المعلمه والمديرة الديكتاتوية والاقارب..((احتاج ارائكن))

بسم الله الرحمن الرحيم
السلام عليكم ورحمة الله وبركاته
اخواتي الغاليات بنات حواء .. يسعدني ويشرفني ان اكتب موضوعي واطرحه بين ايديكن لعلي اجد لمشكلتي علاجاً شافياً..
أحترت كثيراً في بداية طرح هالموضوع هل اضعة في هذا القسم أو في قسم الواحه العلميه وملتقى المعلمات... وفي الاخير قررت وضعه هنا لان موضوعي هذا اعتبره مشكله اجتماعيه بالنسبه لي ..
الموضوع ومافيه .. انا (واعوذ بالله من كلمة انا ) معلمه جديده تعينت هذه السنه في قريه بديرتنا وطالباتي من جماعتنا وبعضهم اقاربنا والمعلمات يعرفون اهلي تماماً ..طبعاً نحن عشنا حياتنا كلها في المدن ولا نذهب للديره الا نادراً لحضور زواج احدى الاقارب او في الاعياد نعيد على اجدادنا.. المهم انا مالي احتكاك بالمديره والمعلمات .. والمديره فرضت على الاداره والمعلمات بالتقيد بالوان محدده للملابس يعني يوم السبت والاحد البلوزه لون وردي والتنوره لون اسود& الاثنين والثلاثاء البلوزه لون بيج والتنوره لون بني & الاربعاء عادي يلبسون اي لون .. بالنسبه لي تفاجات لما عرفت نظامهم هذا وطبعا ماتقيدت بالوانهم وصرت البس على كيفي بعدين اشتكوا المعلمات وقالوا للمديره :ليش ((فلانه)) ماتتقيد بالالوان مثلنا ايش معنا هيه ..؟!! وعبّوا راس المديره.. وكلمتني المديره وهددتني بان بيدها درجات الاداء الوظيفي واذا ماتقيدت بالوانهم راح تكتبّني مخالفه وتنقص من درجاتي .. وانا بصراحه دولابي مليان ملابس من كل لون لكن انا مااحب اكرر اللون وماابغى اقعد اغسل واكوي في نفس البلوزه وتعرفون كيف الجديده دائماً الانظار مسلطة عليها وانا اصغر معلمه بالمدرسه ابغى اتهنأ بشبابي واتكشخ على كيفي وبقية المعلمات كبار في السن اكبر مني بكثير وبعضهم والله اكبر من أمي .. عادي عندهم مافرقت يبغون يوفرون رواتبهم عشان لايشترون ملابس كثيره.. وانا بالنسبه لي مره مهو عاجبني هذا الوضع و القريه مافيها اسواق. يعني اضطر للسفر الى مدينتي واشتري من هناك الملابس.. انا مااحب احد يهددني بدرجات ولا يفرض سلطته عليه واصلاً هذا النظام هيه حطته من عقلها اصلا مايحسبونه في الاداء الوظيفي .....وقررت اقول للمديره ((اذا بتنقصيني نقصي وبألبس اللون اللي ابغاه)) :mad: احس لما باقولها كذا بارتاح لكن استشرت معلمتين بهذا القرار وقالولي (نصيحه لااسوي كذا وأمشي على النظام لان المديره لو حطتني ببالها راح تنكد عليه حياتي وراح ترهقني بالاعمال) هم كذا نصحوني ... وانا ماابغى المشاكل لان بهذه القريه اي شي بسيط يكبرونه ويشوهون سمعه الواحد وبسرعه الواحد هنا يفضحونه وتتناقله الاجيال لانهم اقارب كل واحد يحكي الثاني :44:..


معليش اذا غثيتكم بشكواي لكن والله اني محتاره هل اكلمها وأفتك من هذا القلق وألبس الالوان اللي انا أبغاها ((ولا)) أضغط على نفسي واتقيد بألوانهم وانا مجبوره ومُكرهه؟؟؟ وماابغى الناس هنا تعرف اني عنيده ويشوهون سمعتي عبر الاجيال... افيدوني جزاكم الله خيراً وفرّج همكم وادخلكم الجنه من اوسع ابوابها..