المغربيات للتذكرة فقط الله يحفظكم

بسم الله الرحمن الرحيم ،

خواتاتى المغربيات بغيت نطلب منكم هاد الطلب و الأجر على الله و بغيتكم غير تدعوا لىبالخير.

الطلب هو :

* ان كل واحدة غادية تزور المغرب تمشي و ترجع بالسلامة و الله يحفظها امين يا ربى انها تخصص مبلغ صغير و بسيط تخليه معاها و توزعه هناك على الفقراء و المحتاجين و المعاقين و اللى تلاقاو معاهم فى السواقة و القساريات و غير الأماكن

* الزكاة واجبة علينا حتى لو عندك فقط مليون ريال مغربية يعنى 1000 دولار أمريكى و داز عليها العام خاصنا نخرجوا عليها الزكاة و العشار 2.5% و انتم عارفين المحتاجين و ما نخبي عليكم راكم عارفين و شايفين.

و الله هذه تذكرة بغيت نفعكم بها فى الدنيا و الاخرة و الله يا خياتى راه الصدقة و الزكاة طهر فلوسنا و تنور وجوهنا و تخلى الله يرضى علينا و أجرها محفوظ بميزان حسناتنا . و الله أنا قلت كلامى هذا على قدر نيتى و بغيت نبلغ .
و اللى ما عجباهش كلامى تسامحنى يا شريفات و تبارك الله عليكم راكم حنينات و قلبكم حنين و كريمات صدقونى مال الصدقة و الزكاة دغية يرجع ليكم فقط جربوا حتى لو مبلغ صغير الله الله فى هدوك المساكين و المحتجين و المعاقين و الله ينور عليكم فى الدنيتا و الأأخرة و ادعوا لى ظان الله يناولنى باللى فى بالى و بالسلامة يا لكبيدات.