اميييييييييييييين ياخلود
يالبى هالطله والله لك فقده مررررررره وسبحان الله من غبتي واححنا فاقدينك الله يرجعك لبيتك بالسلامه
ويرجع رجلك لكم سالم غانم ويحفظه واستودعيه كل يوم بصره وسمعه وادعي له بالحفظ
ولاتضيقين صدرك ابدا الي ربي كاتبه بيصير
عندنا جاره سوريه تقولي خالتي عنها يوم ولدت وهي بالنفاس راح رجلها لسوريا وخذا سوريه عليها
الحمد لله الذي عافانا مما ابتلاهم به وفضلنا على كثير ممن خلق تفضيلا كثيرا
وانهبلت يوم راح وتخيلي كانت تتفشخر عند عجز الحاره وهالسعوديات تغيضهم ان رجلها مخقه
ويسمع كلامها لدرجة انها تقول وانا اسمع انه تحداني اكسر جوالي وخبطت به في الجدار وانكسر
وقلت له في نفس اليوم رح جب لي غيره محد قال لك تتحداني وراح جاب لها
ومن بكره قالت تحداني وشوف بعد قال لا خلاص انتي ماينمزح معك انقهرت مره لو هي سعوديه
الظاهر ماسوى لها كذا

صبحكم الله بالخير اخبار الغوالي جميعا
ام بدوره:icon28:ه مبروك النيو لوك الجديد تتهني فيه
انااا اخبار يالغلا وسلامه ميشو ممكن برد ولا اكل شي موزين ومبروك المشترواتا وعلمينا عن فستانك لا طلع يارب يضبط وتراي شريت نفس الحركه امس للملكه وتذكرتك بس انا ماعندي وقت بلبسه بالشال الحمد لله يابنات زوجي وداني امس السوق في زمن قياسي 11 وشوي وانا من الفرحه على طول اخذت واحد حلو نااااعم وهادي مررره هو يتعلق عالرقبه وتحت الصدر كم حبه كريستال ومن تحت شيفون بكسرات روووعه والله بس متني شوي ضيع الاستعراض بالنحف مومشكله لونه فوشي وشريت لي صندل وشنطه سهرات حلوه بس من سوء الحظ خذيت اول مره شنطه وصندل فضي قلت يكسر الون ومع الكريستالات ولا لقيت المقاس وادور فضي شكل ثاني معفنه ماعجبتني ومافي وقت قال زوجي اشتري من هنا مافي وقت ولا البسي من الي في البيت يوم قالها انمغصت 00 رجعت اخذت صندل فوشي فاتح شوي وفيه فضي ونفس الشي الشنطه مع اني مو مره مقتنعه بالون بس يالله الله يسعده ماقصر نزلني وهو تعبان وعنده دوام الله لايحرمني منه
ساكون اخبارك واخبار القماري ياحبي ليومياتك ماشاء الله عليكي
حلم وام حمودي اخباركم مع الحمل طمنينا عنك يا نوره اذا رجعتي من المستشفى خخخ حفظت اسمك
خلود الله يعينك عالحريم لازم تنكد وانا نفس الشي صار لي عاد انا المغرب سافر وتعالي شوفي ليش تخلينه يروح السحر منتشر والحريم ومدري ايش جنننوني وانا موناقصه بديت اوسوس قلت لهم الله وحده الحافظ وهو موصغير يعرف الخير والشر:mad:يالله عاد لاتبطين علينا لك وحشه والله الله يجمعنا بالجنه جميعا طبعا يومياتي لاجديد البيت مرتب والحمد لله يادوب غسيل حمامات وطبخ وتنظيف مطبخ باقي عندي ترتيب دولااب عيالي محووس حوس 00000000000000 وقطو يلحق جمل ههههههههه كيف تجي ؟؟!!:)

اهلين خلود وحشتينا

والحريم ماعليك منهم الي يبي الحريم بكل مكان والي عينه مليانه لو يجون قدامه ماناظر فيهم

وان شاء الله زوجك منهم انتي ماليتن عينه الله يسعدكم ويجمع شملكم

ام بدوره مبروك الصبغه والقصه

لورا مبروووك المشتريات وتتهني فيها

هلا ام يودي اخبارك وعلومك 00 الله يبارك فيك يارب
ندى الله يسعدك ياحبي لبناتك حركاتهم تهوووس واخبارهم مع السياكل برسلك اولادي يفحطون معهم عندهم سياكل بدون حوش 0000000000 الدلوعتان وينهم غاطات عسى ماشر يارب؟