مساكم الله بالخير
اليوم يالله صلحت غداي وكنست الصالة وبس اتسدح
سويت الشاهي لنا وقعدت اقرا اخباركم

عباير
ما شاء الله عليك الله يحفظك ..بس اسمعي مني لا ترهقين جسمك بالشغل بكرة اذا ولدتي طحتي من ظهرك زي حالتي الله يستر

ام خطاب
تصدقين كاتبة لك رد وطار وقلت يمكن خيرة!
مدري وش اقول..بس تحتارين من امر الناس

موقف
كنت اذا رحت زيارة لهم زوجي معه مفتاح ويوم زيارتنا معروف يرفض نطق الباب يفتح لنا الباب ويقول ادخلوا
عاد انا اذا وصلت باب الصالة الداخلي طقيت الباب من باب الاستئذان والتنبيه...مو معقول ادرعم وبس
قالت لي خالتي مرة ماله داعي كل ما جيتي قعدتي تطقين الباب ادخلي وبس حنا مو اجناب !

راحت الايام وصرت ما اطق بس اخلي عيالي يدخلون قبلي وانا اتاخر شوي...استحي ادخل فجأة بصراحة

مرة رحنا لهم العصر وكان يوم اربعاء واتصل عليهم زوجي يوم وقفنا عند الباب وقال افتحوا..يعني يدرون اننا جايين..دخلنا والعالم مبوزة!

من بكرة قالت بنتي ان فلانة ( بنت بنتهم) تقول وش قلة هالحيا فيكم تجون بدون اتصال ..البنت بثاني ابتدائي واكيد تسمع اهلها يتكلمون عندها!
عاد شوفي التناقض!!
ما راح تسلمين من بعض الناس لو تقطعين عمرك فالرسمية زينة بس بدون جفاء

خلي لك زيارة رسمية اسبوعية ..وزيارات للضرورة لو احد فيهم تعبان او بنت والدة
مناسباتهم اذا عندهم لا تروحين الا اذا دعوك ...واذا عند اقاربهم ووجهوا الدعوة لك روحي ولا عليك من احد ..ووسعي صدرك وطنشي

هلا السديم

انا موجودة كنت مشاوفة اروح لاهلي هالاسبوع وما حصل انشغل ابونا فتأجلت للاسبوع الجاي واحس مات حيلي حتى عن النت!

مساااااااكم وررد.. كيفكم..:)
امس رجعت لبيتي ونمت بعد ماصليت الفجر
وصحيت عشر بنظف وتعيجزت ورجعت اناام لين 1ونص صحو عيالي غيرت للصغير ملابسه وافطرنا والساعه 3 بديت بالغدا مضغوط دجاج احمر وسلطه خضرا..
وقبل شوي قام ابو الشباب وتغدينا واللحين مكسله ان شاءالله المغرب بقووم على البيت والغسيل..
اشووفكم على خير

سلام عليكم كيفكم بنات ..

حبيت اسالكم من اللي جربت سليمان فقيه اللي بجدة ودي اولد فيه بس محتارة وخايفة :(

هلا فيكم ...:)



جرح :
سبحان كانك تتكلمين عن حالتنا ههههههههههههههه زوجي عنده مفتاح ونفس الشي يرفض يخليني ادق الجرس بس احيان والله ماعلي منه ادقه واقول نسيت يختي ما احب ادخل فجاءه ع الناس واذا ما قدرت خليته هو وولده يدخلون وانا جلست عند المدخل افصخ عبايتي واتضبط شوي وبعدين ادخل ...
<<<
مشكلة الازواج ماااره يمونون على اهلهم وكل شي عندهم عادي واحنا الي نتوهق يالزوجات


وصادقه بخصوص الزيارات وتقليلها ..



ندى اهلا بطلتك :)
ولاحظ ان اخت زوجك تجيكم دايم ولا ..؟؟ يعني انتو ماتروحون لها ...

خلت بعض شغلي وقلت اريح شوي وبعدين اكمل ...