مساء الخير..

بعد ما طلعت منكم ركبت على الغداء مقلوبة وسلطه.. بس..ثلاجتي فاظيه تقريبا..

وجا زوجي ومعه الخضار ودخلتها الثلاجه باكياسها وحوستها..بس لين نخلص متغدين وامخمخ عليها..

ويوم خلصت مغسله المواعين..

فتحت الثلاجه وصورتها ثم وفررررغتها وفكيت الادراج وفركتها ونظفتها ومسحتها ..وقعدت ادقق باشياء ما عمري التفت لها..جبت عصا الشيش طاووق وقعدت احك الاماكن الظيقة..

والدرج اخيييرا عرفت كيف افكه..مو افكه من الثلاجه..لا..افكه هو نفسه ويسير مقسوم قسمين..وجه وبدي.. ونظفته زييين..

ورجعت الاغراض.. ومسكت كرتون الكوسه وحطيته بكيس بعد ما شلت منه الورد حقه.. وعلى الدرج..

والطماط رتبته بسله مخصصتها له.. والخس جاي بكيسه وحده.. فكيتها وغلفت كل كوره خس لحالها بالنايلون.. ونفس الشي الملفوف..

والخيار حطيته بكيس ةعلى الدرج.. والباميه حطيتها بعلبه خاصة والفاصوليا ايضا..

البصل الاخضر غلفته بالنايلون.. بقى الورقيات اقطفهم واحطهم بعلبهم.. عشان اصورها وانزلها لكم قبل وبعد..<<< طاااافره بالبلوتوث بقوة..

بروح اكمل ترتيب المطبخ..باقي البصل والبطاطس ما جيتهم..

والارض اللي عند الثلاجه يبي لها فرك..

ودي اروش لولو ورهف..جود تو تروشت ويبي لي اجفف شعرها..

ناويه ان شاء الله بالليل اذا نامو البنات انظف المقلط من قلب لأن ريحة الحليب مرررره معششة..

سلملم..


نكته..

واحد سأل ولد: كم عمر ابوك؟

الولد: ما ادري!! بس هو من زماااان عندنا..

هلا فيك عبائر اكيد نذكرك


بس المشكله اذا انتي ماذكرتينا :( انا بعد حامل وماباركتي لي >>> بدت الشرهااات ههههههههههه


الحمدالله على رجعتك لنا والله يتمم لك على خير ولا تقالطعين ابدااااااااااا

عباااااااائر... وكيف ننساك معقولة..

اخبارك..وحشتيناااا..

رجعتي لبيتك.. اخر مره دخلتي قلتي بتروحين لاهل زوجك بالديره..

اخبار سلوم..عسى ما ياذيك بسخاينه..

الله يسهل عليك ويتمم لك على خير..


سأكون..

انا زوجي نفس الشي سوا معي امس..يماااطل ما عطاني كلمه اذا اروح لأختي او لا..

مع انها قايله لي من قبل امس.. وسألته..وقال اشوف!!!

مع ذلك خليته يوديني..لأني حسيت انه يبيها تجي مني اني اهون عن الروحه..و بعدين يقول انا ما رفضت..انت اللي رفضتي..

هلا والله بحبيبة الجميع بالغااااااااااااااليه عباير اشتقنالك وليومياتك 0000

مبروك الحمل والله يتمملك على خير
اخبار سلوم يارب مايتعبك ؟ بشري لقيتوا بيت زين ماتنقطع مويته؟؟؟
وتعالي تسلي معنا حتى لو ماتكتبي يوميات بس طمنينا وتواصلي معنا
سلامي للجميع

هلا فيك عباير انا أذكرك بس انتي ماتذكريني ههه نورتي
ماشاء الله عليك ياندىالمطر عساك على القوه بمناسبة الخضار قد جربت طريقة مناديل الورق تكون مع الخضار يافي علبتها أو بكيسها المخصص لها مرره حركه حلوه وتطول عندك وأعتمدتها عندي أما الطماطم بعض الأحيان يجي في سلتها زي أورق الكرتون أحطها في درج الثلاجه وأوزع الكراتين تحتها وفي الجوانب برضه تطول عندك >>>اللي يسمعني يقول مخترعه شي
أم الخطاب ماشاء الله شهتيني في عشاك من مدح أبوك وشكل زوجة أبوك طيبه الله يخليها لكم

....
...
..
.
الحياة مليئة بالحجارة..فلا تتعثر بها بل اجمعها وابن بها سّلما تصعد به نحو النجاح