والله مادري كيف اشكركم
فرحة قلب : مشورة على الفطير اعتقد ان حنا نسميه قرص إذا ما كنت غلطانه ( تراني حليوة في الطبخ )
ديـــــراوية: الله يوفقك على الشرح المفصل بحاول والله يستر
حسّاسة
•
الصفحة الأخيرة
هي اصلها اكلة جيزانية يعني تقريبآ سكان ساحل البحر الحمر مشهورة عندهم من جدة الى جيزان
و مكوناتها ااساسية فطير + موز يكون ناضج مرة يعني يكون في قشرة سواد شوي + سكر وسمن وعسل + وقشطة لو تبغي
شوفي هذة وصفة للفطير تقريبآ زي حقت السوق
دقيق ابيض+ ماء للعجن + ملح + ممكن تحطي زيت بس قليل مرة يعني ما يأثر ممكن زيت زيتون لانة خفيف
او استغني عن الزيت مو مهم
يعني دقيق وملح وماء ويعجنوا لحد ما تصير عجينة لينة لاهي جامدة ولا هي لينة مرة يعني تصير مطاطية
وبعد كذا ممكن تسيبيها ترتاح فترة وبعد كذا قطعيها دوائر صغيرة قد البيضة او اليوسف فندي
او على حسب ما تبغي حجم الفطيرة وسيبها برضوة ترتاح انا سبتها ساعتين طبعآ تغطيها بخرقة
وبرضوة قطعتها على طول من دون ما اسيبها ترتاح
وبعد ما تسيبوها تجوا عشان تفردوها عند الفرد كثروا الزيت عليها وعلى السطح اللي بتفردوا علية عشان تنفرد معاك بسهولة لحد ما تصير رقيقة مرة يعني كانها شفافة والزيت بيساعدك على انها بتنفرد بسرعة وتصير رقيقة
وبعدين امسكي العجينة المفرودة باي طرف منها وارفعيها فوق يعني خليها مستقيمة كأناك ماسكة قماش او شريط
ورافعتة لفوق شبهتة لكم عشان تقرب لكم الفكرة
هي لما تمسكيها رايحة تنلم على بعضها اكيد وانتي تلفي بها تكون ماستها من طرف واحد
بعد مسكها لفي ايدك بها سوي بها حركة دائرية يعني تصير شكلها زي الخرقة او القماش لما تعصرية بايدك من الموية بس اللفة بتكون خفيفة مو مرة تلفيها على بعضها زي الخرقة
بعد ما تلفيها وانتي ما سكتها طولي نزليها على السطح اللي بتفردي علية بشكل حلزوني بتصير على شكل دائرة ملفوفة على بعض حلزوني او لولبي
وبعد كذا افرديها واكيد الزيت بيساعدك على الفرد بسهولة بس بس ما تكون رقيقة مرة يعني زي الخبزة
بيكون شكلها زي الطبقات الدائرية فوق بعض
ومن ثم اخبزيها في صاج مدهون زيت قليل
وعلى فكرة عند الخبز راعي انك ما تغطي الصاج اوالطاوة لاني جربت خبزتها مرة وهي غير مغطاة ومرة مغطاة
فطلع شكلها مختلف عن بعض وكانت اللي ما تغطت احسن وبمكانكم تجربوا
والفطيرة هذة اسمها( البراتي)
تسوي بها معصوب او المرسة
والمعصوب يتكون من موز ناضج مرة والفطيرة هذة بعد فرمها في فرامة اللحم وسمن وعسل او سكر وقشطة
بعد ما تفرمي الفطيرة تخلطيها مع الموز يعني تنعجن مع بعض وتضيفي لها السكر او العسل مع السمن والقشطة
وممكن تستغني عن القشطة
ان شاءالله فهمتي علي وفهمتي الطريقة وعجبتك
اذا صلحتيها وعجبتك ردي علي