ام محمد / يعني صرتي تتكلمين Eبطلاقه ولا بس مجرد تعلم...

مرحبا من جديد .. عزيزتى دموع الشوق ..
الحمد لله انا من اول مستواى وسط .. وحبيت استفيد بدل ما انا قاعده ..
ورحت .. عندهم 6 مستوايات .. المفروض ابدا من المستوى الرابع .. بس كان المستو ىالثالث مافيه الا بنت وحده .. وانا اقل وحده فى المستوى الرابع وحطونى مستوى ثالث ..
قالوا عشان تستفيدين اكثر ..
والحمد لله اخذت ثلاث مستويات 3+4+5 والمستوى الخامس درستنا امريكية ولا تتكلم ولا كلمة عربية .. بصراحة وناسة تتكلمين غصب .. وهات يا تأليف لما ندور على اشياء ما نعرفها ونحاول نشرح لها و نوصف ..
والحلو يركزون على المحادثة والقواعد الاساسية مو كل الدروة قرامر ..
واللغه تريبا تقدرين تقولين لغة الشارع الامريكي مو اكاديمية مره .. وكتابهم حلو منوع
" تلاحظين انى اسوى دعاية !! " لا والله مالى مصلحة بس اقول لكم عن تجربتى ..
اتمنى تستفيدون

الله يعافيك ام محمد بسالك موقعهم وين...وكم الرسوم ومدة الدوره...

ياليت تردين بسرعه لاني ابغى ادخل هالدوره بالعطله


ولك تحيااااااااااااتي0