ملف لعلاج المغص عند الرضع
الأمومة والطفل
•
17 سنة
عرض القائمة
السلام عليكم
اكيد مافي ام ما تعاني من نوبات المغص لرضيعها ويصير الوضع متوتر ومرهق
ولا تعرف الأم شنو تعطيه عشان يهدي وينام مرتاح غير ان الطفل يظل يتعصر ويصير وجهه غامق
نبي نحط هني بهالملف أسماء الأدوية والخلطات اللي ممكن ان الرضيع ياخذها وتنفعه وما تضره
وياليت كل وحده تفيدنا بتجارها بهالناحية
والحين انا بحط لكم اللي اعرفه
الأدوية :-
- ماي غريب (ملعقة صغيرة تخلط بماء دافي) وتعطى للرضيع
- بونيسان (2.5 مل مع ماي دافي)
- Disflatyl يأخذ 15 نقطة بالفم
- Gas ناسيه الكمية اللي ياخذها الرضيع
الخلطات :-
- حبة حلوة + ينسون
- كمون + نعناع
- بابونج + كراويه
- ماي زهر + ماي ورد
- علك لبان مر + مره + سكر نبات
طبعا ما ننسى خروج الهواء من معدة الرضيع بعد كل رضعة
وتنويم الرضيع على بطنه مع التربيت على ظهره
أخذ كمية من زيت الزيتون وتدفئته قليلا ومسحه على بطن الرضيع مع ضغط خفيف جدا بالمسح بشكل دائري على بطنه
وضع الرضيع بحوض فيه ماي دافي لمدة ربع ساعه
ممكن استعمال شاي ميلوبا او هيرو يعطى منه سانتي واحد
ترى فيه شي ممكن الأمهات متجاهلينه ان حركة الرضيع ممكن تخليه يطلع الغازات فإذا جاته نوبة الغازات فكيه من مهاده وخليه يتحرك عشان تتحرك الأمعاء وتطلع الغازات
وتقدرين انتي تساعدينه بحيث ترفعين رجليه لي بطنه طبعا شوي شوي وتردين تنزلينه وترفعينها يعني مثل الرياضه عشان تساعدينه بخروج الريح منه
يالله بنات همتكم اللي تعرف شي تفيدنا :)
لأن ممكن الأشياء اللي كتبتها تنفع في بعض النوبات وبعض المرات ولا شي ويظل يبكييييي :(
زائرة
يلزم عليك تسجيل الدخول أولًا لكتابة تعليق.
زائرة
•
طبعا هذا أنا بحثت هنا ولقيت هذا الملف ومقدر ارفع الموضوع ودي أسأل احد جربها هذي الاشياء للمغص عند الرضع ونفعت خاصة الخلطات.
منيـــرة
•
رفيجتي استخدمت رضعة ينسون حق بنتها لما كان عمرها شهرين، وايد زاد وزنها بعدها تقول كانت ترتاح من المغص فصارت ترضع اكثر
زائرة
•
منيـــرة :
رفيجتي استخدمت رضعة ينسون حق بنتها لما كان عمرها شهرين، وايد زاد وزنها بعدها تقول كانت ترتاح من المغص فصارت ترضع اكثررفيجتي استخدمت رضعة ينسون حق بنتها لما كان عمرها شهرين، وايد زاد وزنها بعدها تقول كانت ترتاح من...
ماشاء الله
قصدك ينسون الاعشاب والا رضاعة
أنا كام شبه جديدة ماعرف كثير معلومات وبنتي قبل لعبت فيها ماكنت ادري ان تبكي عشان مغص
قصدك ينسون الاعشاب والا رضاعة
أنا كام شبه جديدة ماعرف كثير معلومات وبنتي قبل لعبت فيها ماكنت ادري ان تبكي عشان مغص
منيـــرة
•
زائرة :
ماشاء الله قصدك ينسون الاعشاب والا رضاعة أنا كام شبه جديدة ماعرف كثير معلومات وبنتي قبل لعبت فيها ماكنت ادري ان تبكي عشان مغصماشاء الله قصدك ينسون الاعشاب والا رضاعة أنا كام شبه جديدة ماعرف كثير معلومات وبنتي قبل لعبت فيها...
الاعشاب كانت تسوي لها رضعة من ينسون رقم 1 او 2 ماتذكر
زائرة
•
يعني عادي أحط ينسون في الرضاعة لطفل عمره شهر ونص
ماعرف شيء احس اني فاقدة الذاكرة ماذكر كيف كنت اخفف عن بنتي المغص بس اذكر يقولو ينسون وكأني استخدمته 🤦🏻♀️
عندي قطرات ديفلات بس تسبب اسهال على طول
ماعرف شيء احس اني فاقدة الذاكرة ماذكر كيف كنت اخفف عن بنتي المغص بس اذكر يقولو ينسون وكأني استخدمته 🤦🏻♀️
عندي قطرات ديفلات بس تسبب اسهال على طول
الصفحة الأخيرة