المعلمه او زوجها معلم تدخل

السلام بنات
اختي متملكه فجاه امس زوجها يكلمها يقول
توقفت عن شغلي هو معلم
تقول جلست افهم السالفه منه قالها
انه مقدم زمان قبل فتره انه يترك وظيفته
بمنطقه الرياض بيقدم بمكان ثاني
ويقول حاط مناطق كان الشرقيه او القصيم
او جده او ابها بس مايبي بالرياض
اختي تقول قمت احجره له بالاسئله
اقول مايفصلونكً عشان طالب نقل!
مو فوضه!
قالها انهم اجبروه انه يوقع ع تكليف
سالته ايش ذا التكليف قالها زي خلاص
يترك وظيفته لما تجيه المنطقه المعينه
بعدين بعد كم يوم صار يقول لاختي
واللي فهمته اختي منه كان ناوي يروح برا
يدور وظيفه!!
الى هنا مو مشكله المصيبه تقول
اقوله كيف يفصلونك اللي بيقدم مايفصلونه
يجلس يحوس ويغير السالفه
للعلم لما استدعوه بالشرقيه الوزاره
مع ان وظيفته بالرياض ع طول وقع وجلس
يعني ماداوم واللي نعرفه اللي يقدم طلب
نقل يداوم لما السنه الجديد وينقل
لاكن هو بنص الترم الثاني جلس بالبيت
اختي تقول حاسه٧٠ بالميه انه يكذب
شكلهم هم فاصلينه او فيه سبب
مو معققول واحد بكامل قواه العقليه
يوقع ع الشي الي يقولون عنه اللي اسمه تكليف
يعني خلاص كانه يخسر وظيفته
تكفون اللي زوجها معلم او هي معلمه تفهمنا
واللي فهمته من اختي
وخلاني اقول احتمال كبير مفصول
للاسف انه مهمل بدروس الطلبه دايم يغيب
ويسحب عليهم وكثير مشتكين عليه
ويضرب احيانا الاطفال لانه يدرس ابتدائي
واختي تقول كم مره اعصب عليه واقوله
حرام عليك بزران ليش تمد يدك عليهم
يقولها انا بالي طويل لاكن يرفعون ضغطي لما
اضربهم لدرجه يقول مره ضربت بزر
لما حسيت انه بيموت لما سالته اختي ليش
يقول وانا اكتب بالصبوره جلس يرقص على الطاوله
وقام الاخ طلع كل نفسية الصباح فيه
فقال اخوي حتى لو يضرب مايفصلون
الا ع شي كبير