كوبونات الراقية تسجيل الدخول

ندىالمطر
ندىالمطر •
مساء الخير..

اخباركم..

الفجر بعد ما طلعت منكم..ورحت بنام..الا لولو تبكي.. وجتنا تتشكا..

اخذتها وطلعنا وحطيتها بسريرها وعطيتها حليب..وقعدت ارتب غرفتهم..واكتشفت عصير مكبوب على الارض ويابس..

ومسحته بمناديل رطبتها بكاس موية على الكومدينة<<< عجزة اروح للمطبخ

وقعدت تتشكا من البامبرز.. وديتها للحمام.. واكتشف ان مكيف المقلط يشتغل!!

طفيته وظفيت الحوسة.. وطلعت غيرت للولو..وحطيتها بسريرها.. وانسدحت مع جود بسريرها..

قمت على ابو جود الساعة سبع.. يقول بطلع ويمكن يجي معي واحد على الغدا..

وانا متننننحة.. كل اللي جا في بالي ان المجلس مغبر..

وبعد ما اصبحت الظهر..استوعبت الموضوع..وذكرت ان ما عندي رز ولا سلطة ولا خضار!!!!!! وش بغديهم؟؟؟!!!!

ودقيت عليه..وقالي انه ماراح يجي معه الرجال.. قلت خيرة..

ركبت على القهوة..وجا ابو جود وتقهوينا.. ولقيته شاري كاميرة ديجيتال..اخيييييييييراً..

وقال ان اخته عازمتنا اليوم على القهوة..<< هي من يومين عازمتنا واعتذرنا لأن الصغيرة تعبانة..

قال ابي اقوم القا الغدا جاهز نتغدا ونطلع لهم..

وانا نويت على كيكة التمر..بسويها وبحطها بصحن لها عندي..

جبت التمر وقعدت اطلع النوى منه.يوم خلصت واشيك على الوصفة.. واذكر ان ما عندي بيييييض...تهيئ تهيء!!!

وه يا ربيه.. دايم ما اتسلط على الكيك الا اذا ما كان عندي بيض!!!

الثلاجة مررررة تقرقع.. وما قلت له عن النواقص على امل اننا قريب نروح للرياض..

بنات ..ابي حلا ولا مالح..ما يحتاج بيض..ولا ياخذ وقت..
ندىالمطر
ندىالمطر •
لورا..اقول وشي مقادير اللبنية..فيها لبن؟ ما ينفع زبادي والا حليب؟!!<<هذا المتوفر خخخخ
لورا_2006
لورا_2006 •
هلا وغلا ندووووووووش البنيه ياعمري ماجربتها الابالبن ماتنفع بالحليب وتري فيها بيضتين خخخخخخ
مقاديرها
2 بيضه
كاس سكر
كاس لبن
نص كاس زيت
1م ك ب ب
1كاس دقيق ابيض 00فانيلا
نص كاس جوز الهند ان وجد
تخلط المقادير السائله ثم الجافه وتدخل الفرن اذا جهزت تشرب بقليل من الشيره ونضع عليها التوفي (التوفي اختباري)
ندىالمطر
ندىالمطر •
الله يعافيك..ما قصرتي..

تهيء تهيء..والبيض وراي وراي..توني جايه من قسم الحلويات..

الي مافيها بيض يكون فيها شي ثاني موب عندي!!!!

بروح ابدا بغداي بس..
لورا_2006
لورا_2006 •
ندووش ليش ماتسوي لهم بسبوسه سوي بحث بسبوسه بدون بيض وتطلع لك
او كوري التمر الي سويتيه واكسري بسكويت الشاي و اعجينيه مع بعض واذاعندك كورن فليكس ااضيفيه بعدين لفيه رول وقصدريه وعالفريزر لين يتماسك فكي القصدير وقصيه قطع وربي خيال 00000000