ندى

انا لو منك نشبت له خليني ازهق ولا اقعد بديرة وهو بديرة..وتبين الصراحة اكثر وقت الرجال بيحتاج زوجته هو وقت السفر للخارج!!


السديم
اجل تأجلت المنظفات هههههه
انا اشوف انك تروحين وسط الاسبوع لسيتي ماكس وتدورين على رواق وتبدلين بشي صيفي لعيالك وزين معروف مع الزحمة ما نركز بالي شريناه


ام خطاب

افا..اجل ما تهنيتي بروحتك؟ عطينا التفاصيل اذا روقتي شوي:)

بنت نورة

وناسة الشوي بالسطوح تقولين متفقين حنا شوينا امس بس في الحوش والجو كان روعة

غزال
سلامات بسم الله عليك وش الي صابك في بطنك؟

الغايبات وينكم عسى ما شر؟

صباح الخييييييييييير علي الغوالي اخباركم جميعا اااا00
والله ودي ارد علي وحده وحده بس اعذروني <<بدت تدلع عاد هههههههه0
اخباري امس مافي اعمال منزل لا اعمال طلعه 00
رحت لرياض من الصباح مريت اهلي وتقهويت عندهم طلعت للعياده وسويت اشعه طلع جنيني بالسونار فدييييييييييييييته يارب يقول لي الدكتور انوه بالاسبوع الثالث بنات ماتصدقون مدي فرحه الدكتور تقولو هو الي حامل مغير يدور ويفتر من الفرحه وبكيت يوم قال شافها والتفت وجلس يمسح دموعه اول مره اشوف دكتور شاعري كذا بالعاده قاسيين عاد اختكم ماكانت مقصره مريت محلات بوكيهات وورود واخذت بوكيه بميه رووووووووعه وكتبت عليه وعطيته ولدي وعطاه الدكتور تشقق من الوناسه الشكر لله ثم له علي الجهد العملي والنفسي 0
سبحان الله يابنات كان هالشهر ناوي مايعطيني ابر بس انا رفضت وضحك مستعجله قلت ايه وضحك وصار حمل 00
عاد ابي منكم شريط حمل 00

رحت بع\دها للمشغل قصيت شعري وسويت حمام زيت

ووديت ولبدي الملاهي عبقرينو وعلي اخر لعبه طاح من النطيطه وجاها ضربه من راسه بس الحمدلله عدت علي خييير 0
شفت التخفيض بسنتر ومكس بس مادخلت قال زوجي بريده اخف بكثييير خساره كان ودي الرياض الحس اكثر بضاعه 00
اليوم الجمعه جمعه مباركه علينا وعليكم 00
زوجي احتمال مو اكيد يروح مشوار عاد ودي ادهر بالبييت اغسل ملابس وارتب وامسح ودي امسك قسم الرجال وارتبه ناويه اخليه مره بالاسبوع ترتيب عميييق 00
عاد ابكتب الي ناويه اسويه و*****الله اسوييه00
غسيل ملابس +كنس +تمسيح +ترتيب بالمطبخ ومسح خارجي +وترتيب قسم الرجال00
والله يساعدني ودي بريموت اضغط كل شيء يترتب 00

ظهر الخيييييييييييييييييييير
كيفكم يالسنعاااااااااااات ؟

ام خطاب ننتظر تفاصيل روحت امس لا تخلي ولا فتفووووته قوليلنا كل شي وهونيها وتهون

ام دودي
اجل شويتوا امس
بالعااااااااافيه وارجعي اكتبي التفاصيل الله يعينك ما ينفع بس عناوين لازم النشرة كامله

غزال
سلاامتك يا قمر وطمنينا اذا سويتي التحاليل

حلم الحراير
يوووووووه موقف مؤثر
ياااااااااحليله هالدكتور ما شاء الله عليه قلبه رهيف
والله يحفظ لك جنينك يااااارب ويفرح قلبك فيه

سدومه
توصل البوسه يا قمر
اخبارك ؟

ندو
غريبه المفروض زوجك يحببك بالسفرة ويكون هو اللي يبيك تروحين معه مو يخوفك ويقولك بتطفشين
لو انا منك رجلي على رجله خصوصا عشان هالحركه خخخخخخخخخخخ
لا بس من جد لا تتركيه لحاله مدري كم سنه اخاف يرجع لكم واحد ثاني حتى لو سنه برضه كثير
وانتي استخيري لك وله والله يكتب لكم اللي فيه الخير

في ديرتنا
حلو رسمك ما شاء الله بالنسبه لانك من زمان ما رسمتي
يالله عاد طوري من نفسك واتسلي
ياليت عندي موهبه بشي اتسلى فيه او هوايه عالاقل

محشش في المستشفى طالع الدور الثاني يسوي أشعة،

دخل المصعد شاف المرايات والأنوار يحسبه محل أشعة!!

المهم فصخ ملابسه وقف المصعد وانفتح الباب شافته الممرضة وصرخت ،

قال المحشش: لاتقولين سرطان!!..
السلام عليكم ورحمة الله وبركاااااااااااته
اللهم صلي على محمد وعلى ال محمد كما صليت على ابراهيم وعلى ال ابراهيم انك حميد مجيد
وبارك على محمد وعلى ال محمد كما باركت على ابراهيم وعلى ال ابراهيم انك حميد مجيد
حبيت ابدا كتابتي بالنكت عشان توسع صدوركم وصدور الي ضايقه صدورهم
غزال سلامة قلبك من كل شر وش الي صار لك ياعمري
----------------------------------------------------------
يومياتي **
صحيت الساعه 12 حطيت معطر ملابس على ملابس عيالي كانت بالغساله منقعتها من امس بصابون الوزير شطفتها وحطيت المعطر
عليها وخليتها منقعه عشان تثبت الريحه
شبيت على قهوتي وصليت وجيت اكتب لكم مشتاااااااااااقه للسوالف مع كل وحده
امس جبت شغالة خالتي نظفت الثلاجه بحكم انها فاضيه فرصه للتنظيف ونظفت باقي دواليب المطبخ الداخليه الي مانظفتها قبل وكوت شوية ملابس وانا مسحت الارضيات للبيت والحمام وغسلت ملابس ملونه وملابس لعيالي وبس

دلوعه هلا والله وغلا كنا نكتب سوى يالله حيهااااااااااااااااا
وش اخبارك واخبار تالا وامورك ان شاء الله تمام ؟