المعهد السعودي الصيني بجده 00000حسبي الله ونعم الوكيل

بسم الله الرحمن الرحيم
اخواتي حبيت اعرض عليكم شي حصل لمجموعه من فتيات هذا البلد وفي جده واقسم بالله اني صادقه فيه وهاذي معاناتنا خلاص قررت اكتبها لكم بعد ما فقدنا الامل الا بالله سبحانه وتعالى 0000
في صيفية العام الماضي وقبل بداية المدارس اعلن عن المعهد السعودي الصيني وكان المفروض يكون له دعم من عبداللطيف جميل بس الشركه المذكوره سلفا اعتذرت بعد ما نحنا قدمنا اوراقنا من عندهم المهم اخرتها رحنا لمقر كان مفتوح قدام قاعة الفيصل مكتب صغير نسائي اداره للمعهد واقنعونا انه نسجل بالفين وكانت الرسوم 12 الف وقاله انه نتحول على الموارد البشريه تدعمنا ومميزات تدريب وبعدين توظيف لمصنع تفتحه السيده فاطمه العيدروس صاحبة المشروع(حسبي الله ونعم الوكيل )دفعنا 0اول اسبوع من المدارس اعتذرو وقالو الي بعده وروحنا كان اجتماع مع الاداره وصاحبة المشروع وانه متاسفين على التاخير بس بسبب انتم شايفين لسه بنستعد ما خلصنا والمذكوره سابقا (صاحبة المشروع )تقول الاهالي شككو فينا وعدم مصداقيتنا لكن اطمنكم الدراسه الاسبوع الي بعده قبل رمضان صار باسبوعين وداومنا والحال مافي دراسه نروح ونرجع والله يعلم وحده هو بهدلة البصات والصحيان المبكر وفيه بنات شمال جده وجنوب جده وبنات من ثول وذهبان تبعد قرابة ساعه والله الاغلبيه يقوم قبل الفجر للباص لانه بيعدي على البنات وبنات ثول وذهبان مساكين من قبل الفجر لمن قريب المغرب 0000المهم جا يوم في بداية الاسبوع الثاني مقطوعه الكهرباء وحاله جات المديره طلعتنا نرجع بيوتنا وقالت خلاص بعد رمضان تجحوا كل شي جاهز وتبدو دراسه على طول 0000بعد رمضان كالعاده اتصلو قالو بعد اسبوع من المدارس الدوام 0داومنا والحال بدون تدريس وزحمة في الباص وصحيان من قبل الفجر واقسم بالله على غير فايده اغلب النهار نقعد نتكلم وفيه مجموعات بنات ما خذينه ونس جابو لنا وحده انجليزي وحده حاسب ووحده فني على عدد بنات اكثر من 200 وقسموا مجموعات طبعا مودراسه ولاشي عدل غير في الاغلب كلام فاضي نظرا انه المدرسه ما تقدر تتابع هذا العدد كله وفيهم امهات كيف تدرسهم وتبدى معاهم (عفوا نسيت اذكر لكم انه المعهد كان فيه 6 تخصصات وهي خياطه وتطريز وتصميم وتصنيع اكسسوارات وتصميم ملابس واداراه مصانع وفنادق والاخيره خارج المصنع المزعوم)0ووعدنا من جديد لمن بعد الحج راح تلاقو وتجدو كل شي اتغير ويكون وصلو المدربات الاجنبيات لتدريبكم ومعاهم مترجمات 0000بعد الحج صار اول محرم وجاوبو عقد من خمس صفحات وبنود كثيره ومن ضمنها تتوظفي لصاحب جهة العمل في اي مدينه يزوال نشاطه فيها والاهم صار مافي دعم من الموارد البشريه انت تقسطي العشره الباقيه من راتبك ويعني هو الراتب 1300-1500------طبعا الكل رفض ووفي طالبات ابوها رفض والي زوجها العقد في اشياء غلط وغير مختوم وغير محدد فيه اي شي نحنا نوقع على بياض وهي بعدين تعبي الخانات 0000توقف المعهد واتصلنا على فاطمه العيدروس نسالها نبغى نسحب عطينا فلوسنا ما درسنا ولا شي على الاقل الف من الالفين قالت الافتااح الرسمي 1 صفر وتداومو والي تبى تسحب تجي مافي مشكله ندرس وضعها مع العلم انها كانت شبه تقلل مننا ومن الافين علني تقولك اش الالفين انا دفعت وانا عملت بخمسين الف و-وووو 000و حتى تقلل من قيمة الشهادات تقولهم اش عندكم وانا بوظفكم وادربكم 00000حمدالله على كل حال 00المهم اخرتها سمعنا انه التغى وهي كان عندها المركز العالمي للسيدات في شارع مستشفلى السعودي الالماني 000وهذا نحنا والله اخذنا من اهالينا الفين ولا درسنا ولا شي وكم شهر ضياع وقت وتعب حسبي الله عليها زي ما حرقت قلوبنا وخلتنا في وضع حرج 0000فيه طالبات كانو في كليه وانسحبو عشان هذا المصنع وفيه من دبرو الفين باعو ذهبهم وفيه الي استلفت والله العظيم حال مؤسف 0000نهايتنا نحنا ما ندري اش نسوي نبى جزء من المبلغ على الاقل الدين يرجع منه او حتى للظروفهم اصعب مساكين والله سمعو شي للجميع بدون شهاده حتى لو ابتدائي وركضوا عليه وحملوا نفسهم فوق طاقتها املا انه هذا هو المجال الوحيد00000هذا طبعا غير المبني الي كان غير ماهول وتعرض لحوادث طفح مياه +الكهرباء 000وعلاوه والله العظيم على معاناة اخرى في الباصات يوم من شدة الزحام طالبه اختنقت وكنا نطلع يوميا خمس ادوار 00000
ااااااااسفه على الاطاله عليكم متاسفه جدا لكن والله هذا وما حكيت كل شي حمدالله
لكن نحنا شبه ضايعين ما ندري اش نسوي حتى لو بندخل شي اخر الي اتسلف من وين له والي اهلها قالو خلاص روحتي قبل كدا وو0000
مالعمل ؟؟؟؟؟الحل؟؟؟؟؟؟؟؟ليه النصب على فتيات الوطن وهم يدورون اي شي يصبح مصدر دخل لهم وما يكونو عاله على اهاليهم ويساعدو ايضا ؟؟؟؟؟؟
انا اتاسف مره ثانيه على الاسلوب الركيك في التعبير لكن معاناة عشناها وحبيت اكتبها لكم وجزاكم الله خير 000