هتون الجميله فين منطقتك
بنات انا حطيت ال ٤٥ منطقه وخايفه اني اكون اتهورت مررره
وخايفه ماحط ومايجيني التعيين بالزات نقاطي قليله ٨٠ وتخصصي ( تربيه فنيه )في اخر مفاضله وقف على ٨٤
وخايفه عشان حطيت كل المناطق يرموني بعيد
ماني عارفه ايش اسوي اخللي كل المناطق ولا انقص
لاني افكر انو لو حطيت المدن مو ممكن يرموني في هجر يعني ايش تفرق عن المناطق البعيده
وشويه اسمع انو سنه ويجي النقل سهل
وشويه اسمع انو سنين ويطول
والله محتاره وخايفه ومرعوبه وابغا الوظيفه ومو عارفه ايش اسوي
انصحوني هل اختياري لل ٤٥ منطقه خطا ولا لا
افيدوني جزاكم الله خير

بنات الله يجزاكم خير قولولي صحيح النقل يجي بعد سنه ولا يجي بعد سنين
لانا اذا بعد سنه راح اتهور واقدم بعيد بس بعد سنين مابغى الغربه ابداااا
انصحوني ياجماعه

الله المستعان انا مغتربه ومتزوجه لكن عيالي معى سكنت بقرية حلوة صح مافيها خدمات بس زي ماقالت الاخت اهلها طيبين مرره
وكلت امري لله وربي يسرها والحمدلله

بنات فتح التقديم وحطيت كل المناطق بس حزفت وادي الدواسر خوفوني منها
وايش رايكم في الغاط زالبكيريه وحوطه والافلاج والزلفي عادي نحطها ولا مو كويسه
وانا من جده
والله بنااات خايفه ومرعوبه و الله لو الواحده ماوراها اولاد وزوج تحسو الموضوع اسهل انا اضغط على نفسي لو سنه او سنتين ويجيني النقل بس خايفه الموضوع يطول
لكن تجارب الناس واللي بسمعو شي مطمن شويه
عشان كده قلت اتهور واحط المناطق

انتي ايش تخصصك اللي فوقي