يا بنات بعض المعلمات والله ما بيدهم شي تدخل الحصه وتكون فقط 45 دقيقه واحيانا الصف يكون فيه اكثر من 45 طالبه هي ما تقدر تلحق على الطالبات العاديات فما بالك بذوي الاحتياجات الخاصه يعني تخيلو 45 طالبه ومطلوب منها كل حصه تدور عالواجب وتدقق باجابات الطالبات وتصحح لهم بالاحمر متى تخلص .. والله ضغط عليها الوقت يعني حتى الابداع فالحصه محدود مع العدد الرهيب والتكدس للطالبات فالصف ...والمشكله بعض الامهات تبي بنتها تجيها للبيت وهي حافظه كل شي وحاله حتى واجباتها مع المعلمه .. طيب وين دور الام والبيت ... المعلمة ملزمه بخطه بتوزيع للمنهج مطالبه تمشي عليه بحذافيره واذا جتها الموجهه وهي متأخرة اكلت لها تهزيئه ... وانا اشوف االحل انه يقللون عدد الطالبات بالصف يعني بالكثير يصير 25 طالبه او 30طالبه ... يوفرون للمعلمة وسائل تعليم مطورة ... اعطاء المعلمة دورات في كيفية التعامل مع ذوي الاحتياجات الخاصه وكيفية استيعابهم ...كثير من المعلمات محبطات من واقع التعليم .. وانعدام المرونة قي العملية التعليمية ...

وبي صادقه ياقلبي

حسبي الله ونعم الوكيل

سبحان الله صارو يدرسو عشان الفلوووس مو عشان هادي هوايتهم والله جد وطبعا مو كلهم

يااختي
بدل ماتحطين اللوم على المعلمة الي مكلفه بمنهج معين وطالبات عددهم بالثلاثين بالفصل الواحد
دوري طريقة ثانية لهذي الفئة تناسبهم وتناسب وضعهم
فماهو معقول المعلمة تترك درسها ومنهجها ومسئوليتها وتركز على طالبة وحده وتعطيها كل وقتها
انتم تحسبون المعلمة ألة ماتحس ولاماعندها مسؤليات ولامنهج ولااعمال غيرها

صادقه والله بس حتى الامهات لهم دور نبهي بنتك تحترمهم وتتعامل معهم وتراعيهم انا بنتي معهم بالفصل طالبه مثل ما ذكرتي وتقول بس البنات يضحكون على تصرفاتها اذا سوت اي شي قلت لها حرام عليكم بكره يمكن اي وحده منكن ربي يرزقها طفل محتاج اهتمام ورعايه وتكون بنفس الموقف وبديت انصحها واطلب منها تساعدها قلت لها انا لمن كنت بعمرك وانا صادقه جت معنا طالبه سمعها ضعيف وتركيزها بطئ قمت وجلستها بمقعدي الامامي عشان تركز وانا رجعت للخلف ليش انها المسيكينه تكسر القلب جت بعد الدراسه بكم اسبوع وما لها مقعد والله انها صارت من اعز صاحباتي وتحسن نطقها كثير صارت تتجاوب والمعلمات يشجعونها سبحان الله كانت الوحيده بالمدرسه اللي غير عن كل الطالبات بس اكسبت حب واحترام كل الطالبات والمعلمات لين تخرجنا من الثانوي وهي معنا وكلن راح بطريقه وما بقى غير الذكريات الله يذكرها بالخير ويوفقها تأثرت بنتي من قصتها وقالت خلاص من بكره بنصح اي وحده تضحك اوتعلق عليها وبحاول اساعدها قلت كفو يابنتي وما لك الا الاجر والله هالزمن غير عن زمنا بس لازم يكون التوعيه من المعلمات والامهات بعد حتى لو مدرسه اخطأت تكون الطالبه احسن منها ساعتها بتتفشل وتحترم نفسها مره ثانيه وما تقلط على احد