صباخ الخير

لورا
ايه كذا الخط مرتب و كبير ينشاف اول تحول عيوني وانا اقرا هههههه
ويومياتك روعة ما شاء الله تبارك الله

غزال
واو طلعتي منتي هينة ما شاء الله عليك بس انا لا يمكن ابسوي كذا ما عندي جرأة وما اقدر اتحمل الي بيجيني منهم من ورا هالموقف
بس قهر ليش ما قالوا لك؟

حمولتك عادي عندهم لبس الجنوز للمتزوجات؟ اخاف لبسك يضايقهم بس

اتذكر وانا عروس كنت شارية بدل فرنسية بس مسترة وما يبين شي وكنت صغيرة وجسمي نحيف يعني ما يضايق شكلي احد هههه
وسوو لي سالفة عند زوجي وصار تخيلي كل ما جيت اطلع يقول تعالي وريني وش لابسة!

الله المستعان يالدنيا راحت الايام وصاروا الي انتقدوني واعمارهم اكبر مني بكثير ما يحظرون ولا مناسبة الا بالسترتشات والعاري بعد !والاجسام حدث ولا حرج والاعمار يالله اني احمدك ان عافيتني مما ابتليتهم به!

انا الحين لا يمكن البس بنطلون قناعة مني انه ما يمثل شخصيتي وتوجهاتي ومع ذلك تلاقيني بكل مناسبة لا بد الفت الانتباه ولله الحمد بلبسي وهم الكل يعلق عليهم خصوصا انهم ما لبسوه الا على كبر !
باختصار اذا حمولتك عندهم بنات ما تزوجوا خففي تزين عشان يصيرون ينادونك:35:


دلوعة بريدة

الحلويات كلها تجنن ارشحها كل ابوها ههههههه وبصراحة صينيتك تنفع لعيالي يموتون بالهوتدوق

بنت نورة
وش اخبارك مع الرجيم وبديتي تمشين والا لا لان لازم مشي او رياضة عشان ما يصير ترهل..
بعدين ليش ما صورتي اللقيمات نبي نشوفها مبطين عنها خخخخخ

دلع جدة

الحمد لله على السلامة ..يالله نبي الموجز حق الرحلة عجلي علينا

جالكسي
الله يكون بعونك لازم تنظمين نومك عشان الدوام صعبة تواصلين

ام للطفلة
تجون من الشرقية وتروحون ابها ما شاء الله عليكم خذتوا اجازتكم بدري
بس كثير يسوون كذا يقولون اخف زحمات وارخص اجارات

نونا 000 الله يرحمه ويغفرله ولجميع موتى المسلمين
يارب 0000

صباح الورد يالغوالي اخباركم *****الله تمااااااااام00
راح ولدي وابوه الله يحرسهم وانا جالسه اشرب حليب 0
بنات ضايق صدري مع اني توني بالشهر الاول احس اني مورمه وسامنه هاذا عادي او لاء؟؟!!
مقرره اني اترك الخبز والملح والاكل الدسم وبااكتفي بالحليب الصباح او بيضه
والغدء رز لحاله من دون ملح وملوخيه او سلطه خضراء والعشاء فواكه او زبادي واستمر علي شرب المويه الله يساعدني يااااااااااااااااااارب علي الاقل الشهور الاولي لاني لو مشيت خطر وظهري يقب علي 00
تدرون انا متعذبه من الورام يوم احمل بولدي صايره سوداااااااااااء ومورمه بشكل غير طبيعي وكلما سالت فيني زلال ضغط قالو لا طبيعي مرتفع اللضغط خفييييييييييييييييييف ويوم جيت اولد جيت اكلم زوجي دقيت علي وحده بالغلط وانا اصيح قالت شفيييييييييييك ماقدرت اكذب والله مااخذت شوي الا علي طول عملييه <<<ماودك احد يدري عن اي شيء ولكن بعد ايش انا اخذت درس بالحياه استعينو باموركم بالكتمان 00
والله ودي افتح ملف بالمستوصف بس العجز يمكن اروح الظهر اذا قدرت 0
بنات بسالكم عن شيء الان يوم اروح لدكتوره سوت سونار وقالت عمر الجنين بالهجري ثلاث اسابيع والميلادي خمسه وانا اخر دوره لي 17 _ 4 هجري شتقولون انتم ساعدوني 00

صباح الخير..

نونا..هلا فيك..الله يصبر خالتك وبناتها..عظم الله اجركم.. وسلامة بنتك ما تشوف شر..

غزال.. ما شاء الله عليك.. عرفتي تتصرفين..

طيب زوجك ما استنكر حركة خواته؟

دلوعة جدة..حمد لله على السلامة.. اجل ممتع السفر مع الطفل؟ أحسها بتاكل الجو علي!!!

(البنت ضرة امها)<<<اللي قالها ما كذب

أم لطفلة.. حمد الله على السلامة.. ما شاء الله..اجل سياحه داخلية..

حلو بتلقون كل شي فاظي لكم..بلا مهرجان بلا قلق..و ما فيه زحمه..واهم شي الجو البديع حق ابها طبعا والا الشرقية ما فيها توفة..

دلوعة بريده..عساك على القوة.. سوي اللي مقاديره متوفره<<< متعقده من المقادير..

ام خطاب.. ادعي الله انه يسخر لك زوجك ويهديه في كل فرض.. واكثري من الاستغفار بنية ان الله يحنن قلبه عليكم ويحس فيكم..

ام حمودي.. اخبارك..عسى العمليه مو متعبتك..

حلم.. وش عندك تسألين سويسرا..هي سويسرا والا النمسا؟ تراني الخبط...

اذا شعبها مثل شعب المانيا (هي جنبها صح) فهم ما يحبون الحجاب.. اختي رايحه لألمانيا و كانت متنقبه..

واذا شافوها عقدوا حجانهم وقالوا: نو برقع..خخخخخخخ

جالكسي.. ذكرتينا بتواريخ زواجنا..خخخ

تصدقون من فتره قاعده اتذكر جتنا فتره نتكلم عن ترتيبات لليالي رومنسية..لدرجة انا ماعاد نكتب يومياتنا وفتحنا ملف جديد خاص بهالترتيبات..

اثاري تواريخ زواجنا المتقاربه لها دور بتركيزنا.. انا بشهر سبعة..

______________
يومياتي..

بعد ما خلصت من حوسة الغدا.. رحت للمقلط ولمحت الشباك..الا الدنيا رصاصية!!

وش ذا؟ غيم والا دخان!!!

وافتحه وناظر..شكله يخوووووف... طلع حريق في مستودع قريب من الميناء.. الله يستر..

المهم..قعدت وكبس علي النوم..

قلت باخذ لي غفوة عشان ما يتشقق فمي عند الحرمة..

بس جود الله يصلحها تسلطت..وجابت دروسها وهاتك يا اسئله..وهذا وش لون احله..ووش اكتب..

قمت عصبت عليها وطار النوم..

دخلت المطبخ وسويت حلا منها وفيها...

وطلعت شلت لبس الكنب..وفرشت مفرش الطاولة..

وجبت وحده من طاولات الخدمه اللي بالمجلس..

ورتبت اكسسوارات الحمام الله يكرمكم..

وتروشت.. ولبس وجهزت ملابس بناتي..

و رتبت الفناجيل والبيالات واللذي منه..<<أول مره احس اني رااايقه وعندي وقت لكل هالترتيبات..

ويوم اذن المغرب ركبت على القهوة..ولبست بناتي وسرحت شعورهم..

وبدت ريحة الحريق توصل لنا..كأنها حسحسه..افيه..

وجت الحرمة هي واطفالها و زوجها اللي يسير زميل زوجي بالعمل..

ونبسطنا الحمد لله.. حتى يوم مشت ودي انها قاعده اكثر..

حتى الشاي ما جبته..تقول ما اشربه خليني عند القهوة وانسيني...انقهرت على الفطائر جايبتها من لازورد..

وبعد ما طلعوا نامت جودي بلبسها وبعدها لولو..رتبت غرفتهم عقب حوسة البزران..

وقعدت مع روفي..يا بعد عمري احس اني مهملتها ..

ورجعت لبس الكنب..

واليوم..شلت اكسسوارات الحمام وعبيت الغسالة..

وقاعده اغسل بالملابس..

وقطو..

دلع جده
الحمد لله على سلامتك.
.............
غزال الحور
ماشاء الله تبارك الله عليك لو ان مكانك مارحت كان تضايقت وقلت عناد لهم مااروح
بس تعجبيني ...
طيب ليش ماواجهتيهم وقلتي ليش ماعلمتوني؟؟
مع انهم معلمين مرة ولدهم الثانيه!!!
وتصدقين اوافق كلام جرح وكان في بالي اقوله وسبقتني
اذا كان حمولتك من النوع اللي مايلبس كذا يمكن هذا اللي مضايقهم.
وش اخبار ام مشاري انااااا وش فيها معد تسير؟؟؟
............
نونا
الله يغفر له ويرحمه والحمد لله على قضائه وقدره
وسلامة بنتك ..
.............
بنت نوره
الله يفك اسر حقتك ويرزقني بوحده من زمان وانا ابي اشتري بس مابعد التفت لها صدق.
...............
دلوعة بريده
انا ارشح الاول شكله لذيذ.
..............
ديما
الله يجزاك خير يوم علمتينا عن الجزء الثاني من شديد وتمام
شريته لعيالي وانبسطو عليه وخصوصا نوره يحبونها مررررره أذا جت قالو ماما تعالي شوفي نوره >>>هههه
.............
لورا
الله يعطيك العافيه
أشم ريحة النظافه المنعشه من مطبخك>>>ههههه
.............
يومياتي امس
ابو الشباب موموجود وولدي عند الكمبيوتر وقلت فرصه اروح اشوف لي شغله
دخلت المطبخ ورتبته سريع وجبت بخاخ فاضي وعبيته مطهر ديتول 4×1 بريحة الياسمين
ومسحت الثلاجه والفريزر والغساله من برا وأدراج المطبخ من برا والارفف والحمد لله خلصت
وعشيت عيالي من باقي الغداء
وسويت لي توست وتعشيت...
...........