مدخل ~
هذا حجازُ النـُّـبلِ بوركَ طـُهــرُه
مِن أرضهِ نـَـبَعَ الهُدَى فـَـرَوَانا
هذا حِجَازُ المَجْدِ يَسْمُو شامخاً
سيظلُّ دوماً للعُلا رُبـَّـــــــانا
هذا الحجَازُ سَكبـْـتُ فيهِ مَحَبـَّـتي
فـَتـَـناغمَتْ أرجاؤهُ ألـْــــــحَانا
كل عام وانتم بخير .. ^_^
جيت وجايبه معايا وصفه حجازيه لذيذه كالعاده ..
المعمول الحجازي له نكهه وطعم خااص جدا ، ومعروف عند الحجازيين بالحج ..
قبل عيد الحج بنجهز المعمول الحجازي .. وبنشتري حلويات الحج الخاصه
مثل ( هريسه اللوز ، واللبنيه ، وحلاوه لدو ، والمشبك ،
ودجاج البر >> شي مثل امممم المكسرات ،
وبنشتري الشوكلاته مو مثل تبع عيد الفطر لا بتكون قوالب الشوكلاته
بنكهات مختلفه >> لانه بعيد الحج مافيه زيارات .. اغلبها رحلات وتماشي )
نبدأ ^_^
مقادير العجينه : ( ممكن تحطين نصها او ربعها )
6 كاسات دقيق ابيض كويتي ..
3 كاسات سميد ناعم ..
كاستين سمن شوكه وملعقه مذوبه..
قالب زبده لينه >> مش سايله ..
رشه ملح ..
فنجان شمر محمص و مطحون..
فنجان محلب محمص ومطحون ..
وممكن حبه سودا مطحونه >>> استغنيت عنها لأنها تسود بالعجينه ..
وومويه للعجن ..
مقادير العجوه :
كيس تمر معبوك >> نراعي يكون لونه فاااتح وطررري مو يكون له قررن بالمحل
عشان بعد مانسخنها ونحط لها الزيت وتنحشى وتدخل الفرن لاتسووود بزياااده ..
5 ملاعق هيل مطحون ..
فنجان قهوه زيت عافيه ..
سمسم محمص ..
للزينه : سكر مطحون ناعم
الطريقه :
نحمص المحلب ماياخذ وقت يمكن دقيقه او نص دقيقه
بس لين تفوح ريحته >> سررر من اسرار علمتني اياها امي ...
نحمص الشمر ونفس الشي ليين تفووح ريحته .. ونطحنهم ناعمييييين
ننخل الدقيق ونملحه ونضيف له السميد والمحلب والشمر
ونحركم بالملعقه لين يتجانسوا ..
نضيف السمن السايل والزبده اللينه انتبهوا الزبده لينه مش سايله ...
ونفرك الدقيق ليين يتشرب كللله ..
ونعجنه بالمويه لين نحصل على عجينه متماسكه وطريه ..
ونخليه يرتاح ساعتين او 3 ..
بهالوقت نجهز العجوه ...
اول شي نحمس السمسم لين يصير اشقر ..
بقدر ع النار نحط التمر ونضيف عليه فنجان زيت عافيه و5 ملاعق هيل
مطحون ونخليها ع النار مع التحريك لين تدفى ونطفي النار
ونضيف السمسم ونحرركه ليييييين يتجانس تماما مع السمسم ..
للموضوع بقيه ~
بدأنا بالتشكيل بالقوالب ونرصها بالصينيه وندخلها بالفرن
نشغل تحت شوي وبعدين فوق تحت مع بعض ..
ننتبببببه مانخليها تحمممر مرررره مجرد تاخذ لون اشقر
عشان لا يصير طعم العجوه محروق وتقسى حبه المعمول ..
هنا بعد ماطلعت من الفرن ^_^ يمممممي على الريحه .. وشكلهم يجنن ..
وترشينها بسكر مطحون وهي حاره عشان السكر يمسك ..
وممكن ماتحطين راجع لك ^_^
وهذا زنجبيل بالنعناع والليمون للمزكميييين مثلي :frown: ..
ملاحظه ( الكميه سوت 4 صواني نفس مقاس اللي بالصوره )
ممكن تنقصين حسب كميتك ..
المهم والأهم انه لكل 3 كاسات دقيق كاسه ونص سمن او كاسه سمن ونص قالب زبده ...
والسميد كاسه .. >> هذا كميه صغيره تسوي صينيتين ..
أتمنى الوصفه اعجبتكم وحازت على رضاكم ..
انتظر ردودكم الجميله ..
مخرج ~
حَيِّا الحِجازَ وساكـِـــــنيهِ فـإنه
رحِمُ الفتوةِ أنجَــب َالفـُرْسَانا
غيثٌ مِن الشوقِ العظيمِ تـَـنزَّلا
في خافقِي فاسْتخرجَا الأوزانا!!