أسعد الله مساكم وجعله عامرا بذكر الرحمن

ماشاء الله لا قوة الا بالله
جعله الله في ميزان حسناتكن جميعا
حبيت اشكركم اني استفدت منكم كثير
ودايم ادعيلكم
ياحبي لكم
متابعتكم من الملف السابع
وكنت ماسجلت توني افكر اسجل يوم ضبطت اموري
اعرفكم على نفسي
والحمدلله لي شهرين موظفه
مدربة حاسب في معهد في وقت العصر
متزوجه في شهر سته ان شاء الله بكمل 6 سنين
نحيييييييييييييفه وزني مايتعدى 50
عندي ولد اسمه فيصل عمره سنتين ونص
عمري 23
بحاول اطل عليكم من فتره لفتره
جزاكم الله خييييييييييييييييييييييييييير

مساء الخير ..


بنات محد يدري عن ام حمودي وينها او وش فيها ..؟؟

بديت اقلق عليها اخر مره كانت تقول ان زوجها تعبان صح ..؟؟

وبنت نوره بعد مختفيه .؟؟

لا تقاطعون الله يخليكم ...ادخلوا طمنونا عليكم وبس ..




بعد ردي الصبح :
رحت وسويت الغدا وتغدينا نمت شوي الى العصر بعدين قمت صلحت شاي وقهوه لزوجي بيروح يزور صاحبه بالمستشفى وانا غسلت باقي المواعين وزيتت شعري وبروح بعد شوي اتحمم واشوف ااذا فيه غسيل حطيته بالغساله وبس ...


برجع لكم باذن الله الاقي البنات المفقودات <<< هههه حسيت اننا في ملاهي

سي يآآ

السلام عليكم


اخباركم صبايا واخبار ذركم


البارح كرفت كرف مانمت الاوجسمي مكسر عندي اغراض كثيره يبيلها مستودع ومضيقه صدري ومحومه كبدي بعد كان عندي مستودع قبل بس خذوه اهل زوجي يوم جاء اخوه يتزوج وانا قعدت بدون مستوع مع انه كان متر وشوي في متر وشوي بس كان شايل الحوسه عن وجهي الاغراض هذي قعادات فارس وهو صغير وملابسه اللي وش كثرها غير ملابس الشتاء طبعا كل الملابس في شناط بس القعادات والدفايات وخلافه ناطه في وجهي قمت عليها وحطيتها باكياس زبايل الله يكرمكم وقربتها عند الباب ودي يحطها بمستودع اهله بس عارفه انهم بيفتحونها هي مافيها شي بس مااحب احد يفتح شي يخصني من غير استئذان

بنات ودي اسالكم اذا حمولتك فتشوا لك اغراض عادي والا تتضايقون جاوبوا تكفون

انا مره عطيت زوجي ملابس يوديها للجمعيه وماوداها خلاها في سيارته وطبعا هو يخلي سيارته مفتوحه لانه يدخلها وسط البيت سالوه عن الكيس قال ملابس لام فارس للجمعيه وبعدين لقيتهم مفتشينها وهم عارفين انها لي وقالوا لزوجي ترانا اخذنا بلوزة للشغاله وعصبت وتنرفزت انتوا وش رايكم وعصبت على زوجي قلت لو انك موديها كان محد قرب منها بس انت يومك سنه وصار حوار طويل بيني وبينه عشان هالشي

ووش رايكم لو حطيت اغراضنا في مستودعهم اقول لهم اذا بغيتوا شي منها عطوني خبر قبل والا اسكت ومااحطها مدري محتاره وهم الله يهديهم مايحطون لي اعتبار نهائي اهم شي ولدهم وانا طز فيني

ردوا علي لاتطنشوني تكفون

نرجع ليومياتي

طبعا ماخلصت شغلي الا 9الصباح وماعندي نيه بس زوجي عصب وقال نومي بكره كملي دخلت الحمام فرشت اسناني ونمت وماصحيت الا 4ونص ويالله قمت شبيت عالقهوه ومالقيت زوجي كلمته قال تغديت تحت وطلعت للكوره جاء قبل المغرب تقهوينا وطلع يصلي ومابعد رجع انا صليت وجيت معكم شوي

انا الحين في المطبخ طلعت لحم مفروم بصلح مكرونه باللحم والجبنه مشتهيتها وبقطع سلطه وبس

هذا شغلي للحين والبقيه بعدين


سلام

احساس تسلمين حبيبتي وانتي اخبارك مع الام العله واخبار عيالك مع التعب ان شاء الله بخير

ساكون يومياتك نشيطه دايم الله يعطيك العافيه

ندى الصور روعه ماشاء الله

ام خطاب اخبارك يالغاليه

عبائر الله يعطيك العافيه

دلوعه بريده اخبارك حبيبتي واخبار الوالده

السديم مت ضحك عالنكت

ام دودي وام حمودي وام تالا مالكم بالعاده تبطون طلوا علينا

البقيه لكم حبي واشواقي